İşğalçı Rusiyanın avqustun 26-da Ukraynaya endirdiyi güclü zərbələrə oxşar terrora son qoymaq üçün tərəfdaşlarımız konkret olaraq iki qərar qəbul etməlidir. 

 

Moderator.az xəbər verir ki, bu barədə Ukrayna XİN rəhbəri Dmitri Kuleba "X" sosial şəbəkəsində bəyan edib. Məlumatı "qordonua.com" nəşri yayıb.

 

"Rusiya avqustun 26-da Ukraynanın 15 regionuna əsasən kritik mühüm mülki infrastrukturu və energetika sistemini güclü raket və dron atəşinə tutub. Nəticədə mülki əhali arasında həlak olan və yaralananlar var, habelə energetika obyektlərinə ciddi ziyan dəyib. Rusiya dinc əhaliyə qarşı qorxaqcasına müharibəni davam etdirir və bu, hərbi cinayətdir", - o yazıb. 

 

Kuleba vurğulayıb ki, Rusiyanın hücumlarına haqq qazandırmaq olmaz və beynəlxalq birlik tərəfindən bunlar qətiyyətlə pislənilməli və əhəmiyyətli cavab tədbirləri görülməlidir. 

 

"Rusiya terroruna tezliklə son qoymaq üçün tərəfdaşlarımız iki konkret qərar qəbul etməlidir. Birincisi, Ukraynanın Rusiya ərazisindəki bütün qanuni hərbi hədəflərə uzaq məsafələrə zərbələri təsdiqləməlidir. İkincisi, tərəfdaşlarımızın HHM imkanlarından Rusiyanın hava məkanı yaxınlığında raket və dronların vurulması üçün istifadə etməyə razılaşmalıdır", - Kuleba bəyan edib. 

 

Onun sözlərinə görə, hər iki qərar indiki tammiqyaslı müharibə üçün eskalasiya törətmir. 

 

"Əksinə, onlar Rusiyanı çəkindirəcək, terroru və Rusiyanın hücumları və onların qurbanlarının sayını azaltmağa kömək edəcək. Sonra yox, indi hərəkət etmək lazımdır, insanlarımızın həyatını xilas etməkdə bizə yardım edin", - Kuleba çağırış edib.