2015-ci ildə   Azərbaycanda  Avropa  Olimpiya  oyunlarına  start  veriləcək  və  həmişə  olduğu kimi  hər  şey alt üst  olacaq: tıxaclar, növbələr, meqapolisin qarmaqarışığı- bir sözlə  ümumrespublika xaosu, daxili dövlət hərc-mərcliyi.

Hələ 2012-ci ildə paytaxtımızda keçirilən “Eurovision” müsabiqəsinin  abu-havası çıxmamış,  hakimiyyət  təzə  “perspektivli” oyunlara meyl olub, qol qoydular.

İctimai birlik  və  beynəlxalq  aləm  artıq öz  ideyalarını  bizə  yeritməkdən  həzz alır. Fikirləşdikləri də  təxminən  belədir ”“ “Qoy Azərbaycanın başı dünyaya lazım olmayan  oyuncaqlarla qarışıb oynasın, bizdə işimizi  sərbəst  görək”. Azərbaycanın  xərclədiyi  milyardlar  onları Qarabağ münaqişəsindən; hərbi sənayesinin inkişafından (yəni aldığı hərbi silah sursatdan) və digər cari  problemlərdən yayındırsın. Xarici  dövlətlər artıq Əliyev hakimiyyətinə baxıb gülmürlər, onlar bizlərə ”“ Azərbaycan xalqına rişxənd edirlər  və düşünürlər ki neçə olur ki “Ərəb baharı”ndan sonra  və  postinqlab dövründən sonra, yəni kütləvi etiraz aksiyaları dünyanın demək olar ki bütün nöqtələrində alışdı, hətta Ermənistanda belə kütləvi aksiyalar iqtidara qarşı keçirildi, Azərbaycan isə hələ  də sərxoş vəziyyətdə sakitcə, rahat dolanır, sosial-ədalətsizliyə susur, hakimiyyət tərəfindən əzilir, təzyiqlər olunur, həyat tərzi pisləşir və bu cur rejimlə qarşı müqavimətsiz davranır.

Hakimiyyətin isə “Araz aşığından, Kür topuğunandır”. Hakimiyyət  hələ də öz missiyasını mükəmməl və tədricən yerinə yetirir: körpülərin, meydanların, parkların, tunellərin, məktəblərin, inzibati müəssisələrin qırmızı lentlə açılışını edir...

Avropa Olimpiya oyunları bütün bu iyrənc mənzərədə dəryada damla kimidir.

Ümumiyyətlə insan nə vaxt köməksiz qalır? Yatanda. Və bizim missiyamız da yatmışları oyatmaqdı, ölmüş beyinlərinin hüceyrələrini inkişaf etdirməkdi. Ağıllı, zəkalı, müdrik insan onsuzda ətrafda nə baş  verir  anlayır. Biz yatmışları mübariz ruhla, İnqilab əhval-ruhiyyəsi, vətənpərvər hisslərlə bu istiqamətdə yönəltməliyik. Əliyev hakimiyyəti 20 il ərzində Azərbaycan xalqına vurduğu zərbə bütün sahələrdə böhran və iflic kimi özünü büruzə  verir.

Çin dövlətində güc strukturlarından sayılan Təhsil Nazirliyi ən vacib və mühüm rol oynayır. Hesab edirəm ki, Azərbaycanda Dövlət Statistika Komitəsi bu vacib funksiyanı yerinə yetirir və əvəzolunmaz rol oynayır. Amma bizə məlumatları, rəqəmləri saxta və yalan səsləndirirlər. dövlətin ümumi panoramasını müəyyən etmək üçün statistik məlumatlar zəzuridir və lazımdır. Bu cür məxfilik iqtidarın quldur prinsiplərinə bağlıdır. Məsələn, statistik məlumatlara görə Azərbaycanda 2014-cü ildə nikahdan kənar doğulan uşaqların sayı 65000 (altımış beş min) nəfərdir. Azərbaycandakı narkomaniyanın, intiharların, abortların, fahişəliyin, cinayətlərin, ruhi xəstələrin, qocalar evində yaşayanların, uşaq evləri və internatlardakı uşaqların  və  digər  məlumatların  statistikasını bilmək çox vacibdir. Kimlərəsə var-dövlət miras qalır, kimlərəsə torpaq sahəsi, kimlərəsə banklardakı hesablar, bizlərə də Əliyev hakimiyyəti və əzilmiş, zülm çəkmiş cəmiyyət. Hakimiyyət nə qədər Azərbaycan xalqını təzyiq və təsir altında saxlayacaqsa, o qədər də xalqın səbir kasası dolub, onu əliaçıq mübarizəyə, arzuolunan məqsədə, çox gözlənilən hədəfə və səbirsiz qələbəyə çatdıracaq.

Sürü instinkti bizdə olmamaq üçün qorxu, tənbəllik, laqeydlik hisslərini özümüzdə ləğv etməliyik. Deyilən bədnam və məşhur “qoyun sürüsü” sözü bizlərə aid olmamalıdır. Çünki biz qədim və zəngin tarixə malikik və Azərbaycan torpağı hər zaman dahi qəhrəmanlar və igid oğullar yetişdirib. Odur ki, qalxın ayağa Azərbaycan qeyrətli oğulları və son nəfəsinə, son damla qanına qədər kökəlik ”“ totalitar sistemindən milli azadlıq mübarizəsinə qatıl. Ya ol, ya öl bu yolda. Tanınmış şüar bizim hamımızın qəlbində olmalıdır: “Qırx il qul kimi yaşamaqdansa, bir gün azad yaşamaq yaxşıdır”. Çünki haqqını tələb etməyən xalq azad yaşaya bilməz.

Elçin Əsədov

Azad Hərəkat İctimai Birliyinin sədri