Mingəçevirdən Gülər Nəbiyeva adlı bir oxucumuz Moderator.az-a şikayət məktubu, daha doğrusu, daxili işlər naziri Ramil Usubova müraciət göndərib. Xatırladaq ki, Gülər xanımın xahişi ilə saytımızın əməkdaşı bir ay öncə hörmətli nazir Göyçayda əhalini qəbul edəndə də həmin rayona ezam olunmuş, görüşsonrası şikayətçinin təəssüratlarını öyrənmişdi:

  Yazıb Sizə bildirirəm ki, mən Göycayda  Sizin qəbulunuzda olub yaşadığımız binanın qarşısındakı maqazinimin 4 ayda 2 dəfə yarıldığı və Mingəçevir şəhər polis şobəsində bu cinayətin gizlədildiyi haqda məlumat verdim . Sizdən  oğurlanan malların pulunun geri qaytarılmasına kömək edilməsini xahiş etdim.  Cünki oğruların tutulub sonradan buraxıldığını bilirdim. Polis rəisi Ələsgər Bədəlov oğruları tutdursa da sonradan bəhanə ilə buraxdırmışıdı, səbəbini də mənə bu cür izah etmişdi ki, sübuta yetirilmədi. Sizin qəbulunuza yazılmaq istəyərkən min cür bəhanə gətirib buna mane olmaq istədilər, rəis məni çağırıb şikayət etməkdən çəkindirmək istədi. Açılmayan cinayətlərin cox olduğunu,   bunun da onlardan biri olduğunu qeyd etdi. Min bir əziyyətlə  Bakıya zəng edib borcum olduğunu və qəbula salınmayacağım halda özümü yandıracağımı dedikdən sonra məni Sizin qəbula saldılar . Amma maraqlı budur kı,bir gün qəbuldan əvvəlkı dediklərinin əksinə olaraq  Mingəçevirin rəisi  Sizi qəbulda aldadaraq  yanınızda oğrulara  ev dustaqlığı verdiyini dedi. Siz ona oğruları təcili  həbs etməyi tapşırsanız da o Sizin tapşırığınıza yenə məhəl qoymadı, buna görə də mənə ziyan vurmuş bu şəxslər Mİngəçevirdə rəisin himayəsi hesabına əl-qollarını sallayaraq rahatca gəzirlər. Mənım malımı yedikləri bəs deyil, adama acıq verirlər belə. Mən borcun icindəyəm. Son ümüdüm Sizə idi .Rəis sizin də tapşırığınızı  yerinə yetirmədi.Özümü öldürmək dərəcəsınə çatmışam. Əgər bu məktubuma  da  baxılmasa və mallarımı qaytarıb oğrular tutulmasa, Daxili İşlər Nazirliyinin qarşısında benzin töküb özümü yandıracam.