Cənubi Koreyada keçirilən XVII Asiya Oyunları inanılmaz olayla yadda qalıb. Apasport.az saytının məlumatına görə, sentyabrın 19-dan oktyabrın 4-dək davam edəcək yarışda Yaponiyanın qadın həndbolçuları tarixi zəfərlə yeni rekord müəyyənləşdiriblər.

 

Belə ki, Maldiv adalarının yığması ilə qarşılaşan yaponiyalılar rəqibi 79:0 (!) hesabı ilə məğlub ediblər. Onlar ilk hissəni 40:0 hesabı ilə xeyrinə bitiriblər ki, bu yarıda da rəqib qapıçı Əhməd Nehidha bir topu belə qaytara bilməyib.

 

Bu azmış kimi, 0:79 hesablı məğlubiyyətdən sonra Maldiv adalarının baş məşqçisi Abdulla Səlim yetirmələrinə haqq qazandırıb: “Fiziki cəhətdən yaxşı vəziyyətdə deyildik və bir neçə zədəlimiz vardı”.

 

Qeyd edək ki, ada ölkəsi tək həndbolda deyil, üzmə yarışlarında da öz “məharəti” ilə diqqət mərkəzinə düşüb. Onlar finişə rəqiblərindən çox gec çatmaqla, Asiya oyunlarında gülünc obyektinə çevriliblər.