Moskva şüurlu şəkildə Ukraynaya qarşı terror və qorxutma və Qərb ölkələrinin köməyi ilə onu təslimçi sülhə məcbur edilməsi taktikasını seçib.

 

Moderator.az xəbər verir ki, bu barədə "QORDON" internet nəşrinin təsisçisi Dmitri Qordona müsahibəsində ABŞ- da yaşayan rusiyalı siyasətçi Andrey Piontkovski bəyan edib.

 

"ABŞ-da Avropada olan güclü Putun yönümlü lobbi mövcud deyil. Lakin administrasiyanın Putin yönümlü qanadı fəallaşıb (Con Sallivan, Uilyams Berns). Onlar lend- lizin həlledici məqamı olan və Konqresin lend- liz qanununun mətninə daxil olan yaylım atəşli reaktiv sistemlərlə bağlı müzakirəyə sövq etdilər. Bu adamlar bunu etməyi bacardılar. Yəni, uzaqvuran sistemlər, görürsünüzmü, Rusiya ərazisinə çata bilər. Bu, Putini qızışdırmayacaqmı, buna getməyə dəyərmi? Bax, bütün həftə Ağ evdə  belə söhbətlər gedib", - politoloq deyib.

 

"Mənə elə gəlir ki, onun qərarı müsbət olacaq, bu silahlar veriləcək. Rusiya Ukrayna ərazisində hər evi, hər qarış torpağı məhv edir, əsəs zərurət Donbasdakı vəziyyətdə dönüş etməkdir. Bu sistemlər verilməlidir. Çünki yüzlərlə, minlərlə hərbçi və mülki şəxslərin həyatı bundan asılıdır.

Moskva şüurlu surətdə Ukrayna xalqına qarşı terror və qorxutma və Qərb dövlətlərinin köməyi ilə Ukraynanı təslimçi sülhə məcbur etmək taktikasını seçir", - Piontkovski deyib.

 

Daha sonra o, qeyd edib ki, ABŞ və Avropada Rusiyanın casus şəbəkəsi böyükdür.

 

"Amerikada bəzi adamlar fəallaşıb. Hansısa DTK agenti Dmitri Simis və ya çoxdan Rusiya təminatında olan Kissincer çıxış edəndə bu, mənim üçün yenilik deyil. Amma Vaşinqtonun siyasi dairələrində ciddi insanlar var. "Washington Post"un müəllifi Devid İqnatius və ya beynəlxalq işlər üzrə Şuranın sədri Riçard Haus məqalə yazıb, Rusiyanın xətrinə dəyməməyə çağırış edib. Avropada və ABŞ- da Rusiya casuslarının siyahısı heyrət doğurur. Mən sanki bu siyahıda olanların hamısı barədə xəbərdar idim, amma mənim üçün bir neçə xoş olmayan xəbərləri də öyrəndim", - politoloq deyib.

 

"New York Times" qəzetində dərc edilən məqalədə deyilib ki, Rusiya ilə müharibədə sülhə nail olmaq üçün Ukraynaya "ağrılı ərazi qərarları" qəbul etmək lazım gələcək. Bu, nadanlıqdır, politoloq deyib.

 

Bu qəzet məni təəccübləndirməyib. Bu məqalənin mənası odur ki, Bayden Zelenskiyə izah etməlidir ki, Amerika məhdudiyyətsiz olaraq hərbi və maliyyə dəstəyi verə bilməz.

 

Biz buna alışmışıq. "New York Times" ikona deyil. Bu, hətta Demokrat Partiyanın da orqanı deyil. Bu qəzet Demokrat Partiyasının iftat sol qanadının vərəqəsidir. Mən bu insanlardan heyrətə gəlirəm. Vaxtilə onlar SSRİ- ni müdafiə edirdilər. Bunu haradasa izah etmək olardı. Onlar marksistdirlər və inanırlar ki, proletariatı istila edirlər, Sovet İttifaqı isə ədalətli quruluşdur. İndi isə onlar dünyada ən quldur kapitalizmə qulluq etməkdə davam edir. Bu, tamamilə inanılmazdır", - politoloq deyib.

 

Piontkovski deyib ki, Ukraynanın düşmənləri Co Baydenin transatlantik ideyasına sadiqliyindən istifadə edir. Məncə, bu dəfə alınmaycaq.

Bayden ağır təkamül keçib. Jenevrədə rüsvayçı sammit yadımızdadır, orada o, tutuquşu kimi Ukrayna prezidentinə müraciət edib: "Gedin, Minsk razılaşmalarını icra edin". Bayden Dövlət katibi Blinkenin və Pentaqon rəhbəri Lloyd Ostinin təsiri ilə və Ukrayna diplomatiyasının, Ukraynanın dostlarının  möhtəşəm fəaliyyətilə ağır yol keçib", - Piontkovski belə deyib.

 

"Bayden Putin haqqında sərt ifadələrə yol verib, onu qatil adlandırıb, hakimiyyətdə qala bilməyəcəyini ifadə edib. Bundan sonra ABŞ- ın Rusiyadakı səfiri Con Sallivan irəliyə çıxıb deyir: ona fikir verməyin, baba çaşıb, bizim siyasətimiz başqadır. Lakin Bayden yaylım atəşli sistemlərin tədarükü məsələsində emosional olaraq administrasiyada olan əclaf putinçilərin tərəfində deyil", - Piontkovski bəyan edib.

 

"Baydenin transatlantika ideyası düzgün yoldur, xüsusilə köhnə Avropanın və bütövlükdə Qərbin Ukraynaya xəyanət etdiyi və Putin tərəfində çıxış etdiyi dönəmdə bu, çox vacibdir. Transatlantik birlik əks istiqamətdə hərəkət edir.

 

Bayden fəlakətli yanlışlığa yol verib, "Şimal axını- 2" layihəsinin sanksiyalarının aradan qaldırılmasına təkid edib.  Bu, onun Almaniya kansleri Merkelə atlantik birliyin qorunub saxlanılması üçün güzəşti olub. İndi isə Putin növbəti dəfə transatlantik ideyasından yararlanmaq istəyir, amma bu dəfə keçməyəcək", - politoloq buna əmindir.

 

P. S. Çox təəssüf ki, politoloqun proqnozu özünü doğrulmadı.

 

"Birləşmiş Ştatlar Ukraynaya Rusiyanın ərazisinə çata biləcək raket sistemlərini göndərməyəcək. Bunu mayın 30- da Co Bayden bəyan edib. Bu barədə "Röyters" agentliyi məlumat yayıb...