"Mən Putinin gözlərindən Ukraynaya hərbi müdaxilə edəcəyini sezmişdim" - Donald Tramp

Bizi sosial şəbəkələrdən izləyin:

"Bu müharibə bitməlidir, mən insanların ölməsinə son qoyulmasını istəyirəm..."

ABŞ prezidentliyinə Respublikaçılar Partiyasından namizəd Donald Tramp bəyan edib ki, Rusiya hakimi Vladimir Putinlə çox yaxşı yola gedir".

Moderator.az xəbər verir ki, bu barədə "The Telegraph" nəşri yazıb.

Məlumatda deyilir ki, Pensilvaniya ştatının Ouks şəhər meriyasında tədbirdə çıxış edən Donald Tramp özünün Rusiya lideri ilə yaxşı münasibətləri olduğunu təsdiq edib və bəyan edib ki, onun prezidentliyi dönəmində Ukraynaya hərbi müdaxilə heç vaxt baş verməzdi. "Mən Putinlə çox yaxşı yola gedirəm", - o, öz tərəfdarlarına deyib.

Putinin hərbi müdaxilə qərarı barədə danışarkən o, deyib: "Mən bunu onun gözlərindən hiss edirdim, amma dedim ki, o, buna getməyəcək".

Tramp əmindir ki, Putin hərbi müdaxiləyə yalnız indiki prezident Co Baydenə görə cürət edib. ABŞ-ın sabiq prezidenti deyib ki, onun Ukrayna prezidenti Vladimir Zelenski ilə də yaxşı münasibətləri olub və bəyan edib ki, o, hələ prezident seçilməzdən öncə Şərqi Avropada müharibəyə son qoyacaq.

"Bayden bununla bağlı heç nə etməyib, o, hətta bir ildən artıq müddətdə Putinlə ünsiyyətdə belə olmayıb. Bu müharibə bitməlidir və mən onu bitirmək niyyətindəyəm. Mən prezident seçilərəmsə, bu müharibənin bitməsinə cəhd edəcəyəm. Mən insanların ölməsinə son qoyulmasını istəyirəm, vəssalam", - o, bəyan edib.

Bundan öncə baş verənlər

Trampın bu bəyanatları KİV-lərdə jurnalist Bob Vudvordun "Müharibə" kitabından seçmələr dərc edildikdən sonra səsləndirilib. Orada reportyor Trampın vəzifədən gedəndən sonra Putinlə bir neçə dəfə telefonla danışdığını deyib.

Vudvordun məlumatına görə, Tramp 2021-ci ildə prezident kreslosunu tərk etdikdən sonra ən azı 7 dəfə Putinlə danışıb, amma nədən danışa biləcəyi məlum deyil.

Bu arada isə Kreml bu məlumatı təkzib edir. Putinin mətbuat katibi Dmitri Peskov bəyan edib ki, belə telefon söhbətləri, guya, olmayıb.