“Ölkədə maliyyə durumu və məmurların münasibəti müəyyənləşdirlməlidir”. Bunu Moderator.az-a açıqlamasında eks müdafiə naziri Rəhim Qazıyev deyib. Onun sözlərinə görə, mal-mülk, villa sahibi olan hər kimsə “vedomosta” imza atıb, lap 50 min manat olsa belə o villaları tikdirə bilməz:
“Bu hamının gözü qarşısında baş verir və bunu hamı görür, dərk edir. O günlərdə hansısa məmur balasınının 240 min avroya aldığı qol saatının pulunu mən 150 il aldığım pensiyanı heç yerə xərcləmədən toplaya bilərəm. Bunlar simasız quldurlardır. Dövlət başçısı da xala xətrin qalmasın deyə bir-iki nəfərin adını çəkir və deyir ki, mən bunları bilirəm və həmin şəxsləri vəzifədən atmaqla hədələyir. Bununla da onların mənimsədikləri bağlanır. Hələ yaxşıdır onlar bizi minib sürmürlər. Hər hansısa bir genrral imza atır və 10-15 min məvacib alır. İndi gəlin baxın bu generalın neçə villası var? O haradan alır o villaları? Dövlət nə qədər bu cür məsələrə biganə yanaşacaqsa, bu məsələ öz həllini tapmayacaq. Əliyevin zamanında, əsgərlərə heyvanklar üçün hazırlanmış konserva verilirdi. Həmin məmurların bir villasının işlətdiyi işığı adi bir ailə nə qədər zamana işlədir? Bir gül bayramına “Azadlıq” qəzeti yazır ki, 70 milyon manat pul xərclənir. Bu maddi vəsaitə düz 70 min ailəyə, 1000 manat qədərində bir dəfəlik yardım deməkdir. Görün belə olsaydı nə qədər ailəyə yardım olunardı. İndi Gül bayramını rayonlarda da dəbə salıblar. Bizim fikrimiz baykot etmək deyil. Mən nazir olmağıma baxmayaraq, deputat olmağıma baxmayaraq bu gün nə az nə çox - 165 nmanat təqaüd alıram. Fürsətdən istifadə edib ki, son vaxtlarda təqaüdümü 1 manat 20 qəpik artırdığına görə, prezidentimizə də təşəkkürümü bildirəm. Belə ölkə olmaz. Bura sahibsiz kolxozdur! Çox təəsüflər olsun ki, bu gün özlərindən razı olan siyasi partiyalar olan, “Ana müxalifət”, “Ata müxalifət”, “Baba müxalifət” kimiləri öz sözlərini deyə bilmirlər. Onlar seçkidən-seçkiyə bir-biriləri ilə didişməkdən başqa heç nə bilmirlər. Müxalifət bu deyil. Əsl müxalifət bütün problemləri konstruktiv şəkildə ölkə başçısına bildirməlidir. Lakin bu gün, dövlət başçısına problemləri açıqlayan və onu məlumatlandıran adam yoxdur. Ona görə də biz bu gündəyik”.