"Rusiyanın hərbi cinayətkarların çoxu yaşlı adamlardır, biz onların qanlı pullarla əldə etdikləri dəbdəbəli evlərində deyil, müttəhimlər kürsüsündə və həbsxanada ömürlərinin sona yetməsini istəyirik..."

 

Ukraynanın BMT-dəki daimi nümayəndəsi Sergey Kislitsa özünün "X" sosial şəbəkəsində Rusiya XİN rəhbəri Sergey Lavrovun ölümünə eyham vurub.

 

Moderator.az xəbər verir ki, bu barədə "nv.ua" nəşri yazıb.

 

"Rusiyanın bəzi hərbi cinayətkarları üçün şəhərətrafı "Landşaft" elit qəsəbəsində öz yatağında ölüm ən sadə çıxış yolu kimi görünə bilər. Hətta onlar müttəhimlər kürsüsünə düşməsələr belə, məşhər ayağına çəkilməkdən yan keçərək birbaşa cəhənnəm odunda əbədi yanıb külə çevriləcək...Bəziləri deyir ki, o, artıq özünə əl qatıb, amma hər halda, taleyin istehzası ilə, mən onun sağ qalmasını və müttəhimlər kürsüsündə görmək istəyərdim", - Kislitsa yazıb.

 

Rusiya xarici işlər nazirinin ölümü barədə rəsmi məlumat yoxdur. Avqustun 29-da o, Moskvada Seneqal XİN rəhbəri Yasin Falla birgə mətbuat konfransında iştirak edib. Bu gün Rusiya KİV-ləri Lavrovun bu yaxınlarda verdiyi müsahibəsindən bir hissəni dərc edib.

 

Orada o, həm də İsraili böyük regional müharibə törətmək niyyətində olduğunda ittiham edib, "Hizbullah" və digər terrorçuların hərəkətlərinə haqq qazandırıb, həmçinin bəyan edib ki, HƏMAS-ın tam məhv edilməsi "tamamilə perspektivsiz niyyətdir".

 

Politoloq İqor Reyteroviç "Radio NV"-də nədən Ukrayna baş diplomatının belə bəyanatlar verməsini izah edib.

 

"Bir şeyi unutmaq olmaz, Rusiyanın müharibənin təşkili və aparılmasına cavabdeh olan üzdəniraq elitası əsasən yaşlı adamlardan ibarətdir. Onların bəzilərinin az-çox normal görünməsi müasir təbabətin möcüzəsidir. Lakin onlar həqiqətən də yaşlı adamlardır və istənilən anda onların başına nə desən gələ bilər, hansısa təbii şeylər baş verə bilər", - o, deyib.

 

"Burada cənab Kislitsa ilə razılaşmamaq çətindir, onlar üçün ən sadə variant gələcək cəzadan yan keçmək, haradasa öz yatağında, ola bilsin ki, öz arvad-uşaqları, məşuqələrinin əhatəsində ölməkdir, çünki onlar İlahi həyat tərzi yaşayır", - politoloq davam edib.

 

"Lakin mən burada onunla razıyam ki, biz bu adamları müttəhimlər kürsüsündə görmək istəyirik. Amma əgər onlar təbii sonluqla həyatlarını başa vuracaqlarsa, bunun mahiyyətcə oğurladıqları və qanlı pullar hesabına aldıqları gözəl evlərində deyil, həbsxanalarda baş verməsini və ömürlərinin burada sona yetməsini istərdik", - o, vurğulayıb.