Si Tszinpin tam ciddi olaraq Çini ABŞ-la bərabər dünyada ikinci təsir qütbünə çevirmək istəyir. 

 

Moderator.az xəbər verir ki, bu barədə "QORDON" internet nəşrinin təsisçisi Dmitri Qordona müsahibəsində 2014-2016-cı illərdə Ukraynanın baş naziri olmuş Arseni Yatsenyuk bəyan edib.

 

Rusiyanın Ukraynaya qarşı təcavüzü Çin üçün çox vacib dərs olsa da, ÇXR sədri Si Tszinpinin ABŞ-la bərabər öz ölkəsini dünyanın təsir qütbünə çevirmək niyyətinə təsir göstərməyib. 

 

"Üçüncü dünya müharibəsi ilə qorxutmaq istəmirəm, lakin Çin və Si artıq qərar verib. Onlar dünyanın ikiqütblü olması və ikinci qütbün Çin ətrafında fırlanması ilə bağlı qərar verib. Daha dəqiq desək, Çin bu prosesə rəhbərlik etməlidir", - Yatsenyuk buna əmindir. 

 

Rusiyanın Ukraynaya qarşı təcavüzü Çin üçün çox mühüm dərs olub, Ukraynanın eks baş naziri hesab edir. 

 

"Çünki əgər Rusiya, Allah eləməsin, Ukraynanı zəbt etsə, növbəti hədəf Tayvan, həm də təkcə Tayvan olmayacaq. Yəni bundan sonra yeni şər oxu yarana bilər. Və bu yeni şər oxu faktiki olaraq demokratik sivil dünyanı məhv edər", - o deyib. 

 

Hazırda bütün dünyada dövlət idarəçiliyinin əsas sisteminin demokratiya olmasını hesab etmək yanlışlıqdır, Yatsenyuk xəbərdarlıq edib. 

 

"Biz dünyada demokratik dövlətlərin sayı ilə bağlı dərin yanlışlığa yol veririk. Dünya əhalisinin 60 faizindən çoxu avtoritar və totalitar rejimlərdə yaşayır. Yəni azadlıq və demokratiya uğrunda hər gün mübarizə aparmaq lazımdır", - o vurğulayıb. 

 

Yatsenyuk əlavə edib ki, hazırda demokratik ölkələrin sayı artmayıb, əksinə, 1980-ci ilin səviyyəsinədək azalıb. 

 

"Ona görə də Çin özü üçün dünya düzəninin yeni modelini yaratmaq qərarına gəlib və bu modeldə Çin həlledici və əsas rol oynamalıdır", - Yatsenyuk deyib. 

 

"Lukaşenkonun hüquqi məsuliyyət daşıması vacibdir. O, Putinin silahdaşı və cinayətlərinin ortağıdır"

 

Yatsenyuk deyib ki, Belarus prezidenti Aleksandr Lukaşenko ölkəsini Rusiyanın köləsinə çevirib və buna görə məsuliyyət daşımalıdır. O, həmsöhbətinə Lukaşenkonun, guya, hakimiyyətdən yapışmadığına dair növbəti bəyanatını şərh etməyi təklif edib. 

 

"Baxın, kimdir Lukaşenko? Birincisi, o, cinayətkardır, ikincisi, əclafdır, üçüncüsü üfunətli köpəkdir, Beynəlxalq Cinayət Məhkəməsinin orderini almalıdır", - Yatsenyuk deyib. 

 

Onun fikrincə, Belarus və Lukaşenko rejimi bu gün Ukraynadan və dünya birliyindən daha çox diqqət tələb edir. 

 

"Çünki biz sanksiyalar haqqında danışanda, bir qayda olaraq, əsas diqqət Rusiyaya yönəlir. Yaxşı xatırlayıram, sanksiyalar tətbiq ediləndə, nədənsə, qəribə bir vəziyyət yaranıb, Ukraynada Lukaşenkonun ən yaxın sponsorlarına qarşı sanksiyalar tətbiq edilməyib", - o qeyd edib. 

 

Yatsenyuk o cümlədən Belarus biznesmeni, KİV-lərin Lukaşenkonun "pul kisəsi" adlandırdığı Nikolay Vorobeyi xatırladıb. 

 

"Hansısa vətəndaş Vorobey burada, Ukraynada bizneslə məşğul olub, bitum və ya neft satıb və qəribədir ki, müharibədən öncə onun adı sanksiyalarda yoxdur. Görəsən, niyə yoxdur?", - eks baş nazir sual edib.

 

O, əmindir ki, Lukaşenko "ölkəsini hətta satmayıb, o, öz ölkəsini təslim edib". 

 

"O, öz ölkəsini təslim edib, öz xalqını Rusiyanın köləsinə çevirib və o, mütləq tarixi məsuliyyət daşıyacaq. Lakin tarix yazılanadək onun həm də hüquqi məsuliyyət daşıması çox vacibdir. O, cinayətlərin iştirakçısı və əlaltısıdır. O, Putinin əlaltısı və cinayətlərinin iştirakçısıdır", - o deyib. 

 

Yatsenyuk etiraf edib ki, ukraynalıların Lukaşenkoya qarşı loyallığı onu həmişə təəccübləndirib. 

 

"60, hətta 70 faiz ukraynalı ən yaxşı prezidentin kim olması sualına cavabında Lukaşenkonun adını çəkib. Bu, necə ola bilər? Ey insanlar, siz görmürsünüz, eşitmirsiniz, anlamırsınız? Qatil, siyasi müxalifəti qətlə yetirən, diktator, ölkəsini satan və təhvil verən gerçək cinayətkar necə populyar ola bilər ki?" - o, sual edib. 

 

Yatsenyuk deyib ki, hazırda özünü Belarusun prezidenti sayan Lukaşenko Ukraynada o qədər də populyar deyil. Lakin bunu anlamağın bədəli çox yüksək olub.