Ukraynada həyəcan siqnalı verilib, Kiyevdə partlayışlar eşidilir

Bizi sosial şəbəkələrdən izləyin:

"Bu, oktyabrın əvvəlindən işğalçıların Kiyevə dördüncü hücumudur..."

Ukraynanın bütün ərazisində həyəcan siqnalı elan edilib, Kiyevdə partlayışlar eşidilir.

Moderator.az xəbər verir ki, bu barədə Kiyev şəhər Hərbi Administrasiyası məlumat verib. Məlumatı ''amp.censor.net" nəşri yayıb.

Məlumatda deyilir ki, MiQ-31K daşıyıcılarından X-47M2 raketlərinin buraxıldığı qeydə alınıb, paytaxtda hava hücumundan müdafiə

sistemləri işə düşüb.

Bundan başqa, Hava Qüvvələri Starokonstantinova "Kinjal" raketinin atıldığı barədə məlumat verib. Yerli KİV-lər partlayışlar haqqında məlumat yayıb.

Kiyev meri Vitali Kliçko məlumat verib ki, ilkin məlumatlara görə, raket qalığı şəhərin Solomensk rayonuna düşüb. "Bütün xidmətlər hadisə yerinə yollanıb", - o, qeyd edib.

Kiyev şəhər Hərbi Administrasiyasının sədri Sergey Popko qeyd edib ki, qurbanlar və dağıntılar qeydə alınmayıb.

Məlumatda deyilir ki, bu gecə düşmən "Shahed" tipli dronlarla Kiyev şəhərinə müxtəlif istiqamətlərdən hücum edib.

"Bu, oktyabrın əvvəlindən Kiyevə dördüncü hava hücumudur! Praktiki olaraq hər gecə olduğu kimi, Rusiya ordusu yenidən pilotsuz uçuş aparatlarından istifadə edib", - məlumatda deyilir və əlavə edilir ki, paytaxtda gecə ərzində üç dəfə həyəcan siqnalı verilib və iki saatdan artıq davam edib.

HHM qüvvə və vasitələri ilə Kiyev ətrafındakı hava məkanında təxminən 15-dək düşmən dronu aşkar edilib. "Düşmənin paytaxta təhlükə törədən bütün PUA-ları zərərsizləşdirilib", - məlumatda deyilir.

İşğalçıların gecə hücumu

Ukrayna Hava Qüvvələri məlumat verib ki, hələ dünən axşamdan şimal-şərq istiqamətindən düşmənin zərbə dronlarının hərəkəti qeydə alınıb. Saat 20:45-də düşmənin zərbə PUA-larının Sumıda tətbiq ediləcəyi barədə xəbərdarlıq edilib.

Sonradan belə təhlükənin Xarkov, Poltava və Çerniqov vilayətlərində olduğu elan edilib. Daha sonra həyəcan siqnalı daha bir neçə rayonda və paytaxtda elan edilib.