Qənirə Paşayeva dünyanın hər yerindən gəlmiş Axısxa Türkləri Cəmiyyətləri ilə görüşdə hər bir Axıskalı özünü həm də Qarabağlı hər bir azərbaycanlı da özünü həm də Axısxalı olaraq hiss etməlidir deyib.   

 

Azərbaycanın AŞPA-dakı nümayəndə heyətinin üzvü, millət vəkili Qənirə Paşayeva  Axıska türklərini təmsil edən DATÜB  Baş katibi Ziyatdin İsmihanoğlu Kassanov,  DATÜB Baş katib müavini və Avrupa təmsilçisi Burhan Özkoşar, DATUB Baş katib müavini İlyas Doğan  və bir çox axısxa türkləri cəmiyyətlərinin rəhbərləri və üzvləri ilə  görüşüb. Q. Paşayeva Dünyanın hər yerindən Axıska türklərinin sürgünün 70-ci ildönümü ilə bağlı Türkiyəyə gəlmiş Axıska türkləri cəmiyyətlərinin rəhbərləri və üzvləri ilə görüşdən məmnun qaldığını bildirərək, onların doğma yurda dönüş üçün uzun illərdir apardıqları mübarizəni yaxından izlədiyini, çox çətinliklə də olsa əldə edilən bəzi nəticələrin yeni situasiya yaratdığını bildirib. Problemə beynəlxalq təşkilatlar səviyyəsində bəslənən münasibət, habelə Azərbaycan və Türkiyənin, eləcə də digər dost və qardaş respublikaların məsələyə münasibəti barədə fikir mübadiləsi aparılan görüşdə Gürcüstanın öz üzərinə götürdüyü beynəlxalq öhdəliklərdən və mövcud durumdan irəli gələn məsələlər barədə də danışılıb. Görüşdə Axıska türklərinin öz vətənlərinə dönüşü istiqamətində vəziyyət, görülən işlər, problemlərlə bağlı müzakirələr də aparılıb. Axıska türkləri təmsilçiləri AŞPA-da qəbul edilən bəzi sənədlərdə adlarının “mesxeti” kimi keçməsindən şikayətləniblər və bununla bağlı resmi düşüncələrini təşkilat rəhbərlərinə də çatdırdıqlarını deyərək əvvəlki sənədlərin bəzilərində adlarının “axısxa türkləri” olaraq keçdiyini və bunun bu cür işlədilməsinin doğru vəədalətli olsuğunu deyiblər. Axısxa türklərinin dönüşü istiqamətində gedən işlərdən,problem vəəngəllərdən danışan axısxa türkləri təmsilçiləri Azərbaycan dövlətinin, prezident İlham Əliyevin daim axısxa türklərinə göstərdiyi diqqət və qayğını böyük minnətdarlıqla vurğulayıblar. Onlar millət vəkili,Azərbaycan-Gürcüstan Parlamentlərarası dostluq qrupunun rəhbəri Qənirə Paşayeva axısxa türklərinə hər zaman əlindən gələn dəstəyi göstərdiyinə görə təşəkkür etməklə yanaşı bu istiqamətdə səylərini daha da atırmasını da xahiş ediblər. Siz  bizim qardaş-bacılarımızsınız deyən millət vəkili Qənirə Paşayeva  Azərbaycanın hər zaman onlara qucaq açaraq əlindən gələn dəstəyi göstərdiyini deyib.  Axısxa türklər bizim qardaş-bacılarımızdı və onların problemi bizim də problemimizdir deyən millət vəkili Qənirə Paşayeva bundan sonra da əlindən gələn dəstəyi hər zaman göstərəcəyini deyib. “ Azərbaycanda yaşayan  Axısxa türkləri  hər zaman Azərbaycana da bir vətən kimi yanaşıblar və Qarabağ müharibəsində şəhid olan axısxa türkü qardaşlarımız da var”-  deyən Q.Paşayevaya Axısxa Türkləri Cəmiyyətləri rəhbərləri və üzvləri  ən ağır anlarda Azərbaycanın ahıska türklərinə sığınacaq verdiyini və hər zaman dəstək göstərdiyini deyərək axısxa türklərinin bunu hər zaman şükranlıqla vurğuladıqlarını bildirib. ”. Millət vəkili Qənirə Paşayeva Axısxa Türkləri cəmiyyət, təşkilat və birliklərin rəhbərlərinə və üzvlərinə  Azərbaycan həqiqətlərinin, Qarabağ problemi, Xocalı Soyqırımını özündəəks etdirən kitabları,materialları hədiyyə edib. O, müəllifi olduğu kitabları,  həmçinin həmmüəllifi olduğub  və Türkiyə türkcəsində nəşr olunmuş “ Hocalı  Soykırımı tanıkların dilindən” kitabını və rəhbərlik etdiyi Avrasiya Beynlxalq Araşdırmalar İnstitutu İB-nın hazırladığı və içərisində Qarabağ həqiqətlərini, erməni yalanlarını əks etdirən sənədli filmlərin olduğu “Azərbaycan həqiqətləri” filmləri kataloqunu da onlara hədiyyə edib. Bundan başqa Azərbaycan tarixi,ədəbiyyatı və mədəniyyəti ilə bağlı kitab və materiallar, musiqi albomları da Axısxa Türkləri cəmiyyət, təşkilat və birliklərin rəhbərlərinə və üzvlərinə   hədiyyə olunub və onlara fəaliyyətlırində uğurlar dilənib.  Axısxa türklərinin dünynın bir sıra ölkələrndə çoxlu sayda yaşadıqlarını vurğulayan millət  vəkili Qənirə Paşayeva  bildirib ki, hər bir azərbaycanlı eyni zamanda axısxalı hər bir axısxalı da azərbaycanlı, Qarabağlı, Xocalılı olmalıdır və biz dünyanın hər yerinə səsimizi birlikdə çatdırmaqda, ədalətsizliklərə qarşı mübarizədə, haqlarımızı qorumaqda dünyanın harasında olursa olsun bir-birimizin yanında olmalıyıq. Dünyanın hər tərəfindən təşkilatlarımız birlik, bərabərlik içində fəaliyyət göstərməlidirlər ki, daha da güclü ola bilək və haqlarımızı yaxşı müdafiə edə bilək.  Görüşün sonunda millət vəkili Qənirə Paşayeva inşallah bu cür gözəl görüş və müzakirələri  gözəl Axısxada və Ermənistanıln işğalından azad edəcəyimiz o gözəl torpaqlarımızda, Dağlır Qarabağda da keçirə bilək deyib və bildirib ki, bunun üçün birlikdə və bərabərlik içində səylərimizi daha da artırmalıyıq. Millət vəkili Qənirə Paşayeva həmçinin  Axısxa türklərinin keçdiyi ızab-əziyyətli yollardan bəhs edən, məhşur  “Salkım Söğütlerin Gölgesinde” adlı kitabın müəllifi, Türkiyənin Eritreyadakı səfiri Fırat Sunel və Axısxa Türkləri ilə bağlı kitabların,"Üsyan" da dail olmaqla Axısxalıların acısını anladan şeirlərin müəllifi Mircevad Axısxalı  və bir sıra Axısxa kökənli tanınmış siyasətçi, yazar, şair və jurnalistlə də görüşüb və geniş fikir mübadiləsi aparılıb və millət vəkili Qənirə Paşayeva omları maraqlandıran sualları da cavablandırıb.