Aİ-nin Ermənistandakı müşahidə missiyası sərhəddə hansı işləri görür?.. -Missiya rəhbəri  

 

“Biz gizli heç nə etmirik. Bizdə iki növ patrul var. Birincisi Azərbaycanla sərhəd boyu, həm də sərhədin hələ dəqiqləşdirilməmiş hissələrində müşahidələr aparır. Səfərlər haqqında bir həftə öncə məlumat yayırıq”. 

 

Moderator.az xəbər verir ki, bunu Avropa İttifaqının Ermənistandakı müşahidə missiyasının rəhbəri Markus Ritter  “Azadlıq” radiostansiyasının Azərbaycan xidmətinə müsahibəsində danışıb.

 

 

“Bəzi patrulları erməni hərbçiləri müşayiət edir, amma müşayiəti olmayan patrullar da az deyil. Son gəlişimizdən sonra istehkamlarda hər hansı dəyişiklik olub-olmadığını müşahidə edir, foto-şəkillər çəkir və müqayisələr aparırıq. Sonra onları Brüsselə göndəririk. İkinci növ patrul qrupu hər hansı şəkildə münaqişədən zərər çəkmiş kəndlərə və təsərrüfatlara baş çəkir. Biz adi insanlarla danışırıq ki, görək, onlar nələr hiss edirlər, vəziyyəti necə görürlər. Bu hesabatlar Brüssel üçün vacibdir ki, durumun necə olduğunu bilsinlər. Texniki avadanlıq kimi durbin və kameralardan istifadə edirik”, -deyə Aİ nümayəndəsi davamında bildirib.

 

Sultan Laçın