Qadınlar kişilərə nisbətən daha az yatır, gündüz yuxusuzluqdan şikayət edirlər – SORĞU

Bizi sosial şəbəkələrdən izləyin:

ABŞ sakinləri arasında aparılan yeni sorğu göstərib ki, qadınlar kişilərlə müqayisədə kifayət qədər yuxu almır və gündüz yuxulusuzluqdan daha çox şikayət edirlər.

ABŞ-da 2000-dən çox böyüklər arasında aparılan onlayn sorğu, qadınların nadir hallarda və ya heç vaxt yaxşı yuxu hissi ilə oyanma ehtimalının kişilərdən 1,5 dəfə çox olduğunu göstərib - 32 və 21 faiz. Bundan əlavə, yuxululuq qadınların gündəlik fəaliyyətinin 81, kişilərin isə 74 faizinə təsir edir.

“Bəzi qadınlar işləmək, ev idarə etmək və uşaq böyütmək üçün inanılmaz təzyiq hiss edirlər, hamısı təbəssümlə ötürürlər. Bəzən superqəhrəman başlıqlarımızı kənara qoymalıyıq. Biz sağlamlığın sütunlarına - qidalanma, məşq və yuxuya qayıtmalıyıq", - Şimali Dakota Yuxu Mərkəzinin tibbi direktoru Sima Xosla deyib.

Bununla əlaqədar olaraq, mütəxəssislər düzgün yuxu üçün zəruri olan bəzi qaydalara riayət etməyi tövsiyə edirlər:

- Davamlı yuxu rejiminə riayət edin. Həftə sonları və ya tətillərdə belə hər gün eyni saatda qalxın.

- Yataq otağınızı sakit və rahat edin, sərin temperaturda saxlayın.

- Axşamlar parlaq işığa məruz qalmağı məhdudlaşdırın və yatmazdan ən azı 30 dəqiqə əvvəl elektron cihazları söndürün.

- Yatmazdan əvvəl çox yemək yeməyin. Axşam acsınızsa, yüngül, sağlam qəlyanaltı yeyin. Yatmazdan əvvəl kofein, nikotin və spirtdən uzaq durun.

- Müntəzəm olaraq idman edin və sağlam qidalanın.

- Yatmaq istəmirsinizsə, yatmayın.

- 20 dəqiqədən sonra yuxuya getməsəniz, yataqdan qalxın. Yuxulu hiss edənə qədər güclü işıqlandırma olmadan sakit fəaliyyətlə məşğul olun. /Lent.az/