Xəbər verdiyimiz kimi, bu günlərdə İspaniyanın RTVE birinci kanalında “Urartu. Unudulmuş Padşahlıq” filminin nümayişi həyata keçirilib. Rejissoru Vagi Vardanyanın, prodüseri isə HAYASA mədəniyyət və təhsil mərkəzinin qurucu direktoru Tiqran Manasyan olan filmdə Urartu dövləti ilə bağlı tarixi həqiqətlər təhrif edilib, tamamilə saxtalaşdırılıb. Filmdə antik dövrün ən güclü dövlətlərindən biri olan Urartu Ararat diyarı kimi təsvir olunub, ermənilərin bu qədim dövlətin varisləri olduğu ideyası vurğulanıb.
Moderator.az olaraq ermənilərin
tarixi müstəvidə həyata keçirməyə çalışdıqları növbəti təxribatı AMEA-nın
Qafqazşünaslıq İnstitutunun “Ermənişünaslıq” şöbəsinin rəhbəri, görkəmli
tarixçi-pedaqoq, tarix üzrə elmlər doktoru Qasım Hacıyevlə söhbətimizdə şərh
etməyə çalışdıq.
-Qasım müəllim, bildiyiniz kimi ermənilər bu günlərdə
Urartu dövlətinin ermənilərə məxsusluğu ilə bağlı yeni bir film çəkdilər və bu
filmin dünyanın bir çox ölkələrində nümayiş etdirilməsi nəzərdə tutulur. Maraqlıdır,
ianə hesabına yaşayan, ağır iqtisadi-sosial problemlərdən əziyyət çəkən Ermənistan
bu cür təbliğatlar üçün gərəkli olan vəsaiti haradan tapır?
-Bildiyiniz kimi,
dünyanın bir çox ölkələrində erməni diasporları, habelə erməniləri himayə edən
müəyyən qüvvələr mövcuddur. Onlar ac-susz
ermənilərə kömək adı ilə topladıqları pulların hamısını təxribatlara xərcləyirlər.
Onların təxribatının kökündə isə daha çox anti-türk fəaliyyəti dayanır. Onlar uydurma
düşmən obrazı yaardıblar və bu düşmən də onların fikrincə türklərdir. Ermənilərin
fikrincə, onların mədəni, mənəvi, sosial, iqtsiadi, siyasi baxımdan acınacaqlı
durumda olmalarının, hətta dövlətlərinin olmamasının səbəbkarı türklərdir. Bu təbliğata
külli miqdarda pul xərcləyir, kitablar yazır, filmlər çəkdirirlər və s. Məqsəd
dünyanı öz yalanlarına inandırmaqdır.
-Ermənilərin onlarla heç bir əlaqəsi olmayan dövlətləri
öz adlarına çıxması, özlərinə süni tarix yaratmaq cəhdləri sizcə nə ilə
bağlıdır?
-Biz onların çox belə
uydurmalarına şahid olmuşuq. Onlar özlərini qədim dövlətə malik xalq kimi qələmə
vermək istəyirlər.
Ilk növbədə onu demək
lazımdır ki, ermənilərin qədim mənbə saydıqları onlarla mənbə düzəldiblər. Onların
böyük əksəriyyəti saxta mənbələrdir. Digər mənbələrdə isə ən yaxşı halda yalnız
ermənilər, erməni xalqı haqqında fikirlər var. Heç bir yerdə erməni dövləti və
ya Ermənistan haqında bir fikir belə yoxdur. Sonradan meydana çıxan erməni “tarixçiləri”
isə bu mənbələrə istinad edən zaman “ermənilər” və ya “erməni xalqı” ifadələrini
“erməni dövləti” və ya “Ermənistan” kimi qeyd edərək, xalq hqqındakı fikirləri dövlətə
aid fikirlər kimi təqdim etməyə çalışır.
Ermənilər Şərqin ən qədim
dövlətlərindən biri olan Urartunu qədim erməni dövləti kimi təqdim etməyə cəhd
edirlər. Necə ki, o vaxtı Manna dövləti, Assuriya dövləti, Het dövləti var idi.
Urartu da bu dövlətlər içərisində ən qədim dövlətlərdən biri idi. Urartu dövləinin
paytaxtı Tuşpa, yəni indiki Van şəhəri olub.
Mən bu şəhərdə
1992-1993-cü illərdə, eləcə də sonrakı dövrlərdə dəfələrlə olmuşam, oradakı
arxioloji qazıntılarda da iştirak etmişəm. Onların Urartu dövləti haqqında
yazdıqları ilə ermənilərin yazdıqlarını müqayisə edəndə ermənilərin yazdıqları
olduqca gülünc görsənir.
-Urartunun ermənilərlə bağlılığı haqqında
yalanların tarixi haqqında nə deyə bilərsiniz?
-Urartu dövlətinin ermənilərin
babası olması fikri ilk dəfə Sankt-Peterburqdakı Ermitaj muzeyinin direktoru Boris
Piotrovski erməni akademiklərin göstərişi ilə səsləndirib. Bununla bağlı
kitablar - “Qədim Urartu”, “Van çarlığı”, “Qızıl təpə” əsərlərini yazıb. Bu əsərləri ondan qabaqçı
erməni tarixçilərinin yazdıqlaır ilə birləşdirərək qədim erməni dövləti tarixi
yaradıblar.
-Bəs sizcə Urartu dövlətinin ermənilərlə
yaxından-uzaqdan bir bağlılığı varmı?
-Ermənilərin Urartu dövləti
haqqında yazdıqlarının hamısı uydurmadır, saxtadır, yalandır.
Mən hələ 1992-ci ildə ilk
dəfə Ankaraya gedəndə tarix-coğrafiya kurumunda oldum. Mən Van şəhərinə getmək,
oradakı arxioloji qazıntılarda iştirak etmək istəyimi bildirəndə, orada bir
professor mənə bir dissertasiya göstərdi.Həmin dissertasiyada bir türk
tarixçisi yazır ki, mən ömrümün çox hissəsini Urartu tarixini öyrənməyə sərf
etmişəm, 700-ə yaxın Urartu yazısı, sözü oxumuşam. Onların içərisində 7 ədəd də
olsun erməni sözü yoxdur. Buradan belə çıxır ki, sovetlər ölkəsində yaşayan ermənilər
xristian qardaşlığından istifadə edərək Urartunu özlərinə baba düzəldib ki, bu
da həddindən artıq böyük saxtakarlıqdır.
Biz sonrakı dönəmlərdə
İğdırdan tutmuş Konyaya qədər bir çox şəhərlərdə keçirilən simpoziumlarda,
konfranslarda iştirak etdik. Qafqazşünaslıq institutunda da beynəlxalq
konfranslar təşkil etdik, hansı ki, bu konfranslara xarici ölkələrdən çoxlu nümayəndələr
gəlirdi.
Bu tədbirlərəd keçirilən
görüşlərin, səslənən fikirlərin hamısının təhlili göstərir ki, ermənilərin qədim
dövlət, qədim tarix haqqında dedikləri hamısı uydurmadır. “Böyük Ermənistan” haqqında
deyilənlər də, Urartunun guya qədim erməni dövləti olması haqqında səslənən fikirlər
də cəfəngiyyatdır.
-Ermənilərin bir çox hallarda Avropa tarixçilərini
Qarabağa gətirdikləri, oradakı tarixi abidələri ermənilərə məxsus maddi-mədəniyyət
nümunələri kimi təqdim etdikləri ilə bağlı da fikirlər mövcuddur.
-Tamamilə doğrudur. Ermənilər
sadəcə İspaniyada deyil, Belçikada, Norveçdə, İsveçdə öz cəfəng fikirlərini təbliğ
edir. Bu ölkələrin elm adamlarını aldadıb Azıx mağarasına gətirir, bunu ermənilərə
aid maddi-mədəniyyət nümunəsi kimi təqdim edirlər. Avropalı elma damlarını Şuşa
ətrafında Tağlar mağarasına aparırlar. Guya ki, azərbaycanlıların bu mağaradan
heç xəbərləri olmayıb. Bir sözlə, onlar uydurma, cəfəng işlərlə məşğul olurlar.
Onların tarixçi alimləri fantazyor, siyasətçiləri isə saxtakardır. Onların
elmi-siyasi fəaliyyət adına atdıqları addımları ancaq bu cür xarakterizə etmək
olar.
Seymur ƏLİYEV