Avropa Oyunları ölkəmiz üçün bir sınaq oldu. Xalqımız və ölkəmizin rəhbərliyi bu sınaqdan üzü ağ çıxdı. Xalqla hökumət əl ələ verərək bu kampaniyanı uğurla başa vurdu. Gənclərimiz kampaniyanın uğurlu alınması, ölkəmizin xaricdə imicinin müsbət formalaşması üçün aylarca könüllü xidmət göstərdilər. Onu da XÜSUSİ QEYD EDİM Kİ, HEÇ BİR AVROPALI GƏNC PULSUZ, VAXTINI AYIRIB, KÖNÜLLÜ XİDMƏT GÖSTƏRƏRƏK ÖLKƏSİNİN İMİCİ ÜÇÜN ƏLBƏTTƏ Kİ ONLAR BUNU ETMƏZDİ.

Gələk bu işdə öncüllük etməli, bu kampaniyanı xaricilərə, yaşadığımız ölkənin beynəlxalq qurumlarına, yerli ictimaiyyətə təqdim olmalı olan diasporamıza. Diasporamız bu sınaqdan çıxa bildimi? Birmənalı şəkildə, tam məsuliyyətimlə deyirəm ki XEYR. Yarışın əsas təşkilatçısı Heydər Əliyev Fondu və Mehriban xanım bir bir ölkələri gəzərək bu yarışın ölkəmiz, insanlar üçün əhəmiyyətini izah etdilər, həm kampaniyanı, həm ölkəmizi təbliğ etdilər. Fond təkbaşına mücadilə verdi, iş gördü, çıxış etdi, yarışın A - dan Z - yə qədər hər bir prosesinə liderlik etdi. Əvəzində gərgin işləməli, ölkəmizə qarşı baş verəcək təxribat xarakterli hadisələrin, erməni diasporasının əks hücumuna qarşı önləm almalı olan Diaspora Komitəmiz nə etdi? Diaspora Komitəsi Avropa oyunları ərəfəsində diaspora təşkilatlarımızı erməni diasporasının yalan maşınına qarşı "Hazır olun" çağrışı etdimi ? Yaxud diaspora təşkilatlarına bununla bağlı öz təklif və tövsiyyələrini göndərdimi ? Bu ərəfədə bəs Komitə nə etdi ? Nə iş gördü? Yaxud bu imtahandan diaspora qurumları olaraq bu kampaniyadan uğurlu nəticə ilə bizdə daxil, Avropadakı Azərbaycan diasporası üzü ağ çıxa bildikmi? Məncə XEYR. Avropada diaspora fəaliyyəti ilə məşğul olan dostlar məndən inciməsin. Amma gəlin öz fəaliyyətimizə tənqidi yanaşmağı bacaraq. Açıq etiraf etməliyik ki, bugün Avropadakı fəaliyyətimiz öz soydaşlarımızı toplayıb tarixdən danışmaqdan, yumurta boyamaq, ermənilərlə dolma mübarizəsindən o tərəfə keçmir. Hər il təkrarçılıq edirik. Biz də bunları etdikcə Diaspora Komitəsi bu məlumatları hazırlayıb ölkə rəhbərliyini və xalqımızı aldadırlar. Hər yerdə belə fikir formalaşdırmağa çalışırlar ki, biz diasporaya maddi, texniki dəstək veririk. Guya ki bizim Avropadakı fəaliyyətimizdə hansısa uğurlu lahiyələrimiz onların dəstəyi ilə həyata keçirilir. Avropada hansısa təşkilatımız yaranan kimi o saat hər kəsdə belə fikir formalaşır ki, görəsən bu təşkiat hökumətdən nə qədər yardım alacaq? Belə şeylərə inanmayın. Xaricdə iş görə bilən varsa öz gücünə bir şeylər edir. Qazanılmış hər hansı uğur varsa bu insanların öz əziyyətləri hesabına gördükləri işlərdi.

Gələk Diaspora Komitəsinin gördüyü işlərə. Komitə bir iş görə bildimi ?

Gözdən pərdə asmaq xarakterli işləri nəzərə almasaq demək olar ki heç bir şey. Bu adamlar 13 ildə diasporaya alver predemti kimi baxmamağın , nəhayət ciddi işləməyin metodlarını öyrənə bilmədilər. Təssəvür edə bilirsizmi bunlar hansı mənasız, gülünc metodlarla işləyirlər? Bir misal göstərim. Almaniya Bundestagi Azərbaycana qarşı qətnamə qəbul edir. Komitə əməkdaşları Almaniyada fəaliyyət göstərən şəxslərə telefon açıb bildiriirlər ki, olarmı ki, siz özünüz yaşadığınız evin balkonundan ölkəmizin bayrağını sallayın, qonşularınızdan xahiş edəsiniz ki, onlar da eyni formada bayraq sallasınlar. Guya ki, almanlar Azərbaycana qarşı bundestaqın qətnaməsinə bucür etiraz edirlər. Nə qədər gülünc və primitiv bir təklifdir. Deyilmi?

Ölkə rəhbərliyi bugünə qədər diaspora üçün əlindən gələni etdi. Maliyyə ayrıldı, dünya azərbaycanlılarının qurultaylarının, konfransların təşkili üçün böyük miqdarda maliyyələr ayırdı. Etiraf edim ki, bu məsələdə Komitə canla başla iş görür. Çünki hər bir beynəlxalq səviyyəli tədbirdən bu idarənin rəhbərliyində olanlar yaxşıca ciblərini doldurmaqla məşğul olurlar. Məhz başları ciblərinə qarışdıqları üçün Avropanın beynəlxalq qurumları, yaşadığımız ölkələrin parlamentləri ölkəmizə qarşı "səlib" yürüşünə keçdilər. Düzü hərçənd ölkəmizə qarşı verilən bəyanatları, "insan haqları, söz azadlığı, siyasi məhbus" məsələsi əlaqələndirməyə çalışsalar da , bu bəyanatların səmimi olduğuna inanmıram. Bir şeyə diqqət edin Avropa oyunları bitdi. Daha bəyanat yoxdu. Daha Avropa mediası susub. Nə oldu insan haqları problemi həll edildimi? Yoxsa artıq bütün siyasi problelər öz həlllini tapdımı? Onların siyasi məhbus hesab etdikləri şəxslər azadlığa çıxdımı? Xeyr, deyilənlərin heç birisinin edilməyəcəyi əvvəldən bəlli idi. Avropa Azərbaycan hökuməti ilə dil tapmalı, dialoq yolu ilə məsələni həll etməlidir. Tələblə heç bir dövlətin digər dövlətlə danışmağa haqqı yoxdur. Deməli ortada başqa "məsələlər var". Bu məsələlərin nədən ibarət olduğunu isə Avropadakı hökumətlər daha gözəl bilirlər.

Bəs çıxış yolumuz nədir ?

Məncə Cənab Prezident Komitənin fəaliyyətinə yenidən baxmalı, bu təşkilatın rəhbərliyi ilə bağlı qərar qəbul etməlidir!