Leyla Yunus və digər siyasi məhbusların Hüquqlarının Müdafiə Komitəsi bəyanat yayıb. Bəyanatda deyilir:
Avqust ayının 30-da Leyla Yunus və digər
siyasi məhbusların hüquqlarını müdafiə komitəsinin toplantısı keçirilmişdir.
Toplantıda hakimiyyətin repressiyaları davam etdirməsi, yeni həbslər keçirməsi
və vətəndaş cəmiyyəti fəallarına təqib edilməsi siyasəti pislənilmişdir. Orada
qeyd edilmişdir ki, ötən ilin 9 oktyabrında prezident seçkilərini total
saxtalaşdıraraq hakimiyyəti mənimsəmiş Əliyev rejimi öz iqtidarını qorumaq və
ömrünü uzatmaq üçün ictimai- siyasi fəallara qarşı total repressiyalar həyata
keçirməkdədir. Öz miqyasına və amansızlığına görə bu represiyyaları müstəbid
rejimlərdə həyata keçirilən təqib və zorakılıq aksiyaları ilə müqayisə etmək
olar.
Ölkədə həbs dalğasını davam etdirən Əliyev rejimi tanınmış jurnalist, “Azadlıq” qəzetinin şöbə müdiri, “Azərbaycan saatı” proqramının aparıcısı Seymur Həzini saxta ittihamla həbs etməklə azad mətbuatdan nə qədər qorxduğunu və dördüncü hakimiyyətə qarşı hansı səviyyədə patoloji nifrət bəslədiyini ortaya qoydu. Mətbuat cəmiyyətin aynasıdır. Mövcud iqtidar özünün kriminal, korrupsioner, qanunsuz, anti insani əməllərini görüb düzəltmək əvəzinə həmin aynanı sındırmaq, məhv etməklə məşğuldur. Biz hesab edirik ki, Seymur bəyin həbsi bir tərəfdən Milli Şuraya qarşı yönəlmişsə, digər tərəfdən öz fikrini, sözünü ifadə edən mətbuat nümayəndəsinin susdurulmasına yönəldilmişdir. Məlum olduğu kimi Seymur Həzi Azərbaycanda maraqla seyr edilən “Azərbaycan saatının” çox az əməkdaşılarından biri və əsas aparıcısıdır. Hakimiyyət orqanları bu telefeziyanın verlişlərinə müxtəlif yollarla, o cümlədən nəzarətində olan sputnik vasitəsi ilə mane olmağa dəfələrlə mane olsa da, lakin “Azərbaycan saatı” yenidən ölkənin problemlərini ekrana gətirə bilir. Belə olduqda hüquq mühafizə orqanları Murad Ədiliovun (“Azərbaycan saatı”nın digər aparıcısı Natiq Ədilovun qardaşı) narkotika əməliyyatından sonra Sehmur Həzini ekrandan təcrid etmək üçün daha iyrənc yola əl atmışdır. Öz savadı, təhsili, intellektual potensiyalı və mədəni səviyyəsi ilə çoxlarına nümunə olan Seymur bəy xuliqanlıq ittihamı ilə saxlanmışdır. Təəssüf ki, azadfikirliliyə qarşı belə qurama, saxta “əməliyyatlar” hazırlamaqla Azərbaycan hüquq mühafizə orqanları ölkə ictimaiyyətinin etimadını itirmiş, Azərbaycanın beynəlxalq imicinə ağır zərbə vurmuşdur.
Daxili İşlər Nazirliyinə rəsmi müraciətinə görə Ziyalılar Birliyinin sədri, Azərbaycan kino sənətinin inkişafında mühüm xidmətləri olan Eldəniz Quliyev sözü gedən nazirliyin rəhbəri Ramil Usubov tərəfindən vəzifəli şəxslərin etik davranış qaydalarına zidd zidd olaraq məhkəməyə verilib. Bu addımın özü göstərir ki, hakimiyyət təkcə Anar Məmmədlinin timsalında QHT rəhbərlərini, “NİDA”- çıların simasında gəncləri, İntiqam Əliyev nümunəsində hüquq müdafiəçilərini, Leyla xanımın şəxsində qadınları deyil, Eldəniz Quliyevə münasibətdə ziyalıları və bütün cəmiyyəti susdurmaq istəyir. Ölkədə bir başqa formada 1937- ci il repressiyalarını bərpa etməyə cəhd göstərir. Halbuki, bir nazir kimi cənab Usubovun borcu idi ki, Eldəniz Quliyev tərəfindən nazirin tabeçiliyindəki olan xidmət sahəsi haqqında səsləndirilən fikir mülahizələrə diqqətlə yanaşsın və Yol Polisi Xidmətində vətəndaşların addımbaşı rast gəldiyi nöqsanların aradan qaldırılması istiqamətində əməli tədbirlər görsün. Vəzifəli şəxs kimi Ramil Usubovun bu addımı vətəndaşlar tərəfindən daxili işlər orqanlarının ünvanına səsləndirilən tənqidi fikirləri boğmaq və bu iddiada olan insanları çəkindirmək cəhdidir.
Təəssüf doğuran haldır ki, rejim öz rəqiblərinə
qarşı sərgilədiyi qanunsuz mübarizəni qeyri- sivil, anti bəşəri metodlardan
istifadə edərək aparır. Milli Şuranın Mətbuat Xidmətinin rəhbəri, hüquq müdafiəçisi
Oqtay Gülalıyevin az yaşlı oğulu haqqında AR CM- nin 221.1- ci maddəsi ilə
cinayət işi açıb, iş materiallarını məhkəməyə göndərmək deyilənlərə misaldır.
Maraqlıdır ki, 1 il öncə 2013- cü il sentyabrında naməlum şəkildə bir qrup tərəfindən
vəhşicəsinə döyülüb bıçaqlanaraq ölümdən dönən məktəbli Əli Gülalıyev zərərçəkmiş
şəxs qismindən sonradan təqsirləndirilən şəxsə “çevrilir”. Cinayət işinin
istintaqının “şikayət”-dən 1 ildən sonra bir başa Bakı şəhər Baş Polis İdarəsinin
Ağır Cinayətlər şöbəsinin aparması prosesin qurama və sifarişli olduğunu ortaya
qoyan məqamlardandır.
Həbsdə olan siyasi məhbusların
hüquqlarının qorunması ilə məşğul olan Leyla Yunus və digər siyasi məhbusların
Hüquqlarını Müdafiə Komitəsi bir daha mətbuat nümayəndələrinə, ictimai siyasi fəallara
qarşı həyata keçirilən repressiyaları qətiyyətlə pisləyir, bu siyasətin dayandırılmasını
və həbsdə olan bütün siyasi məhbusların qeyd- şərtsiz azad olunmasını tələb
edir.
Azadliq.info