Biz jurnalistlər həbs olunan həmkarımız və hüquq müdafiəçisi Pərviz Həşimlinin həbsini onun hakimiyyət nümayəndələrini daim tənqid edən yazıları ilə bağlayırıq. Sentyabrın 17-də onun evində axtarış aparılarkən bir neçə jurnalist həmkarımız da olay yerində olub. Həmin vaxt MTN-nin işçiləri Pərviz Həşimlinin xanımına, 5 yaşlı uşağına, qohumlarına və ora gələn hüquq müdafiəçisi, jurnalistlərə qarşı kobud davranıb, onları hədələyib. MTN-nin işçiləri P. Həşimlinin xanımı İlahə Həşimovanı həyətdəki tikiliyə aparıb oradakı qumbaraları çıxarmağı tələb edib. Qadın bildirib ki, o qapını açıq qoyub gedib, kim bağlayıbsa, qapını açsın. MTN işçisi ona deyib ki, “qapını açıq qoysaydıq deyəcəkdiniz ki, qapı açıq olub kimsə bu qumbaraları ora yerləşdirib”. Bu ifadələr də MTN -in Pərviz Həşimlini şərləyərək həbs etdiyini göstərir.
Pərviz Həşimliyə qarşı Cinayət Məcəlləsinin 206.3.2-ci və 228.2.1-ci maddələri ilə ittiham irəli sürülüb. Sentyabrın 18-də Səbael Rayon Məhkəməsi P.Həşimli barəsində 2 aylıq həbs qətimkan tədbiri seçib. Biz jurnalistlər bu həbsi seçki öncəsi söz azadlığına təzyiq kimi qiymətləndiririk. P.Həşimlinin məhkəməyə başına qara torba keçirməklə gətirilməsini insan hüquqlarına qara ləkə hesab edirik.
Pərviz Həşimlinin vəkili Elçin Sadıqov artıq ikinci dəfədir ki, müdafiə etdiyi şəxslə görüşə bilmir. O, hər dəfə MTN-nin İstintaq Təcridxanasında Pərviz Həşimli ilə görüşmək istəyir, amma müstəntiqin jurnalistlə görüşdüyünü deyərək vəkilə görüş vermirlər. P. Həşimli vəkilinin iştirakı olmadan dindirilir ki, bu da qanun pozuntusudur. Biz hesab edirik ki, jurnalist MTN -də işgəncələrə məruz qalır. Bu səbəbə görə də vəkilin onunla görüşməsinə imkan verilmir. P. Həşimli məhkəməsində də bildirmişdi ki, saxlanılan zaman MTN-də 3 saat müddətində ona işgəncə veriləcəyi ilə bağlı hədələnib. O , Ombudsman Aparatının sədri Elmira Süleymanovanın və İşgəncələrə qarşı Azərbaycan Komitəsinin sədri Elçin Behbudovun onunla görüşməsini xahiş edib.
Biz jurnalistlər Azərbaycan hakimiyyətindən seçki öncəsi jurnalistlərə qarşı təzyiqləri dayandırmağı və Pərviz Həşimlini dərhal azad etməyi tələb edirik. Beynəlxalq təşkilatları bu məsələni diqqətdə saxlamağa çağırırıq.
İmzalar:
1. Şahvələd Çobanoğlu - "Azadlıq" qəzeti
2. Xədicə İsmayılova - araşdırmacı jurnalist
3. Rəşid Hacılı - Media Hüququ İnstitutunun direktoru
4. Elçin Rüstəmli - "Bizim Yol" qəzeti
5. Aynur Elgünəş - var.az saytı
6. Samirə Əhmədbəyli - “civilforum” saytının redaktoru
7. Aynur İmranova - jurnalist, Ümid Partiyasının sədr müavini
8. Sevinc Vaqifqızı - "Azadlıq" qəzeti
9. Vidadi Məmmədov - "Azadlıq" qəzeti
10. Nicat Məlikov- "Zerkalo" qəzeti
11. Əfqan Muxtarlı - azadliqnews.tv
12. Seymur Həziyev - "Azadlıq" qəzetinin əməkdaşı
13. Azər Rəşidoğlu - "Yeni Müsavat" qəzetinin əməkdaşı
14. Təhminə Tağızadə - "Meydan TV"
15. Aynurə Heydərova - "Meydan TV"
16. Seymur Kazımov - müstəqil jurnalist
17. Natiq Cavadlı - "Bizim Yol" qəzeti
18. İlqar Vəliyev- axar.az saytı
19. Günel Səfərova - müstəqil jurnalist
20. Aytən Fərhadova - "Bizim Yol" qəzeti
21. Məhəmməd Türkmən - "Kanal 13"
22. Cavid Qurbanov - "Bizim Yol" qəzeti
23. Araz Bayramov - "Yeni Müsavat" qəzeti
24. Leyla Mustafayeva - "Yeni Müsavat" qəzeti
25. Cəmil Məmmədli - müstəqil jurnalist
26. Əhməd Muxtar- foto jurnalist
27. Röya Rəfiyeva - "Yeni Müsavat" qəzeti
28. Anar Gəraylı - Aznews.az saytı
29. Samirə Həsənli - müstəqil jurnalist
30. Vüsalə Rüstəmova - "Bizim Yol" qəzeti
31. Zamin Hacı - "Yeni Müsavat" qəzeti
32. Ali Rza - "Azadlıq" qəzeti
33. Ramin Deko - "Azadlıq" qəzeti
34. Aytən Məmmədova - "Azadlıq" qəzeti
35. Rahim Hacıyev - "Azadlıq" qəzeti
36. Sücəddin Şərifov - "Azadlıq" qəzeti
37. Elşən Şirinov - "Azadlıq" qəzeti
38. Gültəkin Hüseynova - "Azadlıq" qəzeti
39. Xəyal Şahinoğlu - "Azadlıq" qəzeti
40 Fərahim İlqaroğlu - "Yeni Müsavat" qəzeti
41. Bəkir Nərimanoğlu - Mediaforum saytı
42. Müşfiq Hüseynov - "Bizim Yol" qəzeti
43. İslam Şıxəli - müstəqil jurnalist
44. Afiq Mirzəbəyli - "Reytinq" qəzeti
45. Zaur Əhməd - Müstəqil İnformasiya Agentliyi
46. Fazil Əhməd - "Reytinq" qəzeti
47. İlham Hüseyn - "Azadlıq" qəzeti
48. Rövşən Hacıyev - "Azadlıq" qəzeti
49. Natiq Ədilov - "Azadlıq" qəzeti
50. Aynur Qarayeva - müstəqil jurnalist
51. Samir Kazımlı - gozetci.az saytı
52. Rəşad Vaqifoğlu - “Bizim Yol” qəzeti
53. İdrak Abbasov - müstəqil jurnalist
54.Sahib İslamlı-müstəqil jurnalist