Moderator.az-a Göygöl rayon Hacı Məlik qəsəbəsinin 1 saylı tam orta məktəbinin riyaziyyat müəlliməsi tərəfindən məktəbdə baş verən korrupsiya və özbaşınalaıqlardan bəhs edən müraciət daxil olub. Müraciət sahibi 11 mart 2014-cü il tarixdə təhsil naziri Mikayıl Cabbarovun Goranboy rayonunda vətəndaşlarla görüşündə iştirak edib.
Goranboy görüşündə nazirin verdyi göstəriş əsasında təhsil nazirliyinin bir qrup əməkdaşı deyilən faktları üzə də çıxarıb. Məhz bu günə kimi aparılan yoxlamanın nəticəsi olaraq korrupsiya faktları hələdə prokuorluq orqanına göndərilməsi ləngidilir.
Qərənfil Qasımova təhsildə baş verən özbaşınalıqlardan yuxarı instansiyalara müraciət etdiyi üçün Göygöl rayon İcra başçısı Arif Seyidov tərəfindən hədələrə məruz qalaraq hətta şəxsi işinə töhmət verildiyinidə bildirir. Ötən il Göygöl rayonu Texniki-Təbiət fənnləri təmayüllü liseyin keçmiş direktor müavini Pərvanə Tağıyevanın təqdim etdiyi məlumatlar əsasında Göygöl rayon icra başçısı Arif Seyidovun yaxın qohumu, liseyin direktoru Fəxri İsmayılovu Korrupsiyaya Qarşı Mübarizə İdarəsinin əməkdaşları tərəfindən həbs edilib. Hal-hazırda Göygöl Rayon Təhsil Şöbəsinin müdiri Elbrus Atayev barəsində də dövlət orqanlarına külli miqdarda şikayət ərizələrinin göndərilib. Sabir Məmmədov adlı əməkdar müəllim baş prokurora ünvanlanan şikayət ərizəsində yazıb ki, Elbrus Atayev 1 saylı orta məktəbə 35 nəfərdən çox müəllimi rüşvət alaraq işə götürüb. Həmin müəlllimlərə isə 6-8 saat dərs verilib. Sabir müəllim Göygöl RTŞ-nin müdiri Elbrus Atayevin qanunsuz əməllərini ifşa edən bir sıra əlavə faktları da təqdim edib. Məsələn, S.Məmmədov yazır:
“Elbrus Atayev 2012-2013-cü tədris ilinin başlanğıcında Gəncə şəhəri 16 saylı orta məktəbdə işləyən Gülər adlı müəlliməni Göygöl rayon Quşqara kənd orta məktəbinə direktor təyin edib. Çox təəccüblüdür ki, Gəncə şəhərində 4 mindən, Göygöl rayonunda 2 mindən çox müəllim işlədiyi halda niyə məhz Gülər xanım Elbrus Atayevin diqqətini cəlb edib?”
Qeyd edək ki, Sabir müəllimin təqdim etdiyi məlumatlarda E.Atayevin törətdiyi çeşidli saxtakarlıqların həyata keçirilməsində ona yaxından yardım edən şəxslərdən biri kimi də Göygöl şəhəri 4 saylı tam orta məktəbin direktoru Ayişə İsgəndərovanın adı çəkilir. Xəbər verildiyi kimi, Korrupsiyaya Qarşı Mübarizə İdarəsi tərəfindən Fəxri İsmayılovun korrupsiya ittihamı ilə həbs edilməsindən sonra Elbrus Atayev istintaqın gedişinə müdaxilə etmək məqsədilə Texniki-Təbiət fənnləri təmayüllü liseyin “ölü canlar” siyahısında təmizləmə işlərinə başlanıb. Adları həmin siyahıda olan müəllimlərin bir qismi, Hüsniyyə Əliyeva, İradə Hacıyeva, Lalə Tanrıverdiyeva, Çinarə Hüseynova təcili olaraq işdən azad edilmiş, digərləri isə, Çimnaz Həsənova və başqaları əksinə, “iş yerinə” çağırılaraq müvafiq formada təlimatlandırılıb. Bu təlimatlara əsasən “ölü canlar” istintaqa liseydə guya ki, həqiqətən dərs demələri və maaşlarının da özlərinin aldıqları barədə yalan ifadələr verməli idilər. Həmin təlimatları müəllimlər Təhsil Şöbəsinin metodisti Cəmilə Vəliyeva və Seymur adlı digər bir əməkdaşdan alırlar. Bundan başqa isə Elbrus Atayev rayonda fəaliyyət göstərən məktəb direktorlarından 2000 manat pul tələb edir. Bu barədə məlumatı mətbuata rayonun orta məktəblərindən birinin direktoru verib. Qeyd olunur ki, təhsil şöbəsinin rəhbəri bu tələbi Fəxri İsmayılovun “işinin bağlanması” məqsədi ilə əsaslandırıb. Təhsil şöbəsinin rəhbəri 2000 manat tələb etdiyi direktorlar qarşısında başqa şərt də qoyub. Belə ki, Elbrus Atayev bu pulun müəllimlərdən yığılmamasını direktorlara tapşırıb. Bildirib ki, müəlimlərdən pulun yığılması rayonda arzuolunmaz narazılığa səbəb ola bilər. Ona görə də direktorlar bu məbləği öz ciblərindən ödəməlidir. Bununla belə əksər məktəb direktorları bu tələbə əməl etməyəcəklərini artıq bəyan ediblər. Son olaraq vurğulmaq istəyirik ki, Elbrus Atayev kimiləri rayonlarda təhsil şöbələrini öz “dədə mal”ı kimi şəxsi biznes mənbələrinə çeviriblər. Atayevin bu misilsiz korrupsiya “oyunlarında” istiqamətləndirən və himayə edən əsas şəxs görəssən kimdir? Rayonların əksəriyyətində icra başçıları təhsil şöbələrinə “ardımçı təsərrüfat “ kimi baxırlar. Əgər bu belə deyilsə hər gün bir rayonun təhsil şöbəsinin əməkdaşı Korrupsiya Qarşı Mübarizə İdarəsinin əməkdaşları tərəfindən qandallanmazdı. Göygöl Rayon İcra Hakimiyyətinin başçısı Arif Seyidov 10 ildən çoxdur ki, rayonu bütün sferalarda inkişafına böyük zərbə vurmaqla korrupsiya qarşı mübarizədə dövlətin strategiyasına heç bir töhvə verməyib. Hacıməlik qəsəbə 1 saylı tam orta məktəbin direktoru Tağıyev İmran Əli oğlunun qanunsuz hərəkətləri barəsində rayon icra başçısı Arif Seyidova çoxsaylı şikyaətlər edilsə də heç bir tədbir görülmür. Əksinə, şikayətçilər cəzalandırılır. Pedoqoji kollektiv təhsildə baş verən özbaşınalıqların aradan qaldırılması üçün sona kimi mübarizələrini davam etdirəcəklərini bildirirlər.
