"İsrailin İranın neft obyektlərinə mümkün hücumu hansı nəticələrə səbəb olacaq?" - Ekspert rəyi

Bizi sosial şəbəkələrdən izləyin:

"Yaxın Şərq geosiyasəti dünyada neftin qiymətində və iqtisadi sabitliyində həmişə həlledici rol oynayıb..."

Əgər İsrail İranın neft obyektlərinə hücum edərsə, biz ikiqat uduş əldə edəcəyik.

Moderator.az xəbər verir ki, bu barədə "Hirshovitz Finance" şirkətinin baş direktoru Daniel Şevkes "Maariv" nəşrində yazıb.

Məlumatı "cursorinfo.co.il" nəşri yayıb.

O, hesab edir ki, İranın neft sənayesinə hücum neftin qiymətinin artırılmasına gətirib çıxaracaq və İsrailin bütün dünya boyunca satmağa can atdığı təbii qaza tələbatı artıracaq. Beləliklə, İsrail belə olan halda maksimal uduş əldə edəcək.

Hal-hazırda Tehranda yanacaqdoldurma məntəqələrindəki növbələr İran İnqilabı Keşikçiləri (SEPAH) üçün həlledici maliyyə resursu olan İranın neft obyektlərinə İsrailin mümkün hücumu səbəbindən əhalinin yanacaq qıtlığı ərəfəsində qorxusunu əks etdirir. SEPAH İranı 40 ildən artıqdır ki, öz əllərində saxlayır.

Qərbdə bir çoxları hesab edir ki, İsrailin İranın bu yaxınlardakı hücumuna cavab tədbirləri bu gəlir mənbəyinə yönələ bilər. Əgər SEPAH-ın gəlirlərinin azalması daha az məyusluq doğurursa, neft ixracına daha geniş təsir həlledici əhəmiyyət kəsb edir. İrandan edilən neft tədarükü dünyada neftin ümumi həcminin təxminən 4 faizini təşkil edir və bu tədarükün azalması xüsusilə Aralıq dənizi regionunda kəskin qiymət artımına gətirib çıxara bilər, Şevkes qeyd edib.

Məsələn, İran Çin üçün iri tədarükçüdür, bu ölkə İrandan təxminən 90 faiz neft əldə edir. Çinin İrana qarşı sanksiyaları görməzdən gəlməsinə rəğmən, qiymət artımını görməzdən gəlmək çətin olacaq və o, böyük ehtimalla, bu artımı istehlakçıların üzərinə qoyacaq. Bu isə öz növbəsində Çində istehsal edilən malları, əsasən İran neftindən istifadə edilməklə əldə edən Qərb istehlakçılarına təsir edəcək.

Şevkes qeyd edib ki, belə geosiyasi mürəkkəblik ABŞ və digər Qərb ölkələrinin İranın neft sənayesinə ciddi zərər vurulmasından yan keçmək üçün İsrailə təzyiq etməsini izah edir.

Yaxın Şərq geosiyasəti dünyada neftin qiymətində və iqtisadi sabitliyində həmişə həlledici rol oynayıb. Lakin İranın rəqibləri neft tədarükündə qıtlığı tez bir zamanda doldura və İsrail zərbəsinin nəticələrini yumşalda bilər.

Səudiyyə Ərəbistanı və Fars körfəzinin digər istehsalçıları neft hasilatını asanlıqla artıra

və qiymətləri sabitləşdirə bilər. Onlar bunu hələ etməyib, amma edə də bilər. İsrailin hücumu onlara təkcə diplomatik və təhlükəsizlik deyil, həm də iqtisadi nöqteyi-nəzərdən sərfəli ola bilər.

İsrailə gəldikdə, biz neftin qiymətinin artmasından uduş əldə edəcəyik. Qiymətlərin kəskin artması İsrailin həvəslə satdığı təbii qaza tələbatı artıracaq, Şevkes hesab edir.