"Gerçək həyatda qızlar bir qayda olaraq özlərindən ən azı 3-5 yaş böyük oğlanlara, oğlanlar isə daha gənc qızlara üstünlük verir..."

 

Uğurlu ittifaqın yaradılması üçün tərəf-müqabillərin yaşlarını nəzərə almaq vacibdir.

 

Münasibət quran bir çox insanlar dərhal onların arasında yaş fərqini müəyyən edir. Hesab edilir ki, bir-birinə aşiq olan həddən artıq gənc insanlar aralarında yaş fərqi çox olanlar kimi uğurlu ittifaq qura bilməz. Bu, həqiqətdirmi?

 

Moderator.az xəbər verir ki, bu barədə "unian.net" nəşri yazıb.

 

Nəşr cütlüklər arasında yaş fərqi ilə bağlı aşağıdakı suallara cavab verməyə çalışıb:

 

- Hansı yaş fərqi idealdır-dəqiq cavab

 

- Hansı yaş fərqi münasibətlər üçün əlverişli deyil?

 

- Hansı yaş fərqi ən yaxşıdır-düstur

 

Hansı yaş fərqi idealdır-dəqiq cavab

 

Bir çox psixoloqlar bir ağızdan deyir ki, mütəxəssislər ideal yaş fərqinin 2-5 arasında olduğunu hesab edir. Bu, maraqların oxşarlığı, oxşar dünyagörüş, məqsəd və planlar, habelə eyni nəsilə mənsub olmaqla izah edilir.

 

Yaş fərqi 2, 3, 4 və 5 olanda bu, bir qayda olaraq tərəf-müqabillərinin qlobal həyat məqsədlərinin identikliyini göstərir. Əlbəttə, zövqlər, baxışlar və prioritetlər fərqlənə bilər, lakin bütövlükdə belə cütlüyün digərlərinə nisbətən daha çox şansları olur.

 

 

Hansı yaş fərqi münasibətlər üçün əlverişli deyil?

 

Yaş fərqinin nə qədər yolverilən olduğunu aydınlaşdırandan sonra hansı halda münasibətlər və ya nikahın çətin ki, uğurlu ola biləcəyini də anlamaq vacibdir.

 

Elə həmin psixoloqlar iddia edir ki, əgər tərəf-müqabillərdən biri digərindən 7-10 yaş böyükdürsə, bu, pis "siqnaldır". Məsələn, yaş fərqi 20 il olması mütləq ixtilaflara səbəb olacaq.

 

Bir qayda olaraq buna səbəb müxtəlif baxışlar, vərdişlər, ünsiyyət dairəsi, planlar və hətta sağlamlıq vəziyyətidir.

 

Bəzən daha gənc tərəf-müqabili məzəmmət olunmasından və ya onunla tanışları arasında həddən artıq çox uçurum olmasından ehtiyat edərək öz seçimini dostları, tanışları və valideynlərinə göstərməyə xəcalət çəkir.

 

Hansı yaş fərqi ən yaxşıdır-düstur

 

Təəccüblü olsa da, cütlük arasında yol verilən yaş fərqini riyazi hesablamanın köməyilə anlamaq olar. Sadə bir düstur mövcuddur, yaşınızın yarısının üstünə 7 il gəlməklə aşağı diapazonu, yaşınızdan 7 il çıxıb ikiyə vurmaqla yuxarı diapazonu anlamaq olar.

 

Buradan belə çıxır ki, qızın 30 yaşı varsa, onun seçdiyi oğlanın minimum 22, maksimum 30 yaşı olmalıdır, hərçənd, gerçək həyatda belə hesablamalar işlək deyil, qızlar bir qayda olaraq özlərindən ən azı 3-5 yaş böyük kişilərə, kişilər isə daha gənc qadınlara üstünlük verir.