1 sentyabrda keçirilmiş növbədənkənar parlament seçkilərində parlament təmsilçiliyi olan partiyaların sayı artıb. Yeni Azərbaycan Partiyası mandatların böyük əksəriyyətini əldə edib.

 

Digər siyasi partiyalarla bağlı müşahidəçilərin təxminləri əsasən reallaşsa da, bəzi gözləntilər doğrulmadı.

 

Belə ki, Müsavat Partiyasından heç kim mandat ala bilmədi, REAL partiyasının isə yenə bir üzvü deputat seçildi.

 

Qeyd edək ki, 17 saylı Yasamal üçüncü seçki dairəsindən Müsavat Partiyasının namizədi BDU-nun dosenti Nüşabə Sadıxlının deputat mandatı alacağı gözlənilirdi. Ancaq məlum olduğu kimi, həmin dairədən bitərəf Göydəniz Qəhrəmanov mandat alıb. Qeyd edək ki, hakim Yeni Azərbaycan Partiyası bu dairədən prinsipial namizəd verməmişdi.

 

Digr partiyalara gəlincə, Vətəndaş Həmrəyliyi Partiyası (VHP) 3, Ədalət, Hüquq, Demokratiya Partiyası (ƏHD) 2, Bütöv Azərbaycan Partiyası (BAP), Ana Vətən Partiyası (AVP), Böyük Quruluş Partiyası (BQP), REAL , Azərbaycan Milli İstiqlal Partiyası (AMİP), Azərbaycan Demokratik Maarifçilik Partiyası (AMDP), Demokratik İslahatlar Partiyası (DİP , Milli Cəbhə Partiyası (MCP) hərəsi 1 manat alıb.

 

Seçkilərdə ƏHD partiyası deputat sayını ikiyə çatdırıb, AMİP isə 2000-ci il seçkilərindən sonra yenidən parlament təmsilçiliyi qazanıb.

 

Parlament partiyası statusu qazananlar arasında BAP da var. Partiyanın sədri Elşad Musayev 10 saylı Binəqədi ikinci seçki dairəsindən deputat olub.

 

REAL partiyasından isə gözləntilərin əksinə, nə təşkilatın sədri İlqar Məmmədov, nə də onun müavini Natiq Cəfərli deputat seçilə bildi. Onların namizəd olduqları seçki dairələrindən müvafiq olaraq DİP sədri Asim Mollazadə və STM sədri Zahid Oruc mandat alıblar. REAL-dan yenə dı yalnız hüququşünas Erkin Qədirli mandat alıb.

 

Seçkilərdə iştirak edib, amma deputat mandatı qazanan bilməyən partiyaların sırasında ADP, KXCP, AXP, Ağ Partiyanın adlarını çəkə bilərik.

 

Qeyd edək ki, prosesdə 20-dən artıq siyasi təşkilat iştirak edib. Onlardan YAP da daxil olmaqla 11-i parlament partiyası statusu qazanıb, qalanları kənarda qalıb.

 

Müxalifət partiyalarının təmsilçisi kimi parlamentdə təmsil olunan deputatların siyahısını təqdim edirik:

 

 

 

 

 

 

 

 

 

 

 

Qanunvericiliyə görə, siyasi təşkilatlar aldıqları səslərə müvafiq olaraq dövlət büdəsindən vəsait alacaqlar. Ən az səs almış partiyanın 5 min manat əldə edəcəyi gözlənilir.

(azpolitika.info)