Moderator.az xəbər verir ki, Milli Məclisin deputatı Ağalar Vəliyev mətbuata bu dəfəki müsahibəsində Fransa Senatının məlum qərəzli qətnaməsindən, 44 günlük şanlı zəfərdən, xalq-iqtidar birliyindən danışıb.

- Fransa prezidenti Makron düşmənin başladığı və Müzəffər Ordumuzun qələbəsi ilə yekunlaşan Vətən Müharibəsinin ilk günlərindən öz qərəzli bəyanatları ilə  öz niyyətini ortaya qoymuş oldu. Bu adamın siyasi dünya görüşü demək olar ki, sıfıra bərabərdir. Belə ki, gah Türkiyəyə qarşı sərsəm bəyanatlar səsləndirir, gah Azərbaycanı hədəf alır. Ümumən müsəlmanları aşağılayan bəyanatlar verir. Özlüyündə erməni lobbisinin dəstəyini qazanmaq, qarşıdan gələn seçkilərdə yenidən şansını dəyənləndirməyi düşünən Makron bundan sonrakı taleyini sual altına alır. Bir ölkənin lideri hər nüansa fikir verməli, xalqın, millətin maraqlarını öz şəxsi maraqlarından üstün tutmalıdır. Görünən odur ki, Makron yenidən prezident olmaq sevdasına düşüb. O üzdən belə qərəzli bəyanatlar verir. Ona deyən lazımdır ki, Fransanın əzəli və əbədi torpaqları düşmən tərəfindən işğal olsaydı, fransız xalqı öz ölkəsində qaçqın kimi yaşasaydı buna dözə bilərdinizmi? Tarix boyu Fransa müharibələrdə öz şəxsi maraqlarını güdüblər. Dünya müharibəsində, ondan sonra Yaxın Şərqdə və digər regionlarda baş qaldıran müharibələrdə Fransanın istəyi ondan ibarət olub ki, bu münaqişələrdən maksimum yararlansın.  İndi isə zaman o zaman deyil ki, Makron bu siyasi gedişləri ilə dünya liderlərinin nüfuzunu qazanmış olsun. Artıq bütün dünya bilir ki, ermənilər vandal siyasəti həyata keçirir. Onları da Fransadan başqa heç kimdəstəkləmir. Gah nala, gah mıxa vuran Makron özünü yandırmaqla məşğuldur. Türkiyə Prezidenti cənab Rəcəb Tayyib Ərdoğan ona vaxt qoyub. Gün kimi aydındır ki, bu seçkilərdə Makronun şansları yoxdur. Quyuya düşən insan özünə kömək axtaran kimi o da bu yolla özünə dəstək qazanacağına inanır. Ancaq zaman göstərir ki, Makron səhv yoldadır və o bu hərəkıtləri ilə olan-qalan siyasi nüfuzunu da itirmiş oldu. Fransa Senatında isə   “Dağlıq Qarabağ Respublikasının tanınması zərurəti” adlı qətnamənin hüquqi qüvvəsi yoxdur. Bunu biz yox, Fransa Xarici İşlər Nazirliyi deyir. Sonda isə onu deyim ki, artıq qəbul olunan belə qətnamələrin heç bir əhəmiyyəti yoxdur. Azərbaycan Respublikasının Prezidenti Silahlı Qüvvələrin Ali Baş Komandanı cənab İlham Əliyev cəbhə ilə yanaşı diplomatiyada da ciddi uğur qazandı. Azərbaycanın ərazi bötüvlüyü təmin olundu. Biz Ağdamın, Kəlbəcərin, Şuşanın işğaldan azad olunmasını qeyd edirik. Diplomatiyamız isə hələ bundan sonra öz sözünü deyəcək. Paşinyan başda olmaqla Makron və digər ermənipərəstlər büynəlxalq hüquq qarşısında cavab verməli olacaqlar. 

- Biz xalq olaraq, millət olaraq var olmamızı, 44 günlük şanlı zəfərimizi, əldə etdiyimiz uğurları ilk öncə cənab Prezident İlham Əliyevə borcluyuq. İlham Əliyev Azərbaycana rəhbərlik edəndən sonra Ordu Quruculuğu Azərbaycan hökumətinin prioritet sahələrdən birinə yox birincisinə çevrildi. Hər il dövlət büdcəsindən Ordumuzun təkmilləşdirilməsi üçün vəsait ayrılır. Təsadüfi deyil ki, Orduya ayrılan vəsait Ermənistanın ümumi büdcəsi qədərindədir. Və nəticə göz qabağındadır. Azərbaycan Ordusu bugün regionun ən güclü orduları arasındadır. Müasir döyüş silahları ilə təhciz olunub. Əsgər və zabitlərimizin təminatları yüksək səviyyədə təmin olunur. Eyni zamanda yüksək kadr hazırlığı, nizami ordunun formalaşdırılması bir başa cənab İlham Əliyev tərəfindən həyata keçirilən uğurlu siyasətin nəticəsidir. Cənab Prezidentin dediyi kimi bizim düşmənimiz vandal düşməndir. Bu üzdən biz daim Ordu Quruculuğuna xüsusi diqqət yetirməliyik.  

- 44 günlük şanlı sınaq bizə bir məsələni gün kimi aydın etdi. Azərbaycanda xal-iqtidar birliyi var. Milli məsələlərdə isə bu birlik istənilən gücə qarşı yumruğa çevrilir. Mən deyərdim ki, ümumən son dönəmlərdə həyata keçirilən sosioloji sorğuların nəticələrinə baxsanız görərsiniz ki, Azərbaycan xalqı öz liderini sevir, ona inanır, onu dəstəkləyir. Bu son hadisələrdə bir daha özünü göstərdi. Cənab prezident öz növbəsində lider kimi bütün məsələləri xalqa müraciət edərək açıq-aydın, şəffaf şəkildə çatdırır. Bu müraciətləri dinləyən hər bir azərbaycanlı qürur hissi keçirir. Eyni zamanda Prezidentinə güvəni, daha da artmış olur.  Biz millət olaraq çox şanslıyıq ki, bizim İlham Əliyev kimi liderimiz var. Hər zaman qətiyyəti, idarəetmə bacarığı, uzaqgörən siyasəti ilə seçilən İlham Əliyevin reytinqi artmaqda davam edir. Bugün Tvitter sosial şəbəkəsində İlham Əliyev ən çox izlənilən ikinci liderdir. Xalqın sevgisi İlham Əliyevi daha uca zirvələr qaldırır. Çünki Prezidentimiz buna layiqdir. İlham Əliyev kimi tarixi şəxsiyyətləri yetişdirmək üçün uzun bir zaman lazımdır. Mən inanıram ki, bugün ümumilli liderin ruhu şaddır. Şaddır ona görə ki, cənab Prezidentin rəhbərliyi altında biz öz dədə-baba torpaqlarımıza qayıtdıq. Şaddır ona görə ki, İlham Əliyev ata vəsiətini layiqincə yerinə yetirdi. 

 

- Mən bir məsələyə diqqət ayırmaq istəyirəm. Münaqişə başlanan gün sentyabrın 27-də Bakı-Ələt yolunda hərbi texnikamız cəbhəyə yollananda yolun kənarında olan insan seli, vətəndaşlarımızın əsgərləri alqışlarla döyüşə yola salması elə ilk gündən arxa cəbhənin gücünü göstərdi. Silahlı Qüvvələrə Yardım Fonduna hər kəs ianə etməyə başladı. Bununla yanaşı imkanı olan və ya olmayan hər kəs əsgərlərimiz üçün sovqat göndərdi. Maşın karvanı, əsgərlərimizdə ruh yüksəkliyi yaratdı. Əsgərə məktub kompaniyasının həyata keçirilməsi bu və ya başqa işlər ümumən səngərdə olan əsgərimizə ruh verdi. Belə həssas məqamda düşünülmüş düşgüz siyasət Qələbənin təminatıdır. Bunu da cənab Prezident İlham Əliyev çox gözəl şəkildə qurdu. Mənim deputat seçildiyim ərazi düşmənlə təmas xəttində yerləşir. Münaqişə başlanandan daim seçicilərimin yanında olub onların qayğıları ilə maraqlanmışam. Sizə deyim ki. Gənc, cavan uşaqlar mənə yaxınlaşıb müharibəyə getmək istədiyini bildirirdilər. Bütün bunlar məndə elə böyük ruh yüksəkliyi yaratdı ki, bunlar sözlə ifadə olunan hisslər deyil. 

- Vətən müharibəsi zamanı qəhrəmancasına şəhid olan əsgər və zabitlərimizin ruhu qarşısında baş əyirəm. Onların qanı yerdə qalmadı. Yaralı qazilərimiz var. Onların hər birinə allahdan şəfa diləyirəm. Bizim Qələbə sevincimiz onların qanı üzərində qurulub. Bu isə erməni vandallarının məqsədli şəkildə həyata keçirdiyi siyasətdir. Şükür ki, cənab Prezidentin rəhbərliyi ilə biz onlara lazım olan dərsi verdik.  Qələbə sevinci ilə bağlı onu deyə bilərəm ki, bu sevinci əvəz edəcək heç nə yoxdur. Şuşanın, Zəngilanın, Qubadlının, Ağdamın, Kəlbəcərin ümumən işğal altında olan topraqlarımızın xoş müjdəsini verən Ali Baş Komandan bizə qürurumuzu qaytardı. Bu yeni bir tarixdir. Elə bir tarixdir ki, qızıl hərflərlə yazılır. Bu tarixi yazan sərkərdə isə İlham Əliyevdir. Allah onu və əsgərlərimizi qorusun.