Moderator.az xəbər verir ki, bu barədə "thefrisson.ru" nəşri yazıb.

 

Məlumatda deyilir ki, seçicilərin 48 faizi Donald Trampa, 47 faizi isə Demokratlar Partiyasından olan rəqibi Kamala Harrisə səs verməyə hazırdır.

 

İctimai rəyin öyrənilməsi məqsədilə keçirilən əvvəlki sorğularda Harris az üstünlüklə lider olub. Bir çoxları güman edib ki, bu, seçicilərin gerçək ovqatını əks etdirmir, demokratların namizədinin dəyişməsi ilə bağlı olan ajiotaj, "süni  həddir". Trampın irəliyə çıxması bunun doğru olduğuna dəlalət edə bilər.

 

"The New York Times" qəzetinin keçidiyi sorğular ən dəqiq sorğulardan biri hesab edilir. Lakin nəzərə almaq lazımdır ki, onların da xətası 3 faiz təşkil edir, bu da namizədlər arasında olan fərqdən xeyli çoxdur.

 

Hər bir halda sorğunun nəticələrinə görə Tramp Harrisin rəsmən ABŞ prezidentliyinə namizəd olduğu Demokratların qurultayından sonra yaranan populyarlıqda geri qalmasına son verməyə nail olub.

 

Lakin Kamala Harris seçkilərin taleyinin həll olunduğu yeddi ştatdan üçündə populyarlıqda Trampdan öndədir. Viskonsin, Miçiqan və Pensilvaniya ştatlarının seçiciləri prezident postunda Demokratlar Partiyasının namizədini görməyə üstünlük verir.

 

Yerdə qalan dörd "həlledici" ştatlarda-Nevada, Corciya, Şimali Karolina və Arizonada namizədlər arasında bərabərlik müşahidə edilir.

 

Bununla yanaşı, sorğu Kamala Harris üçün bir sıra gerçək problemlərin olduğunu göstərir. Belə ki, respondentlərin 28 faiİzi bəyan edib ki, seçkilərdə demokratların namizədinə səs vermək üçün onun haqqında kifayət qədər məlumata malik deyil. Müqayisə üçün deyək ki, potensial seçicilərin yalnız 9 faizi Tramp barəsində də eyni şeyləri deyib.

 

Bütövlükdə Amerika seçiciləri bədbin ovqata köklənib. Onların yalnız 30 faizi hesab edir ki, ABŞ düzgün istiqamətdə hərəkət edir, bu da respublikaçı namizədin xeyrinədir.

 

Üstəlik, amerikalıların dəyişikliklər istəməsi Harrisin əleyhinə işləyir. Belə ki, respondentlərin 60 faizi bəyan edib ki, növbəti prezidentin siyasəti Co Baydenin apardığı siyasi xətdən fərqli olmalıdır. Yalnız 25 faiz potensial seçicilər hazırkı vitse-prezident Harrisin siyasi kursu dəyişə biləcəyinə inanır. Bu zaman 53 faiz hesab edir ki, bunun öhdəsindən Tramp gələ bilər.

 

Bundan başqa, amerikalıların 47 faizi Kamala Harrisi "həddən artıq liberal" hesab edir. Müqayisə üçün, rəyi soruşulanların yalnız 32 faizi Trampı "həddən artıq mühafizəkar" adlandırıb.

 

Demokratlar Partiyasının namizədinə rəqibinin ekssentrik xarakteri də kömək etmir. Belə ki, seçicilərin 54 faizi hesab edir ki, Tramp ABŞ prezidenti postunda təhlükə törədəcək. Lakin 52 faizi Kamala Harris barədə də eyni fikirdədir.

 

Bütövlükdə, seçicilər hesab edir ki, Tramp iqtisadi məsələlərin, Harris isə abortlar probleminin öhdəsindən daha yaxşı gələcək.

 

Unutmaq olmaz ki, seçkiöncəki kampaniyanın həlledici hadisəsi namizədlər arasında yaxın çərşənbə axşamı nəzərdə tutulan debatlar olacaq.