Əsl xoşbəxtliyin resepti: Endorfin, serotonin, dofamin və oksitiosin

Rusiyada tarix yenidən yazılır: siyasi repressiyalar qurbanlarının sayı azalacaq

Avtobus bardürün üstünə çıxdı, ölənlərin olduğu deyilir-Bakıda DƏHŞƏTLİ QƏZA-ÖZƏL+VİDEO

Laçınla qonşu şəhərin meri həbsə atıldi...-RƏSMİ

BMT İsrailə qarşı qətnamə layihəsini səsverməyə çıxaracaq

"Rusiya Ukrayna ilə danışıqlar üçün vasitəçilər axtarır" - ISW

"Zelenski bu payız müharibənin bitməsinə bel bağlayır" - EFE nəşri

“Bütün günü efirlərdə görünsəm özüm-özümə nifrət edərəm, bu artıq faciədir” - FOTO+ÖZƏL

Rusiyanın nüvə silahından istifadə ilə bağlı 5 bəndi var: Ukrayna artıq 2 "qırmızı xətt"i keçib...

Əsl xoşbəxtliyin resepti: Endorfin, serotonin, dofamin və oksitiosin

Ekskluziv

Oxunub: 4636

01 Apr 2023 | 23:22

Əsl xoşbəxtliyin resepti: Endorfin, serotonin, dofamin və oksitiosin

"Endorfin ifrazını artırmağın ən yaxşı üsulu qarşılıqlı razılıq və istəklə zəngin intim həyatdır..."

"Qucaqlaşmaq fiziki və mənəvi yaralara qarşı sınanmış vasitədir, opüşlər doğmaların sevgisini göstərir və həyəcanın öhdəsindən gəlməyə imkan verir..."

"Dofamin məmnunluq hormonudur, artıq olanda dünya-aləm vecimizə olmur..."

Möhtəşəm dördlük-endorfin, serotonin, dofamin və oksitosin həmişə bizi daha xoşbəxt etməyə can atır. Eyni zamanda bu hormonların qıtlığı müxtəlif cür təzahür edir və onları özünəməxsus qaydada doldurmaq gərəkdir.

Bu gün dünyanın bir çox ölkələrində gülüş günü kimi qeyd edilir və biz xoşbəxtliyin "kimyəvi tərkibi"indən danışmaq qərarına gəlmişik.

Moderator.az xəbər verir ki, bu barədə "Detaly" nəşri yazıb.

İnanılmazdır, amma bizim nailiyyətlərimiz və uğurlu olmağımız o cümlədən hormonlardan asılıdır. Səhvlər, uğursuzluqlar və qəfləti tənbəllik tutmaları da bəzən bizim təsəvvür etmədiyimizlə bağlıdır. Ona görə də vəzifələri müəyyən edərkən, nəyəsə can atmaqdan və ya nədənsə kədərlənməkdən öncə bizim bədənimizdə həmin anda nə baş verdiyini bilmək lazımdır.

Endorfinlər

Endorfinlər bizim stresə davamlı olmağımız, qeyri-standart düçünməyimiz, məmnunluq və eyforiyamıza görə cavabdehdir. Bu kimyəvi birləşmələrin orqanizmdə çatışmazlığı çoxsaylı qorxu, şübhə və "adamlar nə düşünər" kimi fikirlər formasında təzahür edir. Bu, həmçinin özünü göstərmək və ya sezilmək qorxusu ilə ifadə edilə bilər ki, bu zaman insan istənilən qıcıqlandırıcı şəraiti qəbul etməyə və ona dözməyə hazırdır.

Endorfinlərin ifrazının artırılmasının ən yaxşı üsulu qarşılıqlı razılıq və istəklə zəngin intim həyatdır. Lakin daha neytral üsullar da var, bunlar yeni əyləncələr, dadlı yemək və ya D vitamininin porsiyası ola bilər. Tanış olmayanla nə qədər tez-tez tanış olacaqsınızsa, orqanizmdə "xoşbəxtlik hormonları" bir o qədər güclü ifraz ediləcək. Hər dəfə imkan yarananda səyahət edin, çünki adicə təbiətin qoynuna çıxmaqla siz özünüzü yenidən yükləyəcəksiniz.

Oksitosin

Oksitosin körpə doğularkən onda əmələ gələn ilk "xoşbəxtlik hormonu"dur və onun sosiumda münasibətlərinə cavabdehdir. Oksitosinin əsas qayğısı bizim sakitliyimiz və emosional tarazlığımızdır, çünki onun çatışmazlığı dövrü olaraq özünü tənhalıq və unudulmaq hissi, ağuşa atılmaq və dəstək istəyində büruzə verir. Qucaqlaşmaq fiziki və mənəvi yaralara qarşı sınanmış vasitədir, öpüşlər dəstək verir, doğmaların sevgisini göstərir, yaxınlarla söhbət isə həyəcanların öhdəsindən gəlməyə kömək edir.

Biz özümüzü insanlar arasında məhz oksitosinin sayəsində yaxşı hiss edirik. Bu hormon etimadı yüksətməklə, qorxu və həyəcanı azaltmaqla bərabər, həm də bağlılıq və empatiya mexanizmlərini işə salır. Həmçinin stres və həyəcana cavabdeh olan kortizol hormonuna qarşı çıxır. Oksitosinin miqdarını daha necə artırmaq olar? Bir-birinizi və ya özünüz-özünüzü masaj edin, uşaqlarla oynayın, ev heyvanları ilə əylənin, at üstündə gəzin və s.

Dofamin

Dofamin məmnunluq hormonudur, artıq olanda dünya-aləm vecimizə olmur. Biz istədiyimiz hər şeyi bacarırıq! Bizim üçün sərhəd və qorxu yoxdur! Lakin belə vəziyyət dofaminin təsir müddəti keçməyənədək davam edir, daha sonra "dofamin boşluğu" adlanan qırılma baş verir. İnsan apatiya, tənbəllik hiss edir, özünə inamı itirir. Orqanizmdə dofaminin miqdarı azalanda, nəyəsə başlamaq istəyi yoxa çıxır, məişət məsələləri təxirə salınır və hətta qab yumağa da həvəs olmur.

Dofaminin artması nailiyyət əldə etməyə kömək edir və balaca da olsa məqsədlərə çatmaq həvəsi oyanır. İdman, təzadlı duş və meditasiyalar-bunlar da insana əməlli-başlı həvəs verir. İstənilən təlim də dofamini artırır, ona görə də minlərlə kurs keçən və yeni biliklərə yiyələnən tələbələr özlərini daha xoşbəxt hiss edir. Rəqslər də az kömək etmir. Siz elə indicə ekrandan kənara çəkilib, oynaq mahnı qoşub, rəqs edə bilərsiniz. Fərqi yoxdur, necə rəqs edəcəksiniz. Burada qaydalar yoxdur! Bura sizin dünyanızdır!

Serotonin

"Məhsuldarlıq"la bağlı nə varsa, serotoninin vəzifəsidir, bu hormon həm də əminliyə, yaxşı ovqata, hafizəyə və diqqətə görə cavabdehdir. Bu hormon qismən baş beyində, bir hissəsi isə (80-90%) bağırsaqda sintez edilir. Serotoninin çatışmazlığı özünəinamın azalması, tənqid olunmaq tələbatı, ümumi zəiflik, halsızlıq, kədər, hətta depressiya ilə təzahür edilir.

Belə hallarda normal yuxu (sakit və qaranlıq yerdə 7-8 saat), yumor, düz qamət, özünü hətta azacıq nailliyyətlərə görə daima tərifləmək kömək edəcək. Siz kədəri birdəfəlik yox etməyə qərar vermək istəsəniz, qırmızı ət, balıq, pendir və şor, boranı toxumları, araxisə və s.diqqət yetirin, bu məhsullar serotonin ifrazını artırır.