9 Oktyabr Prezident seçkiləri ilə bağlı Yeni Azərbaycan Partiyası Gəncə şəhər Təşkilatı 19 sentyabr 2013-cü il tarixdə saat 17:00 ”“ da Nizami prospektində 22 saylı binanın yanında yerləşən idman kompleksinin həyətində seçicilərlə növbəti təbliğat ”“ təşviqat görüşünü keçirdi. Seçicilər cənab İlham Əliyevin portretləri, bayraqlarla, üzərində “Qətiyyətli Prezident, güclü Azərbaycan!”, “Demokratik və dinamik Azərbaycan uğrunda İlhamla irəli!”, “Xalqın səsi ”“ İlhamın qələbəsi!” sözləri yazılmış plakatlarla gəldilər. Görüşdə YAP Gəncə şəhər Təşkilatının sədri Naqif Həmzəyev, şəhər Təşkilatı İdarə Heyəti və Şura üzvləri, Təbliğat ”“ təşviqat qrupunun üzvləri, partiya fəalları, ictimaiyyətin nümayəndələri və 5000 ”“ dən çox seçici iştirak etdi.
Tədbiri giriş sözü ilə YAP Gəncə şəhər Təşkilatının sədri Naqif Həmzəyev açaraq, seçicilərin diqqətinə çatdırdı ki, 9 oktyabr 2013 ”“ cü il Prezident seçkiləri ilə bağlı təbliğat ”“ təşviqat kampaniyasına artıq 4 gündür ki, start verilib. Şəhərin “Novruz” Meydanında ilk təbliğat ”“ təşviqat görüşünün böyük izdihamla, yüksək səviyyədə keçirilməsi Yeni Azərbaycan Partiyasının namizədi cənab İlham Əliyevə ümumxalq məhəbbətinin və rəğbətinin təzahürü oldu. Xalq ”“ dövlət, dövlət ”“ xalq vəhdəti ölkəmizin istər regionda, istərsə də beynəlxalq aləmdə yüksəldən, vətəndaşların sosial rifahını daha da yaxşılaşdıran cənab İlham Əliyevin növbəti qələbəsini şərtləndirən mühüm amildir.
Bu gün böyük qürur hissi keçiririk ki, Azərbaycan Respublikasının Prezidenti cənab İlham Əliyevin Gəncəyə xüsusi diqqət və qayğısı sayəsində Gəncə dünyanın ən gözəl şəhərlərindən birinə çevrilmiş, bütövlükdə regionun müasir sənaye və turizm şəhəri olmuşdur. Dövlət başçısı indiyə kimi, Gəncəyə 12 səfər etmiş, bu səfərlərin hər birində mühüm obyektlərin istifadəyə verilməsi və təməlqoyma mərasimlərində iştirak etmişdir. 2012 ”“ ci ilin yanvarında şəhərimizə səfəri zamanı ölkə başçısı cənab İlham Əliyev dedi: “Şadam ki, Gəncədə çox böyük quruculuq işləri aparılıb. Gəncəyə daim böyük diqqət göstərilmişdir və bu diqqət daimidir.”
Möhtərəm Prezidentimizin bütün tövsiyə və tapşırıqları Gəncə şəhər İcra Hakimiyyəti rəhbərliyinin yüksək təşkilatçılığı sayəsində gəncəlilər, xüsusən Yeni Azərbaycan Partiyasının fəalları tərəfindən uğurla yerinə yetirilir. 2011 ”“ ci ilin fevral ayından başlanğıcını götürən yüksəliş, sürət və tərəqqi yolunun göstəriciləri yeni inşa edilən abidə və tikililər, təməli Azərbaycan Prezidenti cənab İlham Əliyev tərəfindən qoyulmuş və bu günlərdə istifadəyə veriləcək əzəmətli Heydər Əliyev Mərkəzi, Dövlət Bayrağı Meydanı, “Nizami Məqbərəsi”, “Qala” Kompleksi, Şəhidlər Xiyabanı, açıq muzeyi xatırladan Cavad xan küçəsi, yenidən təmir - bərpa edilən “Zərrabi” Poeziya Teatrı, əsaslı şəkildə təmir edilən 27 təhsil müəssisəsi, 200 ”“ dən çox binanın dam örtüyünün dəyişdirilməsi, küçələrin, prospektlərin, parkların yenidən qurulması, inşası davam etdirilən Gəncə Dövlət Filarmoniyası, Nizami Gəncəvi Muzeyi, Uşaq Yaradıcılıq və Məhsəti Gəncəvi adına mərkəzlər , 3 mərtəbəli yeni avtovağzal kompleksi, Beynəlxalq Nizami Kitabxanası, Gənclər Sarayı, AMEA ”“ nın Gəncə Bölməsinin, şəhərimizdə 5 qəsəbənin yaradılması, binaların müasir görkəm alması, kommunikasiya xətlərinin yüksək standartlara cavab verəcək vəziyyətə gətirilməsi çox böyük yeniliklərin və görülən işlərin qısa siyahısıdır. Hər gün biz Gəncədə yeniliklərlə, dəyişikliklərlə qarşılaşmağa adət etmişik. Gəncənin sosial ”“ iqtisadi inkişafının sürətləndirilməsinə dair vəsaitin ayrılması haqqında son iki ildə möhtərəm Prezidentimizin müvafiq sərəncamları Gəncəyə hərtərəfli köməyin və dəstəyin ifadəsidir. Bütün bunları yüksək dəyərləndirən gəncəlilər 9 oktyabr Prezident seçkilərində təbii ki, öz doğru seçimlərini etməlidirlər. Bu seçim ulu öndər Heydər Əliyevin siyasi kursunun layiqli davamçısı, xalqımızın vətənpərvər oğlu cənab İlham Heydər oğlu Əliyevdir!
Təşviqat qrupunun üzvləri - YAP Gəncə şəhər Təşkilatının sədr müavini, AMEA ”“ nın Gəncə Bölməsinin direktoru, Akademiyanın müxbir üzvü, professor Fuad Əliyev, YAP Gəncə şəhər Təşkilatının sədr müavini, ADAU ”“ nun rektoru İbrahim Cəfərov, YAP Gəncə şəhər Təşkilatı İdarə Heyətinin üzvləri, AzTU ”“ nun rektoru Akif Süleymanov, GDU ”“ nun rektoru Yadigar Əliyev, universitetin prorektoru, YAP Gəncə şəhər Təşkilatı Qadınlar Şurasının sədri Pərvin Kərimzadə, GDU ”“ nun tarix ”“ coğrafiya fakultəsinin dekanı, professor Həsənbala Sadıqov çıxışlarında vurğuladılar ki, ümumilli lider Heydər Əliyevin siyasətinin cənab İlham Əliyevin uğurla davam etdirməsi nəticəsində bölgələrimizin sosial ”“ iqtisadi inkişafı hər birimizdə fərəh hissi doğurur. Doğma Gəncəmiz də belə bölgələrdən biri olaraq, genişmiqyaslı abadlıq - quruculuq işlərinin önündədir. Xalqımız hər zaman həyati gerçəkliklərə, reallığa yüksək dəyər verir. Reallıq isə güclü, nüfuzlu Azərbaycanın gözlərimiz önündə inkişaf edən ümumi mənzərəsidir. Həyat şəraitimizin gündən - günə yaxşılaşmasıdır, fikirlərimizi, düşüncələrimizi sərbəst şəkildə, demokratik bir şəraitdə ifadə edə bilməyimizdir.
Azərbaycan Cənubi Qafqazın ən güclü dövlətidir. İnkişafın Azərbaycan modelinin mövcudluğu beynəlxalq səviyyədə dəstəklənir. Sağlam düşüncəli ictimai rəy bu tərəqqinin, uğurların, qələbənin sayını çoxaltmaq və davamlılığına nail olmaq istəyir. Odur ki, seçicilər cənab İlham Əliyev siyasətini hər zaman bəyənib, dəstəkləyib, bundan sonra da dəstəkləyəcəklər. Oktyabrın 9 ”“ da bu reallıq bir daha öz təsdiqini tapacaqdır.
Şəhər sakinləri adından Arzu Həsənov çıxışında şəhərimizdə görülən geniş abadlıq - quruculuq işlərindən, insanların sağlamlığı və asudə vaxtının səmərəli təşkili üçün yaradılan şəraitdən razı qaldığını bildirdi, onlara göstərilən qayğıya görə cənab İlham Əliyevə dərin minnətdarlıq duyğularını ifadə etdi və cənab İlham Əliyevi növbəti 5 ildə də prezident kürsüsündə görmək arzusunda olduğunu söylədi.
YAP Gəncə şəhər Təşkilatı, Süsən Tağıyeva