Rusiyada sərnişin və yük qatarları toqquşub

Bizi sosial şəbəkələrdən izləyin:

Murmansk yaxınlığında qatarın toqquşması nəticəsində ölənlərin sayı 16-ya çatıb.

Səhiyyə Nazirliyinin məlumatına görə, Murmansk vilayətində qatarın toqquşması nəticəsində xəsarət alanların sayı 16 nəfərə çatıb ki, onlardan da üçünün uşaq olduğu bildirilir.

***

18:44

Rusiyada sərnişin və yük qatarlarının toqquşması nəticəsində 8 nəfər xəsarət alıb.

Bu barədə TASS məlumat yayıb.

***

Rusiyada yük və sərnişin qatarları toqquşub.

Hadisə dəmir yolunun Murmansk ərazisindən keçən hissəsində yerləşən “Knyajnaya” stansiyasında baş verib. Qəza nəticəsində sərnişin qatarının 3 vaqonu və yük vaqonları relsdən çıxıb.

Qatarda 326 sərnişinin olduğu bildirilib.

Hadisə yerinə hüquq-mühafizə orqanalrının əməkdaşları gələrək, araşdırmalara başlayıblar. Hazırda zərərçəkənlərin sayı dəqiqləşdirilir.

***

Rusiyanın Murmansk vilayətində yük qatarı sərnişin qatarı ilə toqquşub.

Bu barədə Şimal-Qərb Nəqliyyat Prokurorluğu məlumat yayıb.

"İlkin məlumata görə, bu gün Murmansk - Sankt-Peterburq marşrutu üzrə hərəkət edən sərnişin qatarı ilə yük qatarı Knyajaya stansiyası ərazisində toqquşub", - məlumatda qeyd olunub.

Vilayətin qubernatoru Andrey Çibisin sözlərinə görə, xilasedicilər hadisə yerinə gedib, həmçinin üç təcili yardım briqadası da göndərilib.

Bildirilib ki, bütün halların araşdırılması, xüsusi xidmət və hüquq-mühafizə orqanlarının işinin əlaqələndirilməsi üçün Kandalakşa nəqliyyat prokuroru Tatyana Çumakova hadisə yerinə gedib.

RJD şirkətindən bildirilib ki, ilkin məlumata görə, sərnişin qatarının üç vaqonu və yük vaqonları relsdən çıxıb. Xəsarət alanlarla bağlı məlumat dəqiqləşdirilir. Həmin ərazidə hərəkət dayandırılıb.