Məlum olduğu kimi, Azərbaycan Respublikasının prezidenti İlham Əliyevin təşəbbüsü ilə 2013-cü il Azərbaycanda "İKT ili" elan edilib. Bu proqram çərçivəsində, artıq 2 dekabr tarixindən etibarən Bakı Ekspo Mərkəzində telekommunikasiya və informasiya texnologiyaları sahəsində Xəzər və Qafqaz regionlarının ən böyük tədbiri - "Bakutel 2013" sərgisinə start verilib. Bu əlamətdar ildə "Bakutel" sərgisi ilk dəfə olaraq Bakı Ekspo Mərkəzinin ümumilikdə 12000 m2 olan üç zalı və foyesini əhatə edir. "Bakutel" sərgisinin inkişafı Azərbaycan Respublikası Rabitə və İnformasiya Texnologiyaları Nazirliyinin uzun illər dəstəyi sayəsindədir. "İKT ili"ndə 35 % də genişlənən sərgi meydançası dünyanın 27 ölkəsindən 300 şirkəti bir araya gətirib.
“Elektron
Hökumət” portalında e-xidmətlərdən istifadənin artırılması məqsədi ilə və
vətəndaşların e-xidmətlərə olan marağını nəzərə alaraq Rabitə və
İnformasiya Texnologiyaları Nazirliyinin Məlumat Hesablama Mərkəzi tərəfindən
"Bakutel-2013" sərgisində “Elektron Hökumət Portalı” pavilyonu
quraşdırılmışdır. Sərgi zamanı insan axınının ən böyük cəmləşdiyi
dayanacaqlardan biri məhz bu pavilion olub.
Artıq
bir neçə gün əvvəldən bəzi xəbər
portallarında sərgi iştirakçılarının ödənişsiz e-imza vəsiqəsi və kart
oxuyucusu ala biləcəyi anonsu verilmişdi. Bunun üçün pavilyona müraciət edən vətəndaşlar
ilk növbədə şəxsiyyət vəsiqəsini təqdim
etməklə sadələşdirilmiş kod-parol əldə etməlidirlər. Vətəndaşların yalnız
pavilyon ərazisindən www.e-gov.az portalına daxil olaraq, elektron imza
alınması üçün “Vətəndaşlar üçün elektron imza sertifikatları sifarişi”
online müraciət formasını dolduraraq və ödənişsiz olaraq sifariş qəbul
olunur. Müraciət forması qəbul olunduqdan sonra pavilyonda qısa zaman müddətində
vətəndaşın adına olan e-imza vəsiqələri
hazırlanaraq, kart oxuyucu ilə birlikdə
onlara təqdim edilib.
Beləliklə,
"Bakutel 2013" sərgisinin ilk günü
130-dən artıq vətəndaş e-imza üçün müraciət etdi və onlar Sertifikat
Xidmət Mərkəzinə getmədən pulsuz “e-imza” kartına, kart oxuyucuya və “Elektron
hökumət” portalının təqdim etdiyi bir neçə əlavə hədiyyələrə sahib olublar.
Müraciətlərin çoxluğunu nəzərə alaraq, MHM bildirir ki, müraciətdən sonra
kartların hazırlanması müəyyən bir prosedur və vaxt tələb etdiyindən, vətəndaşın
istəyi ilə o, hazır e-imza vəsiqəsini pavilyondan və ya növbəti həftə MHM-in mərkəzi
qeydiyyat məntəqəsindən də əldə edə bilər.
Aksiyanın
əsas məqsədi vətəndaşlarımızın e-gov.az portalı ilə əyani tanışlığı, e-imza vəsiqələri
ilə işləmə bacarıqlarının əldə edilməsi, bu barədə sərgi ziyarətçilərinin və
iştirakçılarının maksimum məlumatlandırılmasından ibarətdir.