Tarixçi alim Dilavər Əzimli eks-spiker Rəsul Quliyevin açıqlamasına cavab verib. Moderator.az xəbər verir ki, açıqlamasında R.Quliyevdən üzr istəməsi üçün heç bir səbəb olmadığını bildirən D.Əzimli Şah İsmayıl məsələsində yenə də öz mövqeyində qaldığını və haqlı olduğunu açıq debatda da isbatlamağa hazır olduğunu bildirib:
“Rəsul Quliyev yazır ki, mən ondan üzr istəməliyəm. Düzü bu, mənə çatmadı. Çünki mən ona qarşı təhqiredici söz işlətməmişəm. Elm aləmində isə bu adi bir şeydir. Kim hansı sahədən uzaqdırsa, ona deyirlər ki, öz sahənizlə məşğul olun. Mən də Rəsul Quliyevə onu məsləhət görmüşəm. Bir də cox adam onun kimi Şah İsmayıla çamurlar yaxıb. Sonda uduzub. Şünki Şah İsmayıl bu millətin qeyrət məsələsidir. Şah İsmayıl Bütöv Azərbaycan deməkdir. Onu İran şahı adlandırmaq tarixdən xəbərsiz olmaq deməkdir. İran coğrafi ərazi kimi indiki Əfqanıstanı, Pakistanın bir hissəsini və indiki İranın bir qismini əhatə edib. İran siyasi termin kimi 1936-cı ildən işlənir. Səfəvi mənbələrində İran adı coğrafi ad kimi cəmi 12 dəfə keçir. Ona görə də Şah İsmayıla İran şahı demək bir qədər gülünclükdür. Düzdü, İran da farsın deyil. Amma Şah İsmayıl haqqımda "Əhsənüt təvarix" əsərində məlumat verən Həsən bəy Rumlu göstərir ki, Şah İsmayılın Təbrizə girişi ilə ruh canla birləşdi. O, Azərbaycan məmləkətinin şahı oldu. Rəsul müəllim deyir ki, dünyanın bütün kitabxanalarında onun dedyi kimi yazılıb. Elə deyil, Rəsul müəllim. Kembric, Sorbona kimi məşhur Universitetlərin, o cümlədən ABŞ-ın buraxdığı tarixə aid kitablarda Şah İsmayıldan bir türk kimi söz açılır və Azərbaycan ərazilərindən danışılır. Məsələn, Kembricin buraxdığı çoxcildlik "Kembricin İran tarixi" kitabının 5-ci cildində Şah İsmayıldan türk kim söhbət açılır. Rəsul müəllim, Şah İsmayıl İslamı parçalamadı. İslam İslam peyğəmbərinin vəfatından sonra parçalandı. Sizin düşündüyünüz bütöv İslam yalnız xəyallarda idi. Əməvilərin dövründə İslammı var idi? Abbasilərin dövründə İslammı var idi. Ondan sonra İslammı var idi? Bəs onda Qazan xanın xələfi Olcaytu nəyə görə cəfəriliyi qəbul etdi? Rəsul müəllim, burada söhbət Əhli-beytdən gedir. Orta əsr mənbələrində sünni-şiə sözü keçmir. İslam peyğəmbərinin vəfatından sonra İslamda nizam pozuldu. Onda düşünürdülər ki, bu nizamı yalnız Əhli-beytdən olanlar bərpa edə bilər. Onda da Əhli-beyt tərəfdarları meydana çıxdı. Bütün orta əsrlər boyu üsyanlar davam edir. Bu üsyanlar dövrün haqsızlıqlarına qarşı yönəlmişdi. Bunun günahını da Əhli-beytdən olanların hakimiyyətdən uzqalaşdırılmasında görürdülər. Şah İsmayıl dövründə də onlar Şahla birləşdilər. Amma Şah İsmayıla şiə demək olmaz. O, tam bir sufi idi. Baş Qızılbaş idi. Qızılbaşlıq haqqında dəyərli tədqiqatlar aparan İren Melikova və Fuad Köprülüzadə yazırlar ki, Qızılbaşlıq türkmən sistemidir və türkçülüyə söykənir. Özü də Şah İsamayıl pir idi. Sufinin şiəsi, sünnisi olmur. Ona Türkistanın piri deyirdilər. Siz bu günlərdə Kembric Universiteti tərəfindən buraxılan Rudi Mattheenin kitabını oxuyun. O, yazır ki, Şah İsmayıla İran dövlətinin başçısı demək gülünclükdür. Çünki Səfəvilər Türk-Moğol sisteminin varisləri idilər və bir türk imperiyası qurmuşdular. Şah İsmayıla qarşı ilk çıxan Mazandaran şiələri oldu. Onlarla qanlı döyüş baş verdi. Şah İsmayılım zamanında şəriətin ehkamlarını işləmək üçün Ərəbistandan şiə alimləri gəldilər. Görüş Həmədanda, sonra da Sultaniyyədə oldu. Şah İsmayıl onların dediklərini qəbul etmədi. Çünki sufi idi. O, yenidən şəriətə qayıda bilməzdi. Şah İsmayıl türk dünyasını parçalamadı. Əksinə, birləşdirdi. Əgər o zaman Şərqi Anadolu Səfəvilərin əliində qalsaydı, bu gün Türkiyədə kürd problemi olmayacaqdı. Bunu Faruq Sümer yazır. Bir də mən nəyə görə sizdən üzr istəməliyəm. İstəyirsinizsə debata çıxaq. Sadəcə olaraq, bir düşünün, siz o dövrü bilə bilməzsiniz. Məni savadsızlıqda ittiham edirsiniz. Amma mən demədim ki, siz savadsızsınız. Dedim ki, öz işininizlə məşğul olun. Şah İsmayıl sizlik deyil. Mənə tarix üzrə fəlsəfə doktorunu Azərbaycan Ali Attestasiya Komissiyası verib. İyirmi il tədqiqat aparmışam. Başqaları kimi atamın imkanları olmayıb. Yariac, yarıtox yaşayıb elm öyrənmişəm. Mənbələrə baxmaqdan gözlərimin işığı azalıb. Başqaları kimi kiməsə məqalə, kitab yazdırmamışam. Hamı bizləri yaxşı tanıyır. Elə bir imkanlı qohumum da yoxdur ki, irəli çəksin. Öz biliyimlə bunlara nail olmuşam. Dünyanın bir çox ölkələrində konfransalara dəvət edirlər. Şah İsmayıl haqqında oralarda da belə danışıram. Qəribədir ki, mütəxəssislər qəbul edir, amma sizin kimi mütəxssis olmayanlar ittiham edir. Bir də unutmayın ki, bu xalqın Şah İsmayıla sevgisi genetikdir. Onu qəlblərdən çıxarmaq mümkün deyildir. Xalq öz oğullarını seviir. XX əsrdə belə oğullardan biri də Məhəmməd Əmin Rəsulzadədir. Gəlin öz qəhrəmanlarımıza, tarixi şəxsiyyətlərimizə çamurlar atmayaq! Allah bizi bağışlamaz!”
Seymur Əliyev