Moderator.az xəbər verir ki, bu barədə Türkiyənin "Aydınlık Gazetesi" nəşri yazıb.

 

Bu siqnalı Türkiyə lideri Astanada Vladimir Putin və Si Tszinpinlə görüşündən sonra göndərib.

 

Vaşinqtonda NATO sammiti keçirilib. Baydenin giriş nitqi...Qısa desək, o, bunları deyib:

 

"NATO bu gün nə zamansa olduğundan daha güclüdür. Bu il biz mühüm mərhələyə nail olmuşuq.

 

Üzv ölkələr müdafiəyə öz ÜDM-nin 2 faizini ayırıb. Bizim birliyimiz möhkəmlənir. Daha iki ölkə Alyansa daxil olub. Biz Ukraynada uğur əldə edəcəyik".

 

 

"Putin Ukraynada dayanmayacaq. Onun hədəfi Avropadır. Ukrayna bizim birgə dəstəyimizlə Putini dayandıracaq. 

 

Müharibə başlananda Ukrayna azad ölkə olub. Bu gün də əvvəlkitək azad ölkədir. Müharibənin sonunda da azad və müstəqil ölkə kimi qalacaq.

 

Rusiya qalib gəlməyəcək. Ukrayna qalib gələcək. Biz Ukraynaya hərbi dəstək göstərəcəyik".

 

 

Baydenin sözləri təəccüb doğurur. Axı Rusiya Ukrayna münaqişəsini udub. Öz məqsədlərinə nail olmasına çox az qalıb. Dünya bu həqiqəti anlayır.

 

Bayden isə ayrı "mahnı oxuyur". Ya o, faktları bilmir, ya da çaşqınlıqdan belə düşünür. Onun fikrincə, Avropanı qorxudur. Ona öz qanadları altında gizlənməyə çağırış edir. 

 

 

Amerika lideri daima "birlik"dən danışır. Nədən o, bunu ön plana çıxarır? Çünki bu, necə deyərlər, dilin yönəldiyi həmin "çürük dişdir".

 

Birlik yalnız sözdədir...Əslində isə dağınıqlıq hökm sürür. Bu, sadəcə, psixoloji müharibədir. Nəticə etibarilə bu, ABŞ və NATO-nun səlahiyyət sahəsidir.

 

 

Sammitin əsas gündəliyi: Ukraynaya dəstək vermək, Rusiyanı dayandırmaq. İkinci mövzu Sakit okean regionudur. NATO-nun Çinə qarşı müqavimət göstərmək üçün Asiyaya doğru genişləndirilməsi. Bu məsələlərdə yekdil fikir yoxdur.

 

NATO sammiti ərəfəsində Ərdoğan Qazaxıstanda olub, ŞƏT ölkə liderlərinin görüşündə iştirak edib. Putin və Si Tszinpinlə danışıqlar aparıb. Vaşinqtona yola düşməzdən öncə dəqiq siqnal göndərib: "NATO  Ukraynada hərbi münaqişənin tərəfi olmamalıdır".

 

Macarıstan baş naziri Orban...NATO sammitindən öncə Moskva və Pekində olub, Putin və Si Tszinpinlə görüşüb. ABŞ kimi düşünməyən başqa ölkələr də var.

 

 

Avropada əsən külək...NATO məmurları narahatdir. Hakim administrasiyalar Birləşmiş Ştatların yedəyində gedir...Lakin xalqlar Rusiya ilə normal münasibətlər istəyir.

 

Çinlə bağlı da həmçinin çaşqınlıq hökm sürür. ÇXR Avropanın ən mühüm tədarükçüsüdür. Çin olmadan Avropa sənayesi keçinə bilməz. Bu, pandemiya zamanı aydın görünüb. Avropa Çinsiz ötüşə bilməz. NATO-nun birliyindən danışmaq çox çətindir...

 

 

Ukrayna münaqişəsinin nəticələri..."NATO bərpa edilib" ruhunda dəyərləndirmələr...Baş verənlər tipik "yalançı bahardır". Bunu görmək üçün Peyğəmbər olmağa ehtiyac yoxdur. Gəlin, Ukrayna hadisələri fonunda əslində nə baş verdiyinə nəzər salaq. 

 

Energetika böhranı...Yüksək inflyasiya...Əhalinin alıcılıq qabiliyyətinin aşağı düşməsi...İqtisadiyyatda tənəzzül...Kütlələrin getdikcə artan reaksiyası...Tətillər, aksiyalar, etirazlar...Fermerlər traktorlarla meydanlardadır. Onlar Ukraynaya dəstəyin əleyhinədir.

Qəzəbləniblər: "Siz kimin pullarını kimə verirsiniz?".

Hansı birlikdən söhbət gedir?..

 

 

ABŞ-da seçkilərə 4 ay yarım zaman qalıb. Hazırda Tramp xeyli irəlidədir. Hətta Baydenin namizəd kimi irəli sürüləcəyi sual altındadır. Hətta onun öz partiyasında etiraz edənlər var: "Təki o olmasın". 

 

 

Amerikanın dərin dövləti Baydeni dəstəkləyir. O, Amerikanın aqressiyasını təcəssüm edir. Tramp isə ABŞ-ın diqqətinin öz daxili  problemlərinə yönəldilməsini istəyir. Onun məşhur ifadəsi belədir: "Biz Yaxın Şərqdə səkkiz trilyon dollar dəfn etmişik. Nəticədə nə əldə etmişik?"

 

Amerika xalqı o dərəcəyə çatıb ki, deyir: "Bəsdir". Ona görə də Trampı dəstəkləyir. Bayden bu gün var, sabah yoxdur. Onun sözlərinin heç bir mənası yoxdur.