“Qalatasaray”da idarə heyətinin üzvləri klub prezidenti Mustafa Cengizdən istefa verməsini tələb ediblər.

 

Bu, idarə heyətinin iclasında baş verib. Vitse-prezidentlər Abdurrahim Albayrak, Kaan Kançal və Yusuf Günayın da iştirak etdiyi toplantıda 7 nəfər prezidentdən istefa verməyi tələb edib.

 

Onlar son günlər klub daxilində yaşananların həm “Qalatasaray”a, həm də Mustafa Cengizin səhhətinə mənfi təsir göstərdiyini əsas gətiriblər. Lakin klub rəhbəri bu fikirlə razılaşmayıb və növbəti seçkilərə qədər vəzifəsindən ayrılmayacağını bildirib.

 

Qeyd edək ki, mayın 29-da keçiriləcək seçkilərdə Burak Elmas, Mətin Öztürk, Tuncer Hunca və Əşrəf Hamamcıoğlu prezidentliyə namizədliyini irəli sürüb.