"Putinlə hazırda danışmağın heç bir mənası yoxdur"

Ümumdünya Səhiyyə Təşkilatı onu "ŞƏFA BİTKİSİ" adlandırır

"CNN" Kamala Harrisin Rusiya ilə məhbus mübadiləsindəki rolundan danışdı...

Rusiya və ABŞ arasında siyasi məhbusların “genişmiqyaslı mübadiləsi" başlandı...-"CNN"

"Harrislə Zelenski alyansından nə gözləmək olar?" - "Time"

"Yaxşı, Kamala Harris hindli, yoxsa qaradərilidir?" - Tramp

"İsrailin sionist və işğalçı rejimi üçün qırmızı xətt mövcud deyil..."

"Ukrayna heç vaxt öz ərazilərindən imtina etməyəcək" - Zelenski

Moderator.az-ın işıqlandırdığı Maşlıq kənd məktəbi ilə bağlı sevindirici XƏBƏR - Yeni binası tikiləcək - ÖZƏL

"Putinlə hazırda danışmağın heç bir mənası yoxdur" - Bayden

Ekskluziv

Oxunub: 1421

12 Jul 2024 | 13:40

"Putinin əhalisini öz uğurlarına inandırmaq cəhdləri KİV-lərə nəzarət və dezinformasiyaya əsaslanır..."

"Biz yaxın zamanlarda Rusiyanı əsaslı şəkildə dəyişə bilməyəcəyik, amma onu Qərbin təhlükəsizliyi naminə çəkindirmək gərəkdir..."

ABŞ prezidenti Co Bayden hal-hazırda Rusiya rəhbəri ilə danışıqlar aparmağın mənasız olduğunu hesab edir.

Moderator.az xəbər verir ki, bu barədə o, Vaşinqtonda mətbuat konfransında bəyan edib. Məlumatı "golosameriki.org" nəşri yayıb.

"Mən Putinlə danışmağa hazır deyiləm, çünki o, öz davranışını dəyişməyə hazır deyil", - Bayden izah edib.

O, qeyd edib ki, "Putinin problemi var", o, hərbi uğurları ilə öyünə bilmir. "Guya ki, udduğu bu müharibədə əvvəllər Ukrayna ərazisinin 17, 3 faizini işğal edib, indi bu rəqəm 17, 4 faizdir".

Amerika prezidenti qeyd edib ki, Rusiya insanları həlak etməklə Ukraynaya "dəhşətli ziyan" vurub, özü isə ölənlər və yaralananlarla birgə 350 mindən çox hərbçisini itirib.

Bir milyondan çox insan, xüsusilə texniki vərdişləri olan gənclər Rusiyanı tərk edib, çünki bu ölkənin gələcəyinə inanmır.

Ona görə də Putinin öz əhalisini uğura inandırmaq cəhdləri KİV-lərə nəzarət və dezinformasiyaya əsaslanır.

"Onların problemləri var. Amma onların bacardıqları yalnız ictimai reaksiyaya, insanlara çatan informasiyaya nəzarət etməkdir.

Onlar öz seçicilərinə Yer üzərinin ən böyük yalanını danışır. Ona görə də yaxın zamanlarda bizim Rusiyanı əsaslı şəkildə dəyişə biləcəyimiz barədə ideya az ehtimaldır", - Bayden vurğulayıb.

O, hesab edir ki, Rusiyanı Qərbin təhlükəsizliyi naminə çəkindirmək gərəkgir, çünki onun imperialist planları Ukraynanın hüdudlarından çox kənara çıxır.

"Bir şeyi dəqiq deyə bilərik-əgər biz Rusiyaya Ukraynada uğur qazanmağa imkan versək, onlar dayanmayacaq.

Mən sizə Ukraynaya hərbi müdaxilədən sonra Putinin nitqini oxumağınızı tövsiyə edirəm, o zaman bütün bunların nədən baş verdiyini və onun məqsədinin nədən ibarət olduğunu anlayacaqsınız", - Bayden deyib.

O, həmçinin istənilən siyasətçi ilə danışıqlara hazır olduğunu bəyan edib.

Rusiya ilə ehtimal edilən danışıqlar

Bundan öncə Putin bəyan edib ki, Ukraynada müharibədə onun məqsədləri dəyişməyib, lakin əgər Ukraynanın cənub və şərq vilayətləri onun nəzarətində qalarsa, o, danışıqlara hazırdır.

Putinin bu sözlərini şərh edən NATO-nun baş katibi Yens Stoltenberg onun sülh üçün Ukrayna torpaqlarının zəbt edilməsi və Ukraynanın NATO üzvlüyündən imtina etməsi şərtlərini irəli sürməsini pisləyib.