İTV-nin baş direktoru Cəmil Quliyev haqqında şok iddia...

“Bu halda respublikaşılar öz mövqelərini itirəcək...- Güclü İsrail lobbiçilərinin təzyiqi ilə...”

Putunin keçmiş həyat yoldaşının Fransadakı villasına həbs qoyulub

Bərdədə ağır yol qəzası baş verib

"İran Qərb üçün təhlükəli nüvə savaşına hazırlaşır" - "The Telegraph"

"Gürcüstanda xarici agentlər haqqında qanunun qəbulu Qərbə sərfəli deyil" - "Yunge Welt"

"Məsləhətiniz üçün sağ olun, amma qərarları biz özümüz qəbul edirik" - Netanyahu

Budanov Rusiya üçün yaxın aylarda "sürprizlər" vəd edib

AŞPA Rusiya prezidenti Vladimir Putini qeyri-legitim elan edib

İTV-nin baş direktoru Cəmil Quliyev haqqında şok iddia...

Gündəm

Oxunub: 3266

16 Jul 2014 | 15:59

İTV-nin baş direktoru Cəmil Quliyev haqqında şok iddia...

İctimai Televiziyanın nəzdində sənədli, tarixi-sənədli və digər müxtəlif səpgili filmlərin istehsalı ilə məşğul olan “Carçı film” yaradıcılıq birliyi ətrafında qalmaqal yaranıb.
Aktual.az-ın əldə etdiyi məlumata görə, vaxtilə "Carçı film”in ərsəyə gətirdiyi ekran əsərlərində əməyi keçmiş yaradıcı və texniki heyət İctimai Televiziya və Radio Yayımları Şirkətinin baş direktoru Cəmil Quliyevin qoyduğu qadağanın qurbanına çevriliblər. C.Quliyev İTV-nin özündən əvvəlki tarixini silməyə cəhd edərək bu televiziyanın təkcə öz adıyla bağlanmasını istəyir.
Telekanaldan Aktual.az-a verilən məlumata görə, Azərbaycan Televiziya və Radio Verilişləri Qapalı Səhmdar Cəmiyyətinin sədri Arif Alışanovun təsir dairəsində olan Cəmil Quliyev keçmiş rəhbərliyin dövründə çəkilən bədii, sənədli və televiziya filmlərinin ekrana çıxarılmasını yasaqlayıb. Məlumatda o da bildirilir ki, baş direktor daha da irəli gedərək arxivdə olan bəzi filmlərin silinməsi haqqında göstəriş verib. Bu isə ekran əsərlərində əməyi keçmiş yaradıcı və texniki heyətin qəzəbinə səbəb olub. Nəzərə alsaq ki, keçmiş rəhbərliyin dövründə "Carçı film" yaradıcılıq birliyində 600-dən çox bədii, sənədli və televiziya filmi çəkilib və bu filmlərə dövlət tərəfindən külli miqdarda maliyyə vəsaiti ayrılıb - o zaman Cəmil Quliyevin vəzifə səlahiyyətlərindən sui-istifadə edərək dövlətin ayırdığı külli miqdarda maliyyə vəsaitini israf etdiyini görmüş olarıq.
Mövzu ilə əlaqədar Milli Televiziya və Radio Şurasının sədri Nuşirəvan Məhərrəmli ilə əlaqə saxladıq.
MTRŞ sədri Aktual.az-a bildirdi ki, İctimai Televiziya ayrıca qanunla öz fəaliyyətini qurur:
"İTV üzrə ayrıca qanun və yayım şurası var. Yəni onların peşə fəaliyyəti, yaradıcılıq işləri ilə onlar məşğuldular. Doğrusu, o proseslərin içində deyiləm. Ona görə də sualı onlara versəz daha doğru olar".
İctimai Televiziyanın Yayım Şurasının sədri Cahangir Məmmədli isə ənənəsinə sadiq qalaraq ona ünvanlanan suala belə cavab verdi: "5 dəqiqəyə zəng edin, suallarınızı cavablayım". Deyilən vaxtdan sonra dəfələrlə əlaqə yaratmağımıza baxmayaraq Yayım Şurasının sədri zənglərimizi cavabsız qoydu (C.Quliyevin ona danışmaq yasağı qoyduğu barədə məlumat vermişdik - İ.).
Yayım Şurasının üzvü, millət vəkili Fuad Muradov sualımıza cavab olaraq dedi ki, belə məsələlər telefonla həll olunmur: "Siz mətbuat xidmətimlə əlaqə yaradın və sualınızı ona ünvanlayın. Mən də sualınıza cavab verəcəm".
Millət vəkilinin tövsiyyəsinə əməl etsək də, gün ərzində istədiyimiz cavabı ala bilmədik.
Yayım Şurasının digər üzvləri ilə əlaqə yaratmaq cəhdimiz baş tutmadı.
Media eksperti Qulu Məhərrəmli hesab edir ki, təxminən 15-20 ildir televiziyalarda bu ənənə var:
"Yeni sədr gəlir, köhnə sədrin vaxtında çəkilən bütün maraqlı işləri kənara qoyur. Ã–zləri heç nə yarada bilmirlər, amma əvvəllər çəkilmiş sənət əsərlərini ekran üzünə həsrət qoyurlar. Bu, adətən sənədli filmlərdə, tamaşalarda belə olur. Yəni biz başa düşməliyik ki, bu məsələlərin yaradıcılığa heç bir aidiyyatı yoxdur. Yəni mən özüm də bu məsələlərdən zərər çəkən adamam. AZTV-də vaxtilə bir neçə sənədli filmlərin müəllifi olmuşam, o cümlədən, Rövşən Almuradlı ilə "Qobustan" kimi məşhur sənədli filmimiz var idi. İndi o cür filmləri göstərmirlər və ya göstərəndə də sonda titrlərdə adları yığışdırırlar. Mən qanuni tərəfləri bir yana qoyuram, amma bu məsələnin bir əxlaq, etika tərəfi var. Əlbəttə bu, arzuolunmazdır! Məsələn, vaxtilə AZTV-də Babək Hüseynoğlunun zamanında 20-dən çox tamaşa çəkilib. Onların bir qisminin rejissorları tanınan adamlardı, amma bu və ya başqa formada o adamlar cəmiyyətdə öz mövqelərini sərbəst şəkildə ifadə edirlər. Elə buna görə onların filmləri göstərilmir. Və yaxud Rüstəm İbrahimbəyovun filmləri göstərilmir. Bu fəlakətdir! Bilirsiz, onsuz da biz filmlərdə, tamaşalarda axsayırıq və üstəgəl, bu cür hazır çəkilmiş səhnə əsərlərini, ekran əsərlərini yığışdıranda biz tamamilə çılpaq vəziyyətdə görünürük".
Qulu Məhərrəmli həmçinin bildirib ki, bu xəstəlikdir və İTV-də bunu tətbiq edənlər də həmin xəstəliyin, virusun daşıyıcılarıdır:
"Əgər ekran əsərləri sənət meyarları ilə çəkilibsə, o tamaşa, o ekran əsərinə heç kimin istəyindən asılı olmayaraq televiziyada həmişə yer olmalıdır. Təəssüf ki, bizdə yeni sədrlər gələn kimi, birdən-birə məşhur ssenari müəllifləri ola bilirlərmiş. Bunlar çox gülməlidir. Vaxtilə Nizami Xudiyev də bu addımı atmışdı, İndi Arif Alışanov da bu addımı atır. Təəssüf ki, özü yaradıcı adam olan Cəmil Quliyev də bu oyunlara gedir".