Moderator.az xəbər verir ki, bu barədə Amerikanın "Politico" nəşri yazıb.

 

Nəşr Ağ Evdəki mənbələrə istinadən qeyd edir ki, üstəlik bu qərardan bir neçə gün öncə Avropa İttifaqının üç ölkə nümayəndələri Bayden administrasiyası ilə Fələstin məsələsinə dair məsləhətləşmələr aparıb.

 

Ağ Ev anladıb ki, belə qərarı dəstəkləməyəcək", lakin bunu "qaçılmazlıq kimi qəbul edəcək".

 

"Heç bir gerçək müqavimət olmayıb" - irlandiyalı məmur görüş atmosferini belə səciyyələndirib.

 

Nəşr qeyd edir ki, buna baxmayaraq, Amerika administrasiyası hesab edir və ya hər halda ümid edir ki, İspaniya, İrlandiya və Norveçin qərarı Qəzza bölgəsində müharibə səbəbindən qlobal gərginliyin əhəmiyyətli dərəcədə yüksəlməsinə gətirib çıxarmayacaq.

 

Lakin görüş keçirilib və bu görüşdə Amerika tərəfi "Avropa İttifaqının üç ölkəsinə aydın şəkildə anladıb" ki, Fələstin dövlətinin tanınması məqsədəuyğun deyil". 

 

ABŞ hakimiyyəti hesab edir ki, belə addım faktiki olaraq HƏMAS-a dəstək olacaq.

 

Prezident Baydenin çoxdandır ki, iki dövlətin yaradılması barədə qərarı artıq çoxdan dəstəkləməsinə rəğmən, o, hesab edir ki, buna nail olmağın ən yaxşı üsulu "israillilərlə fələstinlilər arasında birbaşa diplomatiyadır".

 

Nəhayət, nəşr qeyd edir ki, Yaxın Şərqdə bu həftə yaranan dramatik vəziyyəti, o cümlədən Beynəlxalq Cinayət Məhkəməsinin İsrail və HƏMAS liderlərinin həbsinə orderlər verilməsi qərarını nəzərə alaraq, hər üç tərəfin səyləri daha çox səmərə verə bilməz. Bu fikirləri qəzetin yüksək vəzifəli amerikalı həmsöhbəti də təsdiq edib.

 

"Onlar sanballı qrup yaradaraq gurultu törətməyə cəhd edib, amma heç nə alınmayıb", - məmur izah edib.

 

Bundan öncə xəbər verilib ki, Vaşinqton İsrailin dünya meydanında getdikcə artan təcrid olunmasından narahatdır, bu barədə jurnalistlər üçün brifinqdə Milli Təhlükəsizlik üzrə müşavir Ceyk Sallivan bəyan edib.

 

Avropa İttifaqının üç ölkəsinin Fələstin dövlətinin tanınması barədə qərarını şərh edərkən, o, qeyd edib: 

 

"Hər bir ölkənin öz siyasətini özü müəyyən etmək hüququ var. Lakin ABŞ-ın bununla bağlı mövqeyi aydındır. Prezident Bayden iki dövlətin yaradılması qərarını rəsmən dəstəkləyir.

 

Lakin o, həmçinin vurğulayır ki, bu məsələ barəsində qərar birtərəfli qaydada deyil, Fələstinlə İsrail arasında birbaşa danışıqlar yolu ilə qəbul edilə bilər.

 

Bu, bizim prinsipial mövqeyimizdir və biz bunu bütün dünya boyunca tərəfdaşlarımıza çatdıracağıq, görək, nə baş verəcək".