Slovakiyada Putinin yanına getmiş baş nazir "satqın" adlandırıldı...-Yerli KİV

Bizi sosial şəbəkələrdən izləyin:

“Ukraynada Sülh Naminə” ictimai təşəbbüsü bu gün -dekabrın 23-də günorta saatlarında paytaxtda etiraz aksiyası təşkil edir...

Slovakiyanın baş naziri Robert Fitso ilə Rusiya prezidenti Vladimir Putin arasında 2016-cı ildən bəri ilk şəxsi görüş müxalif siyasi qüvvələrin və ictimaiyyətin kəskin mənfi reaksiyasına səbəb olub.

Moderator.az "TSN"-ə istinadla xəbər verir ki, bu barədə Slovakiyanın “Aktuality” nəşri məlumat yayıb.

Müxalifət " Proqressiv Slovakiya” partiyasının rəyasət heyətinin üzvü, Slovak diplomatiyasının keçmiş rəhbəri İvan Korcok Robert Fitsonun səfərini "xəyanət" və "Slovakiyanın xarici siyasətində dönüş nöqtəsi" adlandırıb.

Brüsseldə Avropa İttifaqı sammitində baş verən fiaskodan sonra Avropa İttifaqında heç kim onu Ukrayna ərazisindən qaz tranzitinin saxlanması tələbi ilə dəstəkləməyəndə baş nazir Rusiya prezidentinin yanında durmağa getdi. Bu, müttəfiqlərə və Slovakiyaya xəyanətdir, bu, bizim xarici siyasətimizdə dönüş nöqtəsidir. Baş nazirin belə səlahiyyətləri yoxdur”, - Korçok yekunlaşdırıb.

"Azadlıq və Həmrəylik" Partiyasının prezidenti Bronislav Qrelinqin fikrincə, Robert Fitso “adi kollaboranitsionist”dır. O, Slovakiyanın baş nazirinin belə bir səfərlə ölkəni beynəlxalq təcrid vəziyyətinə saldığını bildirib.

“Biz Vladimir Putinə və bütün kölə xislətli rusiyayönlü siyasətçilərə mesaj göndəririk ki, Robert Fitso bütün xalqın adından danışmır", - deyə partiya lideri bildirib.

Bundan əvvəl “Proqressiv Slovakiya”nın lideri Mixal Şimeçka bu səfəri "Slovakiya üçün biabırçılıq və milli maraqlara xəyanət" adlandırmışdı.

“Əgər baş nazir həqiqətən qaz tranziti ilə maraqlanırdısa, o, Ukrayna tərəfi ilə danışıqlar aparmalı və Slovakiyanı Rusiyanın təbliğat alətinə çevirməməli idi”, - deyə o bildirib.

Slovakiyanın “Ukraynada Sülh Naminə” ictimai təşəbbüsü dekabrın 23-də Fitsonun səfərinə etiraz aksiyası təşkil edəcəyini açıqlayıb. Tədbir günorta saatlarında hökumət binası ilə üzbəüz Azadlıq meydanında baş tutacaq.

"Qaz tranziti məsələsindən Rusiya ilə əməkdaşlıq üçün Ukrayna və Avropaya qarşı sui-istifadə yolverilməzdir", - təşəbbüsün sosial şəbəkəsində deyilir.

Xatırladılır ki, Putinlə danışıqlardan sonra Slovakiyanın baş naziri Robert Fitso Kreml rəhbəri ilə görüşünün Ukrayna prezidenti Vladimir Zelenskinin Ukrayna ərazisindən “istənilən qaz tranzitinin” dayandırılması və Rusiyanın nüvə proqramına qarşı sanksiyalarla bağlı bəyanatına cavab olduğunu bildirib.