Bizi sosial şəbəkələrdən izləyin:
İran hərbi əməliyyatlar nəticəsində dəymiş fiziki və mənəvi zərərə görə beş ərəb dövlətindən kompensasiya almaq niyyətindədir.
Moderator.az "Tasnim" agentliyinə istinadən xəbər verir ki, bunu İslam Respublikasının BMT-dəki daimi nümayəndəsi Əmir Səid İravani bəyan edib.
"Biz regionun beş ölkəsindən - Bəhreyn, Səudiyyə Ərəbistanı, Qətər, BƏƏ və İordaniyadan ABŞ və İsrailin İrana qarşı müharibəsində iştirakına görə kompensasiya tələb edirik", - deyə İravani bildirib.
Diplomat vurğulayıb ki, rəsmi Tehran sözügedən ölkələr müharibədə İsrail və ABŞ ilə əlbir olduqlarına və İran qarşısındakı öhdəlikləri pozduqları üçün onlardan təzminat tələb etmək niyyətindədir.