Böyük Azərbaycan Partiyasının sədri Elşad Musayev Moderator.az saytı və “Hürriyyət” qəzetinə müsahibə verib. Onunla söhbəti təqdim edirik:
-Elşad bəy, cəmiyyətin və elə müxalifətin özü
tərəfindən də birmənalı qarşılanmayan və Sizin də qatıldığınız bir dialoq məsələsi
vardı. Amma bu arada nəsə bir səngimə hiss olunur. Dialoq davam edirmi?
- Biz bu prosesi dialoq kimi qəbul etmirik və
bu, hakimiyyət nümayəndəsi, yaxud da prezidentin təmsilçisi ilə bir qrup
müxalifət partiyası rəhbərinin görüşü formatında aparılan danışıqlardır. Bu barədə
də çox danışıldı, çoxlu fikirlər və rəylər səsləndirildi. Biz belə hesab edirik
ki, bu görüşlər bundan sonra da davam etdirilməlidir. Hakimiyyət dinc yolla müəyyən
addımlar atmağa sövq edilməlidir. Amma hələlik görünəni odur ki, hakimiyyət də
bu məsələdə imitasiya edir və biz də bunu çox yaxşı başa düşürük. Əlbəttə,
hakimiyyət də məsələyə ciddi yanaşmalı və bu cür imitasiyalara son verilməlidir.
Məsələn, siyasi məhbus məsələsinin həlli üçün, ilkin olaraq, bir addım
atılmışdı və bir çox digər məsələlər də var ki, onlar tam ciddiyyəti ilə
müzakirə olunmalıdır. Amma biz belə hesab edirik ki, bütün bu müzakirələr
xarici tərcüməçilər vasitəsi ilə aparılmamalıdır. Hakimiyyətlə müxalifət öz
aralarında bu müzakirələri apara bilməli və milli və dövləti məsələlərin birgə
həllinə nail ola bilməlidirlər. Yəni, İlham Əliyevin özü də, onun hakimiyyəti də
bu yöndə ciddi addımlar atmağa hazır olmalıdır və bu müzakirələrə start verilməlidir.
Bunun üçün də biz əvvəlcədən xəbərdarlığımızı edirik və öz mıvqeyimizi də
ortaya qoyuruq. Və prezidentin birbaşa təmsilçisi ilə də bu məsələləri birbaşa
müzakirəyə çıxarmağın tərəfdarıyıq. Doğru buyurdunuz ki, bü müstəvidə son
görüşdən sonra bir az ara səngiyib və məndə olan məlumata görə, bu ay ərzində
görüşün olması da nəzərdə tutulmur. Yəni, bu məsələ də hakimiyyətdən asılıdır və
gorüşmək istiyirlərsə, gələn ay görüş ola bilər. Bizim görüş xatirinə görüş
keçirmək kimi də elə bir istəyimiz-filan yoxdu və şəxsən mən BAP sədri olaraq
da belə düşünürəm. Amma belə hesab edirəm ki, ölkənin taleyi ilə bağlı məsələləri
hakimiyyət təmsilçiləri qarşısında açıq surətdə qaldırmaq lazımdır. Bu görüşlərlə
bağlı mənim şəxsi baxışlarım da, partiyamızın mövqeyi də belədir. Artıq top
hakimiyyət tərəfdədir və onlar bu görüşün olmasını və davamını istəyəcəklərsə,
görüşlər olacaq. Yox, əgər istəməsələr, bütün məsuliyyət də onların boynunda
qalasıdır.
- Bəzi
görüntülər və söyləntilər var ki, hakimiyyət dialoq partnyorlarını dəyişməyə
meyllidi və görünəni də odur ki, əvvəllər sizləri dialoqa getməkdə qınayan
müxalifətçilərin özləri də bunda maraqlıdırlar. Bu haqda hansı düşüncələriniz
var ?
-
Hakimiyyətin cürbəcür fikirləri var və hətta fərqli planları da ola bilər. Eyni
zamanda onu da deyim ki, hakimiyyətin özünə lazım olmasaydı, heç bizimlə də
görüşə gəlməzdi. Hakimiyyətə sərf eləməsəydi heç belə bir məsələnin bu şəkildə
gündəmə gətirilməsində də maraqlı olmazdı. Təbii ki, bu məsələdə ilk növbədə
hakimiyyətin maraqları var. Burada bizim də marağımız ondan ibarətdir ki, Azərbaycanın
siyasi arenasında təmsil olunan bütün müxalifət təşkilatları bu görüşlərdə
iştirak etsinlər və öz mövqelərini ortaya qoysunlar. Amma indi hakimiyyətin
kiminlə görüşmək istəyib-istəməməsi onun öz işidir. Bizim şəxsi mövqeyimizsə
onlan ibarətdir ki, siyasi qüvvələrin hamısı bu prosesə cəlb edilsin və aktiv şəkildə
müzakirələdə iştirak eləsinlər. Axı, bu bir açıq görüşdür və orada iştirak edən
siyasi partiyaların heç biri, bir-birindən gizli heç nə demir və istədikləri məsələni
açıq şəkildə müzakirə müstəvisinə çıxarırlar. Amma əvvəlki illərin də təcrübəsindən
bəllidir ki, bəziləri təşkilat olaraq, bəzi siyasilər isə, hətta öz təşkilatlarından
da xəlvət görüşlərə üstünlük verirlər. Bizim isə belə xəlvəti görüşlərlə nə əlaqəmiz
yoxdu, nə də bunu heç arzulamadıq və indinin özündə də arzulamırıq. İndən belə
də bu cür şəffaf fəaliyyətimizi davam etdirmək niyyətindəyik. Hakimiyyət bundan
sonra hansı addımı atacaqsa, artıq o hakimiyyətin addımı olacaq və başqaları da
eləcə. Mən nə indi burda, nə də ayrı bir müstəvidə başqalarının atacağı
addımları müzakirə etmək niyyətində deyiləm.
- Elşad bəy,
indi gündəmin ən aktual məsələrindən biri də ərəfəsində olduğumuz Avropa
oyunlarıdır. Bu oyuların vaxtı yaxınlaşdıqca ölkənin müxtəlif sahələrində gərginlik
şkalası da üzüyuxarı qalxır. Eə bil ki, bu oyunlar bilərəkdən Azərbaycanda vəziyyəti
gərginləşdirmək üçün düşünülmüş planın tərkib hissəsidir. Bu
haqda nə deyə bilərsiniz?
- Avropa oyunları ilə bağlı mən öz mövqeyimi hələ
lap əvvəldən bildirmişəm. Biz indi də o mövqeyimizdən çəkilməmişik. Mən belə
hesab edirəm ki, bu oyunların Bakıda keçirilməsi, Azərbaycan hakimiyyətinin
piarı üçün hesablanmışdı və hakimiyyət bu oyunlardan öz reklamı üçün istifadə
etmək niyyətindəydi. Bu prosesə start veriləndə neftin qiymətinin belə kəskin şəkildə
düşəcəyi proqnozlaşdırılmırdı və bu arada Ukrayna hadisələri baş verdi. Dünya
Rusiyanı küncə sıxmağa qərar verdi. Rusiyanin əsas strateji məhsulu enerji
resurslarıdır, neftdir və Azərbaycanda da strateji məhsullar eynidir və büdcə də
əsasən neft pullarının hesabına formalaşırdı. Neftin qiyməti kəskin şəkildə
düşdüyünə görə, arxada ciddi iqtisadi siyasət durmadığına və hər hansı ciddi əsaslara
söykənən iqtisadiyyat yaradılmadığına görə, dərhal ortaya ciddi də problemlər
çıxmalıydı ki, indi baş verən də odur. Avropa oyunlarının Azərbaycanda keçirilməsinin
tərəfdalarının, ya da əleyhdarlarının kimlər olduğunu mən bilmirəm, amma fakt
odur ki, dünyada heç bir ölkə bu oyunları keçirməyi istəməyib. Çünki bu əlavə xərcdir
və indi də bizə çoxlu məlumatlar gəlir ki, oyunlar başlamamışdan artıq ciddi
problemlər başlayıb. Düşünürəm ki, oyunlar zamanı da bu problemlər həm artacaq,
həm də daha qabarıq şəkildə hiss olunacaq. Bu yöndə mütəxəssislərin proqnozları
da ürəkaçan deyil və oyunların bitməsinnən sonra payıza doğru ölkəmizdə çox
ciddi iqtisadi, sosial və siyasi gərginliklərin olacağı istisna edilmir.
- Amma bu arada parlamentin spikeri “bu
oyunları istəməyənlər ermənidən də pisdir”-dedi. Amma maraqlıdır ki, dölətin
zirvəsində oturan birinin bu şür açıqlamasına nə ictimai, nə də siyasi çevrələrdən
hər hansı formada ciddi etirazlar gəlmədir. Bunu sıradan bir jurnalist demiş
olsaydı, indi adamın gününü göy əskiyə bükmüşdülər. Dövlətin
adından belə bir açıqlama olurmu?
- Belə
bir bəyanatı verən adam ölkənin ststusca üçüncü adamı olsa da məsuliyyətsiz
adamdır. Yəni, Oqtay Əsədov çox məsuliyyətsiz və populist bir bəyanat verib.
Görünəni budur ki, Oqtay Əsədov oturduğu kreslonun məsuliyyətini anlamır və bu
səbəbdən də o məsuliyyəti də daşımır. Çünki adam saxta yolla deputat seçilib,
saxta yolla da ölkənin parlamentinə rəhbərlik edir. Biz isə ölkəmizi də
sevirik, olimpiadanı da, idmanı da sevirik, amma bununla yanaşı ölkəmizə ziyan
dəyməsini də istəmirik. Avropa oyunlarını da belə mətah bir şeydirsə, getsinlər
başqa ölkələrdə keçirsinlər, xərcini də başqaları çəksin, zatən belə olsaydı
heç onu bizə verməzdilər. Avropada o qədər iqtisadi imkanları geniş olan ölkələr
var ki, bəs niyə onlar bunu istəmədilər, çünki bu oyunlar ümumiyyətlə heç kimə
lazım deyil. Bu baxımdan da, Oqtay Əsədov belə aşıqlama ilə görünür kimlərəsə yarınmaq
cəhdində bulunub və ona bir o qədər də fikir vermək lazım deyil, Çünki adam nə
tutduğu vəzifənin, nə də danışdığı sözün məsuliyyətini bilmir, dərk eləmir.