Cənubi Qafqaz: geosiyasi təsirlər fonunda

"Fələstinlilər öz doğma torpaqlarını heç vaxt tərk etməyəcək" - Mahmud Abbas

İsrailin Livanın cənubuna zərbəsi nəticəsində 3 nəfər jurnalist həlak olub

"Mən utanc və iyrənc hissi keçirdim... Özümü ət parçası hiss etdim..." - Eks-modeldən Trampa qarşı ittiham

"Rusiya regionda və bütün dünyada qeyri-sabitlik və eskalasiya yayır" - Jozep Borrel

Bədənimizdəki ağrılar bizə nə deyir?- Psixoloq açıqladı

"Biz Ukraynada ədalətli sülhə nail olmalıyıq" - Quterriş

Doğma bir insana alkoqollu içkini atması üçün necə kömək etmək olar?..-"Alcohol"

BDU-nun 4 dildə 150-yə yaxın əsəri çap edilmiş tatar professoru da günahsız yerə güllələndi...

Cənubi Qafqaz: geosiyasi təsirlər fonunda

Digər

Oxunub: 1626

23 Oct 2024 | 14:02

Cənubi Qafqaz: geosiyasi təsirlər fonunda

“Mürəkkəb, eyni zamanda, önəmli geosiyasi coğrafiyada yerləşməsi Cənubi Qafqazı həmişə qütblərin toqquşma məkanına çevirib. O ,cümlədən də, sovetlər birliyi dağıldıqdan sonra ABŞ və bütövlükdə Qərb Rusiyanın regionda mövqelərinin zəifləməsindən istifadə edərək yeni geosiyasi konfiqurasiya qurmağa çalışmış, bu prosesdə ənənəvi metoda, region ölkələri arasında münaqişələrin davamlılığının saxlanmasına və ,beləliklə də, bu regiona vasitəçi, yaxud protektor missiyası altında daxil olmağa çalışmış və bu istiqamətdə müəyyən "nailiyyətlər" əldə etmişdir”.

Bu sözləri Moderator.az –a millət vəkili Bəhruz Məhərrəmov deyib.

Millət vəkilinin sözlərinə görə, Azərbaycanın Vətən müharibəsi və antiterror tədbirlərində qələbəsi, regionda imperializmin əsas dayaq elementi olan münaqişəyə və separatizmə son qoyması ilə yeni geosiyasi reallığın yaranması möhtərəm Prezidentin bu ilin fevral ayının 14-də özünün andiçmə mərasimindəki tarixi çıxışında ifadə etdiyi kimi, regionda sarsılmaz daşları yerindən oynatdı:

“Ölkəmizin Zəfəri Qərbi əsas təsir alətlərindən olan münaqişə və separatizm ocağından məhrum etməklə digər region ölkələri üçün də analoji presedentə yol açdı. Cari dövrə qədər bir qayda olaraq gizli şəkildə, yaxud bu və ya digər formada pərdələnərək regionda maraqlarını təmin etməyə çalışan Qərb imperializmi Azərbaycanın yaratdığı yeni konfiqurasiyada açıq mübarizə üsuluna baş vuraraq Ermənistanın sürətlə silahlandırılması, yaxud bu ölkədə hərbi-siyasi cəhətdən mövcudluğunu təmin etməklə regionda güc nisbətinin dəyişilərək işğal dövrünün status-kvosunun bərpası istiqamətində real addımlar atmağa başladı. Əslində, Ermənistanı yenidən dirçəltməklə Qərbin Cənubi Qafqazda əsas hədəfi bu ölkədə dayaqlarını möhkəmləndirmək, Ermənistanı özünün proteksiyasına keçirməklə Rusiyanın əsrlərdir bölgədə oynadığı rola sahib çıxmaqdır. Proseslərin gedişatı birbaşa Rusiyanın maraqlarına zərbə olsa da, qəribədir ki, rəsmi Moskva bu dövr ərzində Ermənistanda Avropa İttifaqının missiyası və ABŞ-nin hərbi konstruktorları adı altında NATO missiyasının yerləşməsinə təmkinlə yanaşmaqdadır. Qərb isə cari situasiyanı fürsətə çevirərək Ermənistanda mövcudiyyətini, xüsusən hərbi mövcudiyyətini daha da gücləndirməkdə və faktiki olaraq Rusiyanın mövqelərinin bölgədə zəiflədilməsi istiqamətində ciddi səylər göstəməkdədir. Bir sıra hallarda qlobal miqyasda rəqib kimi çıxış etsələr də, Qərb dairələri Cənubi Qafqazda Rusiyaya qarşı ortaq mövqedən çıxış etməklə geopolitik alət kimi istifadə etdikləri Ermənistan üçün daha cəzbedici görünməyi bacarmaqdadır”.

Bəhruz Məhərrəmov vurğulayır ki, Qərbin Ukrayna və Gürcüstana vəd etdikləri və reallıqlar arasında müşahidə olunan ziddiyyət son zamanlar İrəvanda narahatlıq yaratmaqda, xüsusən Paşinyanın Moskva səfərindən sonra Ermənistan hakimiyyəti davranışlarında müəyyən korreksiyalar həyata keçirməkdədir:

“Təbii ki, Ermənistanın bu gedişləri Qərbin Cənubi Qafqazda geri addım atması ilə nəticələnməyəcək. Çünki ABŞ, Avropa İttifaqı, Fransa kimi subyektlər İrəvanın iradəsi üzərində ciddi təsir mexanizmləri formalaşdıra biliblər. Lakin bütövlükdə Cənubi Qafqazda iradə sahibi olmaq üçün Ermənistan kimi zəif bənd üzərində hakimiyyətə sahib olmaq Cənubi Qafqazda söz sahibinə çevrilmək üçün kafi deyil. Xüsusən Azərbaycanın bölgədə əməliyyat şəraitinə nəzarət edən hərbi-siyasi güc mərkəzi, habelə qələbələri ilə yeni reallıq yaradan müstəqil güc kimi özünü özünü təsdiq etməsi, eyni zamanda, Fransanın simasında imperialist niyyətli təcavüzkar subyektləri bölgədən kənarlaşdıra bilməsi Ermənistanda möhkəmlənməyin prinsipcə Cənubi Qafqazda əhəmiyyətli təsir gücünə sahib olmağa imkan vermədiyini göstərir. Bu isə adıçəkilən ölkələrin Azərbaycana münasibətdə radikallığını daha da artırır. Son dövrlərə qədər Bakı ilə mübarizəsini media orqanları və parlamentarilər səviyyəsində aparan adıçəkilən subyektlər artıq xarici siyasət idarələri vasitəsilə açıq formada Azərbaycan ünvanına qarayaxma kampaniyasını səsləndirməkdən çəkinmirlər”.

Millət vəkili hesab edir ki, Azərbaycanla mübarizədə, xüsusən ölkə daxilində beşinci kolon funksiyasını yerinə yetirən siyasi təşkilatlar və vətəndaş cəmiyyəti institutları ilə iş üzrə koordinasiyanın həyata keçirilməsi isə bir qayda olaraq Gürcüstan üzərindən həyata keçirilir:

“ Lakin son zamanlar Gürcüstan hakimiyyətinin Qərbin təsirlərindən qurtulmağa çalışması, bu istiqamətdə real addımların atılması Qərbi daha da çıxılmaz vəziyyətə salıb. Görünən odur ki, Qərbin Azərbaycana qarşı başlatdığı səlib yürüşü Azərbaycanın ardıcıl və praqmatik gedişləri, habelə artan güc və imkanları fonunda fiaskoya uğramaqdadır. Eyni zamanda proseslərin gedişatı göstərir ki, Bakı Qərbin istənilən hücum cəhdində daha çevik və adekvat reaksiyalarla cavab verə və imperialist dairələrdən bir neçə addım öndə dayana bilir”.