Azərbaycan Talassemiya Federasiyası tərəfindən irəli sürülən təşəbbüslə 8 May Beynəlxalq Talassemiya gününə və Talassemiya Mərkəzinin Azərbaycandakı fəaliyyətinin 15 illiyinə həsr olunmuş "Talassemiyasız həyat naminə" ictimai maarifləndirmə layihəsi çərçivəsində ölkədə bir çox maarifləndirici və ictimai çağrışlı tədbirlər həyata keçirilib.

 

Beynəlxalq Talassemiya Federasiyası (BTF) Beynəlxalq Talassemiya Günü münasibətilə bütün dünyadakı görkəmli memarlıq abidələrini 8 may tarixində “Talassemiyanı işıqlandır” aksiyasına dəvət edib. Azərbaycan Talassemiya Federasiyasının müraciəti əsasında Azərbaycan Respublikası Dövlət Neft Şirkəti də Beynəlxalq Talassemiya Gününə çox həssas yanaşaraq 8 may tarixində baş ofisinin işıqlarını qırmızı rəngə boyayaraq “Həyatların dəstəklənməsi, tərəqqidən faydalanma: hamı üçün ədalətli və əlçatan talassemiya müalicəsi” şüarını bütün ölkəyə çatdırdı.

 

Qeyd edək ki, SOCAR şirkəti uzun illərdir bütün heyəti ilə irsi qan xəstəliyi olan talasemiyalı şəxslərin qan ehtiyaclarını qarşılamaq məqsədi ilə bir çox sosial layihələrdə yaxından iştirak edir və bu fəaliyyətdə böyük fədakarlıq nümayiş etdirir.