Millətlər Liqasının I turunda keçirilmiş Azərbaycan – Lüksemburq oyunundan (1:2) sonra keçirilən mətbuat konfransında qonaq komandanın baş məşqçisi Lük Holts jurnalistlərin suallarını cavablandırıb.

Müsahibəni təqdim edirik:

- Qələbəyə layiq idik. Çünki startdan sona qədər meydanda dominant tərəf olduq. Açığı, ilk məşqdən sonra belə yaxşı performans göstərəcəyimizə inanmırdım. Ancaq son iki məşq məndə ümid yaratmışdı. Rəqib qırmızı vərəqə aldıqdan sonra tam müdafiəyə çəkildi. Bu da işimizə yaradı.

- Xeyr, təəccüblənmədim. Azərbaycanın yeni baş məşqçisi var. 4-4-2 taktiki sxemi ilə oynayacaqlarını ehtimal edirdik. Futbolçularımdan razıyam. Xüsusilə də, hesabda geri düşdükdən sonra yaxşı çıxış etdik.

- Monteneqro qrupda favoritdi. Digərləri eyni gücə komandalardı. Öz performansımızın bu cür qalacağına ümid edirəm.

- Mən Azərbaycandan gözləntim yox idi. Öz oyun tərzimiz var, əlimizdən gələni etdik. Biz qələbəni haqq etdik. Düşünmürəm ki, qırmızı vərəqə və ya penalti nəticəni həll etmədi. Performansımız hər şey etdi.

- Futbolda iki fəlsəfə var: hücumda oynaya bilərsən, müdafiə oluna bilərsən. Hər məşqçinin öz yanaşması var. Yəqib ki, yeni baş məşqçinin fəlsəfəsi belədi. Azərbaycan millisi əvvəlki zamanlarda daha çox ispan stilli futbol göstərir, hücumlar edirdi, ancaq məğlubiyyətlərlə üzləşirdi. Ola bilər ki, yeni baş məşqçi bu fəlsəfəni dyişmək isəyir. Bunun üçün ona vaxt lazımdı. Ümid edirəm ki, tezliklə fəlsəfəsini oturda bilər.

- Azərbaycanın Lüksemburq qarşısında favorit olduğunu demişdim. Qrupda isə Monteneqronu ən güclü hesab edirəm.

- Ümumilikdə, 18-19 qələbəmiz var. Ötən Millətlər Liqasında Malta, San-Marinonu məğlub etmişdik.(qafqazinfo)