Moderator.az xəbər verir ki, 26 aprel 2014-cü il tarixində Borçalı Cəmiyyəti Gənclər Təşkilatının təşəbbüsü və təşkilatçılığı, eyni zamanda, Borçalı Cəmiyyəti rəhbərliyinin dəstəyi ilə Gürcüstan əsilli (Borçalı) tələbə və gənclərin forumu keçirilib.
Forumda Azərbaycanda təhsil alan Borçalı əsilli tələbələr, bir sıra Gənclər Təşkilatlarının nümayəndələri iştirak edib. Forumu giriş sözü ilə Borçalı Cəmiyyəti Gənclər Təşkilatının Sədri Alı Adıgözəl açmışdır. Alı bəy mövzu ətrafında geniş və ətraflı çıxış edib. O, Azərbaycanda təhsil alan Borçalı gənclərinin gələcəkdə iqtisadi prespektivlərinin Gürcüstanda davam etdirilməsinin əhəmiyyətini çatdırmış və bu istiqamətdə təkliflərini irəli sürüb. Daha sonra Borçalı Cəmiyyətinin Sədri Zəlimxan Məmmədli çıxış edib. O, çıxışda bir neçə məqama toxunub:
“Dəyərli gənclik, bəylər və xanımlar.
Bu günkü məclis mənim sizing yaşda olan vaxtlarımı xatırlatdı. Nastalji duyğular yaratdı.
Bir zamanlar əksəriyyət üçün əlçatmaz kimi görünən istiqlalımız, bayrağımız, gürbimiz, himnimiz, öz milli ordumuz, valyutamız, milli dövlət dilimiz üçün vuruşur, bu İDEALLARIMIZ üçün hər şeyi, gərəkərsə can da verməyə hazır idik.
Çətin və olduğu qədər də şərəfli olan milli dava yolu o vaxtkı ideallarımızı gerçəkliyə çevirdi, bu dəyərlərin hamının olmasına gətirib bçıxardı.Bu yolda minlərlə şəhid verdik, amma usanmadıq.
Yeni ideallarımız üçün mübarizəyə səfərbər olunduq ”“ BÜTÖVLÜK və DEMOKRATİYA uğrunda mübarizə başladı.Bu bgün ndə ağır şərtlər altında bu mübarizəmiz davam edir.Bu gün bütünn atributları ilə müstəqil dövlətimiz var. Bu qürur yerimizdir.Dövlətlər içərisində dövlətimizin də adı var.
O vaxtkı ideallarımız uğrunda mübarizədə meydanlarda hayqıran ”“ quran, düşmənləri qorxuya salan, bayrağımızı ucaldan gəncliyimiz var idi. Keçmişimizə görə gəncliyimizə təşəkkür edir, o şərəfli tarixi yazan gəncliyimizlə gəncliyimizlə fəxr edirəm. Şəxsim olaraq o tarixdə doğulduğum və mübarizə əszmim olduğuna görə çox məmnunam.
Bu günkü ideallarımız sırasına çağdaş TURANÇILIQ da əlavə olunmuşdur. Turançılıq indiki zamanda fiziki anlamdan daha çox ruhani, mənəvi anlamda qavranılmalıdır.
Şərtlər nə qədər ağır olsa da sizlər genetik quruluşumuza və tarixi məsuliyyətimizə uyğun olaraq mübarizə meydanlarındasınız.Bu ideallarımızın gerçəkləşməsində gəncliyin avanqard olmasına şübhəmiz yoxdur. Sizlərə bu yolda uğurlar arzulayıdr və sizinlə qürur duyuram.
İdeallar yoxdursa mübarizə yoxdur, mübarizə yoxdursa həyat çox məzmunsuzdur.
Təbii ki, sizi mübarizəyə dəvət edəcəm. Haqlı olacaq bunu edirəm. Niyə? Çünki sizləri gələcəyimizin şəxsiyyətləri, qürur mənbəyi kimi görmək istəyirəm. Çünkü sizə ghüvənirik. Çünki sizin mübarizliyiniz olmasa QALİBİYYƏTİMİZ çətin olar.
Sizlərə, sizing timsalınızda Borçalı türk gəncliyinə səslənirəm. MÜBARİZ OLUN, AZAD OLUN, ELMLİ OLUN, İMANLI OLUN, IRADƏLİ OLUN, AÄžILLI OLUN!
BU KEYFİYYƏTLƏRƏ SAHİBLƏNƏN MİLLƏT MƏÄžLUBEDİLMƏZDİR.
“Borçalı” Cəmiyyəti Gənclər Təşkilatının İdarə Heyətinin üzvü Nadir Məmmədli çıxış edərək mövzunun aktuallığını qeyd etmiş və “Borçalı” Cəmiyyətinin hazırladığı “Azərbaycanda təhsil alan Gürcüstan vətəndaşı olan tələbələrlə iş üzrə Dövlət Proqramı”nı forum iştirakçılarına çatdırmışdır. BCGT-nin İH-üzvü Vadim Məmmədli Azərbaycanda təhsil alıb, Gürcüstana qayıdan gənc kadrların sosial müdafiəsi proqramınıforum iştirakçılarına çatdırmışdır. Daha sonra forumda Borçalı Cəmiyyəti İH üzvü Dilan bəy, Rəşad Çobanov, İqtisad Universitetinin tələbəsi Emil bəy, Koperasiya Universitetinin tələbəsi Qara Əhmədov, Miliyyətçi Gənclər Təşlilatının üzvü Yusif bəy, Güney Azərbaycandan Atilla bəy mövzu ətrafında öz fikirlərini təkliflərlə çıxış etmişdir. Forum qarşılıqlı müzakirələr, debat şəklində davam etdirilmiş və sonda Borçalı türk tələbə və gənclərinin I forumunun yekun tövsiyyələri qəbul olunmuşdur.
Borçalı türk tələbə və gənclərinin I forumunun yekun tövsiyyələri
Borçalı Cəmiyyəti Gənclər Təşkilatının təşəbbüsü və təşkilatçılığı, eyni zamanda, Borçalı Cəmiyyəti rəhbərliyinin dəstəyi ilə baş tutan Gürcüstan əsilli (Borçalı) tələbə və gənclərin forumu Gürcüstan Azərbaycan münasibətlərində gənclərin yeri və rolu mövzusunda dinləmələri apararaq tələbə və gənclərin çağdaş zamanımızda milli maraqlarımızı təhdid hallarinin çoxluğu reallığına uyğun olaraq səylərinin birləşdirilməsini, Gürcüstanda pedoqoji kadrlara ehtiyacın zəruriliyini dərk edərək, iki dövlət və xalq arasında strateji tərəfdaşlığın daha dolğun məzmun almasını vacib hesab etməklə, aşağıdakı məsələlərin həlli istiqamətində təxirəsalınmaz addımlar atılmasını vacib hesab edir:
1. Təhsilini bitirdikdən sonra Gürcüstana dönmək istəyən tələbələrlə dövlət arasında öhdəliklərin müəyyən edilməsini, Gürcüstan vətəndaşı olan tələbələrin ödənişli təhsildən azad edilməsi və dövlət tərəfindən yataqla təmin edilməsini;
2. Kadr kimi Gürcüstana dönmək istəyən gənc mütəxəsislərin işlə təmini və sosial müdafiəsinin təmin olunması üçün Azərbaycan və Gürcüstan dövlətlərinin müvafiq qurumlarının əməli addımlar atması;
3. Azərbaycanda təhsil alan Gürcüstan əsilli (Borçalı) tələbələrin fəaliyyətlərinin koordinasiya olunması istiqsmətində təşəbbüslərin dəstəklənməsini;
4. Gürcüstan və Azərbaycanın ərazi bütövlüyü, demokratikləşməsi, vətəndaş hüquq və azadlıqlarının təmini, iki xalqın dostluq əlaqələrinin gücləndirilməsi istiqamətində fəaliyyətlər əsas prioritet istiqamət istiqamətində əməli fəaliyyətin gücləndirilməsini;
5. Gürcüstan əsilli (Borçalı) tələbə və gənclərin forumlarının ildə bir dəfədən az olmayaraq keçirilməsini.
