Moderator.az xəbər verir ki, bu barədə Polşanın "İnteria" nəşri yazıb.

 

Pomidorlar buterbrodlar, şorba, salatlar, həmçinin dadlı souslar hazırlamaq üçün əla tərəvəzdir. Onları ilboyu mağazadan almaq mümkündür, ona görə də böyük populyarlıq qazanıb. Bu, doğrudur, çünki pomidorlar bir çox qiymətli maddələrlə zəngindir və bu, orqanizmin funksiyalarına müsbət təsir göstərir.

 

 

Pomidor bostanlarda, həyətyanı sahələrdə, hətta eyvanlarda ən çox yetişdirilən tərəvəzdir. Onlara qulluq asan iş deyil, onları təkcə dadına görə deyil, həm də sağlamlıq üçün yetişdirmək lazımdır.

 

Tomatların tərkibində çoxlu C vitamini var, bu da təbii olaraq immuniteti möhkəmləndirir. Pomidorda həmçinin A və E vitaminləri var, bunlar dərinin vəziyyətinə təsir edir. Onlar selüloza, kalium, maqnezium və dəmirlə zəngindir.

 

Tomatların ən qiymətli inqrediyenti likopin maddəsi hesab edilir, bu, şişəleyhinə təsir  göstərən antioksidantdır. Termiki emaldan sonra onun təsiri azalmır, bu da çox vacibdir. 

 

Beləliklə, hər gün pomidor yemək sağlamlığa necə təsir göstərə bilər?

 

 

Pomidorlar qamma-aminyağ turşusu ilə zəngindir, bu birləşmə arterial təzyiqin nizamlanmasında mühüm rol oynayır.

 

2023-cü ildə "Avropa profilaktik kardiologiya jurnalı"nda aparılan təqdiqatın nəticələri dərc edilib. Bu nəticələr tomatlardan müntəzəm istifadə edilməsinin nəinki hipertoniyanın inkişaf etməsinin qarşını aldığını, həm də bu xəstəlikdən əziyyət çəkənlərin təzyiqini aşağı saldığını sübut edib. 

 

Tədqiqat üç il davam edib, hipertoniyalı xəstələtdə arterial təzyiq göstəriciləri xeyli yaxşılaşıb.

 

Tomatların tərkibində olan kalium həmçinin ürək-damar sisteminin funksiyasında həlledici rol oynayır.

 

 

Hər gün pomidor yemək xərçəngin profilaktikasında mühüm rol oynaya bilər. Bu da tərkibində olan likopin maddəsi sayəsindədir. 

 

Bu maddə çoxlu miqdarda prostat vəzi və ağ ciyər xərçənginin inkişaf riskini azaldır. Bundan başqa, bu birləşmə dəri xəstəliklərindən qoruyur və təhlükəli trombların əmələ gəlməsi riskini azaldır.

 

Tədqiqatlar həmçinin göstərib ki, likopin ağız boşluğu və qida borusu, həmçinin mədə xərçəngindən müdafiədə mühüm rol oynayır.

 

 

Pomodirlardan diabet zamanı ehtiyat etmədən istıfadə etmək olar. Bu tərəvəz aşağı qlikemik indeksə malikdir, cəmi 15-dir. Bu o deməkdir ki, onun istifadəsindən sonra qanda şəkərin miqdarı artmır, ona görə də diabetdən əziyyət çəkənlər hər gün pomidordam istifadə edə bilər.

 

C vitamini ilə zəngin olması xüsusilə diabetiklərdə yaraların sağalma prosesini yaxşılaşdırır. Hər gün pomidor yemək həmçinin insulinə rezistent olan insanlara kömək edəcək. Onlar təkcə aşağı qlikemik indeksə malik deyil, həm də tərkibində çoxlu qida lifləri var. Bu da toxluq hissini saxlamağa kömək edir və qida qəbulu arasında nəsə yemək istəyini azaldır.

 

Çəkisini azaltmağa can atan insanlar üçün pomidorlar əla qəlyanaltıdır. Balaca çerri pomidorları daha yaxşıdır, çünki aclıq hissini azaldır, az kalorini təmin edir və uzun müddət toxluq hissini saxlayır.