“Rəhmətlik Şirməmməd müəllimin qaçqınlar haqqında açıqlaması yanlış yozulub...”-VİDEO

"Bir milyona yaxın dinc əhali Rafahı tərk edib" - BMT-nin fələstinli qaçqınlar üzrə Agentliyi

"Nüvə savaşında 72 saata 5 milyard insan həlak olacaq, yalnız iki ölkə salamat çıxacaq" - "Daily Star"

"Ukraynadan qalan yalnız Lvov olacaq" - Xodorkovski

İran Prezidentini daşıyan helikopter sərt eniş edib, Rəisinin vəziyyəti məlum deyil

Rusiyalılar mülki ukraynalıları qətlə yetirir, Xersonda insanların üzərinə drondan partlayıcı maddə atılıb

"Hücumun birinci fazası: Volçanskın zəbt edilməsi rusiyalılara nə üçün lazımdır?" - ISW

"Ukrayna Rusiyadakı obyektlərə zərbələr endirmək üçün ABŞ-dan icazə istəyir" - "The Wall Street Journal"

Ziyafətdən sonra necə TEZ AYILMAQ OLAR? - Sadə və təsirli üsullar

“Rəhmətlik Şirməmməd müəllimin qaçqınlar haqqında açıqlaması yanlış yozulub...”-VİDEO

Oxunub: 4429

27 Jun 2019 | 15:16

“Rəhmətlik Şirməmməd müəllimin qaçqınlar haqqında açıqlaması yanlış yozulub...”-VİDEO

Son günlər sosial şəbəkələrdə bəzi istifadəçilər tərəfindən Azərbaycandakı qaçqın və məcburi köçkünlərin ünvanına təhqiramiz ifadələr işlədilir, Qərbi Azərbaycandan qaçqınlığın, torpaqlarımızın 20 faizinin işğalının suçu onların boynuna yıxılır. Bunun erməni təxribatı olduğunu dəqiq bilməsək də, belə bir davranışı icra edənlərin düşmən dəyirmanına su tökdükləri şəksizdir...

Laçın rayonundan məcburi köçkün, rayonun sabiq icra başçısı Ramiz Cəbrayılov Moderator.az-a açıqlamasında bir vətəndaş və işğal altındakı yurdların sakini olaraq bu cür fikirlərin yayılmasından dərin təəssüf hissi keçirdiyini bildirib:

“Son vaxtlar sosial şəbəkələrdə qaçqınlar və məcburi köçkünlər yaman qınaq obyekti olub. Məsələn, şərhlərdə bəziləri belə bayağı fikirlər yazır: “Azərbaycanda bərkgedənlər, yaşayanlar qaçqınlardır, biz yox...”

Belə çıxır ki, torpaqlarımızın işğal altında qalmasının məsuliyyəti yalnız məcburi köçkünlər daşımalıdır. Gəlin Vətəni bölməyək. İşğal altında olan torpaqlar, Qarabağımız, Şuşamız, Laçınımız, Kəlbəcərimiz... hər bir azərbaycanlının namusu, qeyrəti şərəfidir. Torpaqlarımızın erməni əlində qalmasında yalnız qaçqınları qınamaq nadanlıqdır. Çünki onların özlərinin, dədə-babalarının min illərlə yaşadığı o yurdlar ölkədəki hakimiyyət, var-dövlər davası ilə uzlaşdırılmış erməni və imperiya planları, təxribat və şayiələr sayəsində işğal olunub. Kimsə hesab edirsə ki, Qarabağ torpaqlarında yaşayanların yerinə Azərbaycanın başqa bir bölgəsinin, şəhərinin əhalisi olsaydı, o yurdlar işğal olunmazdı –yanılır. Odur ki, gəlin, öz kürsü davası və təxribatlarıyla bu torpaqlarımızın ermənilərə verilməsinə şərait yaratmış nakişiləri axtaraq və xalqın mühakiməsinə çıxaraq...”

Həmsöhbətimiz bəzilərinin bu günlərdə dünyasını dəyişmiş mərhum Şirməmməd Hüseynovun hələ 4 il öncə qaçqınlar haqqında söylədiyi bir fikrin əldə dıstəvuz etdiyini və bununla mərhum alimin ruhunu da rahat buraxmadıqlarını əlavə edərək deyib:

“Onu da qeyd edim ki, qaçqın-köçkünlərin qınaq obyektinə çevrildiyi fikirlər əsasən bu günlərdə Haqq dünyasına qovuşmuş məşhur araşdırmaçı alimimiz Şirməmməd Hüseynovun hələ 2015-ci ildə “ANS” verdiyi müsahibə zamanı söylədiyi "1 milyon qaçqının içərisində 100 min kişi yox idi, əli silahlı?.. " cümləsinə şərhlərdə ifadə edilib.

Açığı, öncə mən də belə hesab etdim ki, mərhum Şirməmməd müəllim, doğrudan da, qaçqınları qınaq obyektinə çevirib. Lakin sonra alimin açıqlamasını diqqətlə dinlədikdən sonra anladım ki, rəhmətlik Şirməmməd müəllimin qaçqınlar barədə söylədikəri tamam yanlış yozulub və şərh edilib. Hər kəs həmin müsahibənin video-yazısına baxıb bunun şahidi ola bilər...

Belə ki, keçmiş Yuqoslaviyanın parçalanması ərəfəsində yaranmış münaqişələrdən danışan alim Xorvatiyanın torpaqlarının bir hissəsinin Serbiya tərəfindən işğal edilməsindən və 250 min xorvatın qaçqın düşməsindən bəhs edir. Ş.Hüseynov deyir ki, Xorvatiya liderləri həmin 250 min xorvatdan 40 minlik, qalan işğal edilməmiş bölgələrdən isə 60 minlik qoşun yaradaraq toplam 100 minlik ordu və topladıqları pulla əldə etdikləri 800 tank, 100 təyyarə və s. vasitəsilə cəmi 3 gün ərzində torpaqlarını azad ediblər. Şirməmməd müəllim bu faktı Azərbaycan torpaqlarının işğalı ilə müqayisə edərək ritorik sual verir: “Məgər 1 milyon qaçqının içində 100 min kişi yox idi?” və sonda əlavə edir: “Təşkil edən yox idi...” Yəni rəhmətlik demək istəyir ki, torpaqların yenicə işğal edildiyi vaxtlarda düzgün təşkil edən olsaydı, biz də bu günədək Qarabağı ermənilərdən azad edə bilərdik...”

R. Cəbrayılov açıqlamasında rəhmətlik Şirməmməd Hüseynovun bəhs edilən fikirlərinə yanlış şərh verərək qaçqın və köçkünləri təhqir edənlərdən birinin də tanınmış aktyor və şoumen Qorxmaz Əlili olduğunu xatırladıb. Məhz onun şərhlərindən sonra məlum müzakirə qızışıb.

Araşdırmamız zamanı xatırladıq ki, Q.Əlilinin şərhi də Şirməmməd müəllimin 2015-ci ilin oktyabrında “ANS”-ə verdiyi sözügedən müsahibəsindən az sonra yayılıb. Və bir neçə gün sonra isə sənətçi bu cür fikirlərinə görə qaçqınlardan üzr istəyib. İndi kimlərsə Şirməmməd Hüseynovun vəfatını fürsət bilərək onun qaçqınlar haqda söylədiklərini və Q.Əlilinin statusunu yenidən “Facebook”da “efirə” buraxıb:

“Qaçqınlara Bakı lazım idi, ona da nail oldular. Hökumət lazım idi, ona da nail oldular. Var-dövlət lazım idi, onu da aldılar. Onlardan yalnız iyirmi faizi əsl qaçqınlıq həyatı sürdülər, o da reklama görə. Xaricdən gələn qonaqlara göstərmək üçün, yardım pulu almaq üçün. Aldılar, pulun dalına keçdilər, indi bizi bəyənmirlər..."

R. Cəbrayılov bir daha belə düşüncələri hədəf alaraq deyib:

“Əgər bu gün yenə Qorxmaz Əlilinin o vaxtkı düşüncələrini əldə bayraq edənlər varsa, üzümü onlara tutub deyirəm: “İndi “qaçqın” adlanan soydaşlarımız öz yurdlarında yaşayanda onların həyat şəraiti sizinkindən yaxşı olub. Sadəcə, tale elə gətirib ki, onlar sizin kimilərə söz yeri olub. Vətənin dəyərini qiymətini sizin kimi varlıqlar heç zaman bilməz. Çünki belə məxluqlarda milli qürur hissi olmur. Milli qürurunuz olsaydı, belə sözləri dilə gətirməzdiniz. Bilərdiniz ki, qaçqın və köçkünlərdən ötrü doğma yurdarından əziz, müqəddəs heç nə yoxdur... Qarabağın sakit, dinc dövrlərində Azərbaycanın bütün guşələrindən o torpaqlara dincəlmək üçün on minlərlə soydaşımız gəlir, yaylaqlarda, meşələrdə, bulaqlar başında istirahət edirdi. Deməli, bəziləri üçün o yerlər yalnız qoynunda kef çəkəndə Vətən idi. Ancaq bu gün – o yurdların, köçkünlərin dar günündə həmin torpaqların işğal altında qalmasının məsuliyyətini yalnız onların boynuna qoymaq heç bir mənəviyyat və məntiqə sığmır... Bir daha təkrar edirəm ki, arxalarındakı Rusiyanın, Fransanın hesabına ermənilərin müvəqqəti sahibləndiyi o yurdların azad edilməsi məsələsi hansı regiondan olmasından, varlı-kasıblığından, siyasi mənsubiyyətindən asılı olmayaraq hamımızın boynuna düşən namus məsələsidir...”

P.S. Gerçəkdən gözəl ziyalımız, tariximizi araşdıran canlı tarix kimi yaddaşlarımıza həkk olunmuş mərhum professor Şirməmməd Hüseynovun fikirlərini yanlış yozaraq Vətənimizin müxtəlif bölgə sakinlərini üz-üzə qoymaq düşmən niyyətlərinə xidmət edən bir rəzillikdir. Bunu edənlərdən bu cür davranışlara dərhal son qoymalarını tələb edirik...