Moderator.az xəbər verir ki, bu barədə "Nature Medicine" jurnalında dərc edilən yeni məruzədə deyilir. Məlumatı "visitukraine.today" nəşri yayıb.

 

Məruzədə deyilir ki, yerli hakimiyyət suyun verilməsinə məhdudiyyət qoyub və turistlərə ekstremal hava şəraitinə hazır olmaları barədə xəbərdarlıq edib.

 

2023-cü ildə isti hava dalğasının əsas ağırlığı Cənuni Avropanın payına düşüb. Yunanıstan hər bir milyon nəfər əhaliyə düşən ölüm hallarına görə 393 ölümlə siyahıya başçılıq edib. Onun ardınca Bolqarıstan (229), İtaliya (209), İspaniya (175), Kipr (167) və Portuqaliya (136) gəlir.

 

Mütləq rəqəmlərdə istidən ən çox dünyasını dəyişənlər İtaliyada qeydə alınıb, 12 743 nəfər istidən tələf olub. İspaniyada 8 352, Almaniyada 6 376 nəfər istilərin qurbanı olub. Yunanıstan, Fransa və Rumıniyada həmçinin minlərlə insan güclü istilər səbəbindən həyatını itirib.

 

Təqdiqatda istilərin əhalinin həssas qruplarına təsiri qeyri-mütənasib olub. Qadınlar arasında ölüm halları kişilərə nisbətən 55 faiz çox olub. 80 yaşdan yuxarı insanlar xüsusi riskə məruz qalıb, onların arasında ölüm halları gənclərə nisbətən 768 faiz yüksək olub.

 

Avropa İttifaqının İqlim Komitəsi qeyd edib ki, 2024-cü ilin iyulunda 13 aylıq rekord aylıq temperatur zolağı başa çatıb. Buna baxmayaraq, 2024-cü ilin iyul ayı 1850-1900-cü illəri əhatə edən çıxarılan yanacağın geniş yayılmadığı dövrlə müqayisədə havanın hərarəti hələ də Selsi üzrə 1, 48 dərəcə yüksək olub.

 

Artıq bir aydan çoxdur ki, yanğınlar Avropanı cənginə alıb, minlərlə hektar torpaq yanıb.  Ekstremal istilik Aralıq dənizi rayonu və Balkanları bürüyüb, havanın hərarəti Selsi üzrə 40 dərəcəni ötüb. 

 

Böyük Britaniya XİN  Yunanıstan və İspaniyaya yollanan turistləri ekstremal hava şəraiti və quraqlığa hazır olmaları barədə xəbərdarlıq edib, bu da yerli hakimiyyətləri suyun istifadəsinə məhdudiyyətlər qoymağa vadar edib.

 

Cənuni Avropa əhalisinin bir hissəsi yanğınlar səbəbindən təxliyə edilib, o cümlədən Afinada bu yaxınlarda baş verən insident "böyük bəla" adlandırılıb. Yayda baş verən yanğınlar adi hadisədir, lakin qeyri-adi isti hava və quraqlıq nəticəsində yanğınlar daha tez-tez və daha güclü olub.

 

Avropanın 2024-cü ildə baş verən yanğınlardan ən çox zərər çəkən ölkəsi Bolqarıstan olub. Hal-hazırda 38 min akr torpaq sahəsi yanıb ki, bu da 2023-cü ilə nisbətən iki dəfədən də çoxdur. Yardım üçün Yunanıstan, Fransa, Çexiya, İsveç və İspaniyadan yanğınsöndürənlər komandaları göndərilib.

 

İtaliya da ekstremal isti ilə mübarizə aparır. İtaliyanın bir neçə populyar turist şəhərləridə isti ilə əlaqədar xəstəliklər zamanı təxirəsalınmaz tibbi yardımın göstərilməsi halları artıb. Havanın sərt olmasına rəğmən, hakimiyyətin məlumatına görə, ekstremal hava şəraiti turistləri qorxutmayıb, dəyərləndirmələrə görə, bu il əcnəbi qonaqların sayı 2023-cü ilə nisbətən 2, 5 faiz çox olacaq.