...10 aprel 1993-cü il tarixində briqadanın axşamkı hərbi müşavirəsində qərargah rəisi Nəsirov da mənimlə bərabər iştirak edirdi. Füzuli bölgəsinə gələn müdafiə naziri general Dadaş Rzayev və bu zona üzrə korpus komandiri  general Rafiq Ağayev də bu gün ki hərbi müşavirədə iştirak edirdilər. Bu günki hərbi müşavirədə müdafiə naziri və korpus komandirinin iştirakı ilə 6 aprel 1993 il tarixində briqada qərargahı tərəfində hazırlanmış  hücum əməliyyatının baş tutmaması səbəbi müzakirə edillirdi. Briqada komandiri döyüşün baş tutmamasının səbəblərini izah edib sözü  mənə verəndə ayağa qalxıb özümü  Dadaş Rzayevə təqdim etdim. Müdafiə nazirinə bu neçə gün ərzində ermənilərə qarşı gedən döyüşlərdə baş verən çatışmazlıqlar barəsində hər şeyi olduğu kimi açıb danışdım və belə döyüşçülərlə heç bir irəliləyiş əldə edə bilməyəcəyimizi onun nəzərinə çatdırmışdım. Dadaş Rzayev cəbhə bölgəsində baş verən çatışmazlıq barəsində səmimi söylədiyim sözlərimə  görə mənə təşəkkür etmişdi. Bu günkü hərbi toplantıda müzakirə olunan məsələlərdən biri də Füzuli bölgəsində prezidentin sərancamı ilə təsdiq olunmuş komendant saatının gücləndirilməsi məsələsi idi bu barədə nazirin tapşırıqları olmuşdu. Əlavə olaraq müdafiə naziri Füzuli şəhərinin müdafiəsi məsələsinə xüsusi olaraq toxunmuşdu. Şəhər ətrafı səngərlərin qazılması barədə Füzuli rayonunun icra hakimiyyətinin başçısı Nofəl Kərimov çıxış etmişdi. Hərbi müşavirədə yaxşı tanıdığımız, savadına, hərbi biliyinə həmişə hörmət etdiyimiz Müdafiə Nazirliyinin məsul vəzifəli şəxslərindən biri polkovnik Rüfət Əmirov də iştirak edirdi. Biz Gövşad kəndində yerləşən erməni döyüşçülərinin üzərinə hücum edən zaman səngərdən çıxıb qaçmaq istəyən, lakin bizim tankçıların pulemyotuna tuş gələrək ölmüş erməni zabitinin üstündən götürülən komandir çantasının içindən çıxan bir xəritədə ermənilərin gələcək hücum əməliyyatı  planı öz əksini tapmışdı. Xəritədə göstərilən plana əsasən erməni hərbi birləşmələri Füzuli rayonu istiqamətində hücum edib, Füzuli, Beyləqan, Zəngilan, Qubadlı rayonlarını tutmalı idilər. Dadaş Rzayev bizim yanımızda polkovnik Rüfət Əmirova göstəriş verdi ki, Müdafiə Nazirliyinin qərargah rəisi general-mayor Nurəddin Sadıqovla bu məsələni araşdırsın. Özü korpus komandiri Rafiq Ağayevlə birlikdə müşavirəni tərk etmişdi. Polkovnik Rüfət Əmirov briqada komandirinin otağından bizim yanımızda dövlət telefonu ilə birbaşa müdafiə nazirinin birinci müavini, qərargah rəisi Nurəddin Sadıqovla əlaqəyə girib, 6 aprel tarixində Gövşad kəndinə hücum əməliyyatı zamanı ölmüş zabitin üstündən götürülən döyüş  xəritəsi barəsində ona məlumat vermişdi. Nürəddin Sadıqov Rüfət Əmirovun verdiyi məlumatı telefonda dinləyərək çox fikirləşmədən tapılan xəritənin  ermənilər tərəfindən bilərəkdən, qəsdən ortaya atıldığını bildirmişdi. “Dünya ictimaiyyəti ermənilərin bu planına yol  verməz” deyə telefonda Rüfət Əmirova söyləyirdi. Nürəddin Sadıqov telefonda Rüfət Əmirova əlavə olaraq nə dedisə, polkovnik Rüfət Əmirov hirsli bir şəkildə telefon dəstəyini  yerinə qoyub, “bunlara heç nəyi başa salmaq olmur” deyə, fikrini nümayişkaranə şəkildə toplantıda olanlara bildirmişdi. (Bunları yazmaqda məqsədim ondan ibarətdir ki, gələcəkdə tarixçilər bu məsələni araşdırarkən bu fakta daha dəqiq fikir versinlər. Çünki o vaxtı həmin xəritədə göstərilən plana əsasən sonrakı illərdə ermənilər Azərbaycan rayonlarını bir-birinin ardınca işğal etdilər. Nurəddin Sadıqov müdafiə naziri vəzifəsinə yüksəlsə də, polkovnik Rüfət Əmirov işdən çıxarıldı. Mən Nurəddin Sadıqovu Prezident Aparatına gələndə ilk dəfə przidentin göstərişi ilə qarşılayıb arxa qapıdan Əbülfəz bəyin qəbuluna aparan zabit idim.) Hərbi müşavirədən sonra briqada komandirindən bəzi göstərişlər alıb yerləşdiyimiz qərargaha gələrək səhəri görəcəyimiz işlər barədə plan hazırlayırdıq. Qərargah rəsi gündüzdən hazırladığı xüsusi təyinatlı dəstənin 10 nəfər üzvünü yanımızda yerləşən 848 saylı taborun müdafiə etdiyi cəbhə xətti boyu erməni postları barədə məlumat toplamaq üçün kəşfiyyata göndərmişdi. 10 aprel 1993-cü il tarixində Nəsirov və mən AzTV-nin Tele Faks operatorlarının  xahişi ilə Məngələnata dağında yerləşən qvardiyaçıların yanına getmişdik. Teleoperatorlar, o cümlədən aparıcı Sinitsin 5 aprel 1993-cü il tarixində hücum edərək erməni hərbi hissələrinin əllərindən aldıqları Füzuli rayonu cəbhə bölgəsində ən strateşi döyüş mövqeyi sayılan Məngələnata və Üçtəpə yüksəylini misilsiz qəhramanlıq göstərib erməni qəsibkarlarından azad edən qvardiya döyüşçləri barəsində  çəkliş aparmalı idilər. Ona görədə bu televiziyanın əməkdaşları ölkə prezdenti Əbülfəz Elçibəylə birlikdə Füzuli bölgəsinə gəlmişdi. Prezdent Bakıya dönəndən sonra televiziya əməkdaşları Üçtəpə və Məngələnata yüksəkliylərinə getmək qərarına gəlmişdilər. Füzuli cəbhə bölgəsinin briqada komandiri Murad Həmidovun göstərişinə əsasən mən onları Məngələnata yüksəyliyinə aparmışdım. Məngələnata yüksəylinin ən yuxarı nöqtəsində ikinci dəfə bəxtimdən mən snayper gülləsinə tuş gəlirdim. Birinci dəfə mənə xidməti maşınımda sürücüm Ramil Əliyevlə birlikdə Məngələnata yüksəkliyinə Füzuli şəhəri istiqamətindən atəş açılsa da bu dəfə deyəsən erməni snayperinin gülləsinə tuş gəlmişdim. Birinci dəfə “UAZ” markalı xidməti maşının arxa dəmir bortuna dəyib sürücü ilə mənim arama düşən güllə bu dəfə 20-30 nəfərə yaxın qvardiya döyüşçülərinin və Telefaks releoperatoru və aparıcının gözü önündə  erməni snayperi tərəfindən atılması ehtimal olunan snayper gülləsi yanımda daşa dəyərək səmtini dəyişib böyrümə dəyib bədənimə girməyib böyrümdə yerə düşmüşdü. Telefaksın teleoperatoru qəflətən atılan güllədən vəhiməyə düşərək o nə idi deyəndə yanımda mənə dəyib yerə düşən güllə başlığını isti -isti yerdən götürüb teleaparıcı Sinitsinin ovcumun içinə qoymuşdum.  O isti güllə başlığını ovcunun içində saxlaya bilməyib əlinin içini yandırdığı üçün yerə atmışdı. Bu epizod orada olanların gözləri qarşısında baş vermişdi. Hamı mənə baxırdı. Həqiqətən bu, əsl möcüzə və Rəbbimin mənə verdiyi növbəti yaşam fürsəti idi. Mən Seyid nəslindən olduğumu bilirdim. Böyüklərimdən və tarixi məlumatlardan bilirdim ki, ulu babalarım Məhəmməd Peyğəmbərin nəsili Qureyiş köçəri türk mənşəli ərəbləşmiş tayfadandır. Məhəmməd peyğəmbərin əmisi Abdullanın oğlu, Həmzənin oğul nəvələrindəndir. Məhəmməd peyğəmbərin ana nəslində olduğu kimi bizim nəslin ana kökündə də türk qanı vard. Babalarım Azərbaycanın Şirvan bölgəsinə gəlib, Şamaxıda  Şirvan şahlığının bünövrəsini qoymuşlar. Yedinci babam  Seyid Məhəmməd Düşməl Şamaxı xanı Həsənqulu xanın dövründə xan sarayının əyamı( daxili işlər naziri) olmaqla bərabər həm də Ərəbşahverdi kəndi başda olmaqla bu bölgədə yaşayan  tayfa başçısı idi. Onun qardaşı Seyid Rzaxan Düşməl isə Şirvan elinin and içib iman gətirdiyi Şamaşı rayonunun ərazisi Acıdərə kəndində türbəsi olan  Şıx Eyyub Babanın ulu babasıdır. Bu nəsilin hər iki övladı dünya müsalmanlarının iman gətirib səcdə qıldıqları din xadimləri ilə bir məzarlıqda onların türbələrində dəfn olunublar. Ulu babam Seyid Məhəmməd Düşməl Ağdaş rayonunda ərab qəbiristanlığında Veysəl babanın türbəsində onun ayağı altında qardaşı seyid Rzaxan Düşməl isə Bakı şəhərinin Qaradağ rayonunun Səngəçal qəsəbəsi yaxınlığında Sofu Həmid babanın türbəsində onun məzarının yanında  dəfn olunub. (Əlimizdə Məhəmməd peyğəmbərin nəslindən olduğumuzu sübut edən danılmaz faktlar var. Bütün Şirvan elinin, eləcədə Azərbaycanın hər yerindən  ziyarətinə gəldiyi müqqədəs, Şamaxı şəhərinə yaxın məsafədə yerləşən Acı-dərə deyilən yerdə dəfn olunan Şıx Eyyub baba ilə ulu babalarım bir nəslin övladlarıdır. Mənim ulu babam olan Seyid Məhəmməd-Düşməllə Şıx Eyyub babanın babası olan Seyid Rzaxan Düşməl doğma qardaşdırlar. Mustafa xanın dövründə Şirvan şəhərindən tutmuş Hacıqabul rayonunun küdrü düzü Sabirabadın Həşimxanlı kəndinə qədər bir ərazi babalarımın birinə məxsus olub. Ana nəslim Göycə mahalında məşhür din xadimi olmuş Axund Molla İbrahimin nəvələrindən biridir.)

        11 aprel 1993 cü il tarixində səhər saat 9 radələrində mən briqada komandirinin yanına gedib onunla görüşdüm. Briqadada yeni hücum əməliyyat planı hazırlanırdı. Lakin plan tam hazır deyildi. Briqada komandiri  hücum ediləcəyi ehtimal olunan döyüş mövqeyinin coğrafi xəritəsi ilə tanış olmaq üçün məni briqadanın qərargah rəisinin yanına göndərdi. Qərargah rəisinin yanında xəritə ilə tanış olub, ondan bəzi məlumatlar və taşırıqlar alıb, öz yerləşdiyimiz qərargaha gəldim. Mən qərargaha gəlib  Nəsirova briqada komandirinin tapşırıq və göstərişləri barədə məlumat verdim. Kapitan Vəliməmmədovu yanıma cağırıb axşama qədər şəxsi heyyətə lazım olan ərzaq və sursatın tapılıb gətirilməsi barədə göstəriş verdim. Vəliməmmədov öz vəzifəsinin öhdəsindən layiqincə gəlirdi. Mən  ondan  olduqca razı idim. Qvardiyaya məxsus olan maşınlar və zirehli döyüş texnikaları hazır vəziyyətdə döyüş əmri gözləyirdilər. Axşama yaxın, təxminən saat 18 radələrində erməni artilleriyası bizim  qoruduğumuz Məngələnata istiqamətini güclü artilleriya atəşinə tutdu. Erməni tanklarından atılan iynəli mərminin bizim səngərlərin üstündə partlaması nəticəsində mənə rabitə vasitəsi ilə məlumat verdilər ki, qvardiyaçılardan 4 nəfər yaralanıb. Yaralanan qvardiyaçıların yaraları çox ağır deyildi. Onların təcili xəstəxanaya aparılması barədə komandirlərinə göstəriş veridim. Bu barədə Nəsirova məruzə etdim. Ermənilər bizim mövqeyimizi möhkəm atəşə tutmuşdular. Cavab atəşi ilə onları susdurduq. Axşam briqada komandirinin yanında olduq, bizə başqa göstəriş vermədi. Qvardiyaçı Əliyev Gündüz, Cəfərov Asif, İbrahimov Eldar xırda iqla mərmi yarası almışdılar. Axşam sakit keçdi...