Qəzadan sonra 3 dəqiqəliyə ölən qadın ateistlikdən- Allaha inanmamaqdan əl çəkdi...-FOTO

Bizi sosial şəbəkələrdən izləyin:

ABŞ-dan olan Trisiya Barker avtomobil qəzasına düşərək üç dəqiqəliyə öləndən sonra ateizmdən, yəni Allahın varlığına inanmamaqdan əl çəkib.

Moderator.az "Fokus" nəşrinə istinadla xəbər verir ki, bu haqda "Daily Mail" yazıb.

Qadın iddia edir ki, Allah ona müəllim olmağı və hüquq fakültəsini tərk etməyi əmr edib.

Trisiya 21 yaşında olanda avtomobil qəzasına düşüb, ağır xəsarət alıb və əməliyyat üçün 17 saat gözləyib.

Əməliyyat zamanı Trisiya üç dəqiqə ərzində öldüyünü iddia edir.

O, xəstəxana otağında işıq gördüyünü və həkimlərin onun zədələnmiş işığını xilas etməyə çalışdığını iddia edir. O deyir ki, bunlara baxmaq istəməyib və xəstəxanada dolaşmağa başlayıb.

Sonradan guya qadının ruhu başqa bir ölçü aləminə daşınıb və burada babası ilə görüşüb. İddia edir ki, o, qoca yaşında ölsə də, orada gənc olub. Babası qadından Allahla görüşmək istəyib-istəmədiyini soruşub. Trisiya "bəli" cavabını verib.

Nəhayət, qadın uca səs eşidib.

"Bu, danılmaz bir şey idi. Vibrasiya kimi. Mən bunun Tanrı olduğunu bilirdim. Bu, məni ruhumun dərinliyinədək sarsıtdı. Bu, saf sevgi idi", - Trisiya belə deyib.

Danışan o vaxt hüquqşünas olmaq istəyən Trisiyaya onun əsil taleyinin müəllim olmaq olduğunu söyləyib. O, müəllimlərin çox pul qazanmamasına etiraz edəndə, Allah gülüb və ona çay boyunca ruhları göstərib; onlardan bəziləri qorxu və qaranlıqla, digərləri isə işıqla dolu olub.

"Şagirdlərinizi qorxudan xilas edin", - guya Tanrı Trisiyaya belə deyib.

Qadın vurğulayıb ki, məhz bu söhbətdən sonra o, reanimasiyada güclə nəfəs alaraq qəfil oyanıb.

Trisiya daha sonra o biri dünyaya səyahəti ilə bağlı yadında qalanları yazmaq üçün bir kağız parçası istəyib.

Qeyd olunur ki, Trisiya Alllahın məsləhəti ilə müəllim olmaq üçün hüquq fakültəsindən pedaqoji fakültəyə keçib və həm də Allaha inanmağa başlayıb.