“9-dan 29-a gedən qanlı yol: Niyə bu haqda filmlərimiz yoxdur?”

“Ermənistan vaxtiylə bizdən aldığı 9 kvadrat kilometrlik ərazini işğallar hesabına genişləndirərək 29 kvadrat kilometrə qədər genişləndirdi, indiki sərhədlərini aldı. Lakin baxaq görək, 9-dan 29-a gedən yolla bağlı bizim fimlərimiz varmı? Biz bu tarixlə bağlı ciddi mənada nə isə ortaya qoymuşuqmu?”

Bunu Moderator.az-a açıqlamasında Xalq artisti Nurəddən Mehdixanli bildirib. Xalq artisti qeyd edib ki, Ermənistanın işğallar, təxribatlar hesabına genişlənməsi ilə bağlı tarixi faktlara söykənən filmlər çəkilməli, bu tarix filmlər vasitəsilə təbliğ edilməlidir:

“Biz tariximizi, erməni işğallarını, bu işğalların xalqımızın həyatına gətirdiyi müsibtələri filmlər vasitəsilə bütün dünyanın diqqətinə çatdırmalı, həmçinin, gənc nəsilləri bu haqda ətraflı şəkildə məlumatlandırmalıyıq. Biz bütün dünyaya göstərməliyik ki, əslində bugünkü Ermənistan Azərbaycan torpaqları üzərində bərqərar olan bir dövlətdir. Ermənistan hər zaman terror, təxribat, soyqırımı siyasətinə öz mövcudluğunun əsas vasitəsi kimi baxıb. Məhz bu səbəbdən də hər zaman Azərbaycan xalqına qarşı terrorlar, soyqırımları törədib,  çoxsaylı cinayətlərə imza atıb.

Bizim işimiz bu cinayətləri incəsənətin vasitəsilə bəşəriyyətin diqqətinə çatdırmaq, unudulmamağa qoymamaqdır”.

Seymur ƏLİYEV