Moderator.az xəbər verir ki, bu barədə o, "Financial Times" nəşrinə müsahibəsində bəyan edib.

 

"Mən ABŞ-da seçkilərdən sonra bizə nə təklif ediləcəyini bilmirəm. Biz irəliyə getməyin üç yolunu görürük", - Ukrayna lideri qeyd edib.

 

Bu yollardan biri Ukraynaya hələ də "bəzi risklərdən çəkinən" müttəfiqləri tərəfindən dəstək göstərilməsinin davam etdirilməsidir, Zelenski deyib.

 

Digər iki yol prezident yarışmasında kimin qalib gələcəyindən asılı olaraq Ukrayna üçün vəziyyətin yaxşılaşması və ya pisləşməsini nəzərdə tutur.

 

"Bunun daha çox və ya daha az pozitiv olacağını, düzünü desəm, mən bilmirəm. Və bu, bizim xalqımız üçün çox ağrılıdır", - Zelenski bəyan edib.

 

Nəşr ABŞ prezidentliyinə iki əsas namizədin Ukrayna ilə bağlı mövqeyini xatırladıb. Kamala Harris bəyan edib ki, Ukraynanın gələcəkdə NATO üzvlüyünün mümkünlüyünü götürqoy edəcək, Donald Tramp isə Kiyevə hərbi yardımı tənqid edərək bəyan edib ki, prezident seçiləcəyi təqdirdə müharibəni tez bir zamanda bitirəcək.

 

Xatırladaq ki, bu ərəfədə Zelenski deyib ki, sentyabr ayında Donald Trampla görüşüb. Onun sözlərinə görə, o, Trampa bəyan edib ki, Ukrayna ya NATO-nun üzvü olmalı, ya da nüvə silahına malik olmalıdır.

 

Sonradan bəlli olub ki, Tramp Zelenskini müharibənin başlanmasında ittiham edib. O, Zelenskini "ən böyük tacirlərdən biri" adlandırıb və deyib ki, məhz Zelenski "müharibənin başlanmasına yol verməməli idi". O, deyib ki, "bu müharibə məğlubiyyət deməkdir"

 

 

Zelenski bəyan edib ki, Rusiyanın işğal etdiyi ərazilərin Ukraynanın NATO üzvlüyünə mübadilə edilməsi barədə sazişi irəli sürən   Qərb məmurları onunla məsləhətləşməyib.

 

Onun sözlərinə görə, onlar bunu açıq şəkildə deməkdən çəkinib. O, "bu barədə açıq danışmağa", bunu "hər-hansı üçüncü tərəf vasitəsilə" etməməyə", "bizimlə danışmağa" çağırış edib.

 

 

Bundan öncə xəbər verilib ki, Ukraynada müharibə Kiyevin təhlükəsizlik zəmanətləri alacağı, Moskvanın isə işğal etdiyi ərazilərə nəzarəti saxlayacağı ilə bağlı razılaşmalar əsasında başa çata bilər. Qeyd edilib ki, belə ssenari "təkcə Qərbin deyil, Ukraynanın da rəsmi şəxsləri tərəfindən getdikcə daha tez-tez müzakirə edilir".

 

Qərb diplomatlarının birinin sözlərinə görə, "NATO-da üzvlük əldə edilməsi üçün torpaqların güzəşt edilməsi "yeganə oyun ola bilər", lakin ukraynalılar üçün bu, hər halda açıq şəkildə tabu olaraq qalır", - nəşr yazıb.

 

 

Zelenski deyib ki, Ukraynada tammiqyaslı müharibə Rusiya diktatoru Vladimir Putinin təcrid ediləcəyi və digər tərəfdaşlarının onu diplomatiyaya sövq edəcəyi zaman bitəcək.

 

Ukraynanın NATO-ya dəvət edilməsi bizim müharibənin başa çatdırılmasının diplomatik yollarımızı möhkəmləndirir. "NATO-ya dəvət edilmədən biz çox güclü ola bilmərik. Bu müharibə Putinin təcrid ediləcəyi və digər tərəfdaşları tərəfindən diplomatiyaya sövq ediləcəyi zaman bitəcək", - o, bəyan edib.

 

Onun sözlərinə görə, Ukraynanın NATO-ya dəvət edilməsi xalqımız və əsgərlərimizin mənəvi ruhunu yüksəldəcək. "Dəvət edilmə NATO-ya daha bir addım atılması deməkdir. Bu o deməkdir ki, biz NATO-nun üzvü olarıqsa, övladlarımız heç vaxt ölməyəcək. Əgər NATO-ya dəvət almasaq, mənəvi ruh aşağı düşəcək".