“Bu gün, oktyabrın 18-də Ermənistanın xarici işlər naziri Ararat Mirzoyan İstanbulda “3+3” regional məsləhət platformasının üçüncü iclasında iştirak edəcək. “3+3” 44 günlük Qarabağ müharibəsindən sonra Türkiyənin təşəbbüsü ilə irəli sürülmüş və Rusiyanın dəstəklədiyi və üç Cənubi Qafqaz ölkəsinin – Gürcüstan, Ermənistan və Azərbaycanın, eləcə də üç region dövlətinin: Rusiya, Türkiyə və İranın iştirakını nəzərdə tutan regional əməkdaşlıq formatıdır. Rusiya Sergey Lavrovun iclasda iştirak edəcəyini təsdiqləyib, Gürcüstan isə növbəti dəfə boykot elan edib. Gürcülər Rusiya ilə ziddiyyətləri əsas gətirərək bu formatda heç bir görüşdə iştirak etməyiblər”.

 

Moderator.az xəbər verir ki, bunu səhər saatlarında Ermənistanın “Hraparak” nəşri yazıb.

 

“Siyasi dairələrdə müxtəlif ölkələrdən gələn bəyanatların təhlilinə əsasən Nikol Paşinyanın Rəcəb Tayyib Ərdoğanla ayrıca razılaşma çərçivəsində “Orta Dəhliz” adlandırılan layihəyə razılaşacağına dair proqnozlar səslənir ki, bu, yumşaq desək, Rusiya üçün qəbuledilməzdir. Çünki 10 noyabr 2020-ci il tarixli üçtərəfli sənəddə bütün yolların açılmasından söhbət gedir, təkcə Türkiyəni Azərbaycanla birləşdirən Zəngəzur dəhlizindən deyil.  Qeyd edək ki, oktyabrın 8-də Moskvada keçirilən Putin-Paşinyan və Putin-Əliyev görüşlərindən sonra Kremlin sözçüsü Dmitri Peskov Rusiya prezidentinin yarım saatlıq görüşlərdə “Zəngəzur dəhlizi” məsələsini müzakirə etdiyini açıqlayıb. Və artıq dünən Mariya Zaxarova redaktə edib ki, "Zəngəzur dəhlizi" termini Moskva tərəfindən istifadə edilmir”, - deyə xəbərin davamında bildirilir. 

 

S.Laçın