"Mən bunu Pikasso ilə Qobustanda görüşümüz adlandırdım..."
Müsahibə
Oxunub: 3714
18 Mar 2020 | 16:38
Koronavirus xəstəliyinə görə ölkədə tətbiq edilən karantin rejimi rəssam Yusif Mirzədən də yan keçməyib. Çünki o, sadəcə rəssam deyil, həm də müəllimdir. Koronavirus pandemiyasına görə isə Azərbaycanda dərslər dayandırılıb.

Yusif Mirzə 1959-cu ildə Laçın rayonunun Sadınlar kəndində anadan olub. Orta təhsilini Laçında, ali təhsilini Bakıda alıb, Azərbaycan Dövlət Pedaqoji İnstitutunda bədii qrafika ixtisasına yiyələnib, rəngkarlıqdan diplom müdafiəsi edib. Hələ tələbə ikən rəssamlıqla ciddi məşğul olmağa başlayıb. Rəssam kimi formalaşmasında müəllimi və dostu, ustadı, Azərbaycanın xalq rəssamı Nadir Əbdürrəhmanovun böyük rolu və təsiri olub.

Yusif Mirzə institutu bitirəndən sonra Laçın rayonunun Ağanus və Qarıkaha kənd orta məktəblərində müəllim, Laçın Şəhər Mədəniyyət Evində, Laçın Xalq Teatrında rəssam işləyib. 1987-ci ildən Bakıya köçüb.

1988-ci ildən erməni təcavüzünə qarşı mübarizədə ön sıralarda olub, ərazi özünümüdafiə batalyonu dəstələrinin tərkibində torpaqlarımızın müdafiəsində bacardığını edib.

1997-ci ildən Azərbaycan Rəssamlar İttifaqının üzvü olan Yusif Mirzə rəngkarlıq, qrafika, heykəltəraşlıqla, eyni zamanda pedaqoji fəaliyyətlə məşğul olur.
Söhbətimizə elə karantin məsələsindən başlayırıq.

- Karantinə alınmış rəssamın əhvalı necədir?

- Əhvalım normaldır. Hətta deyərdim ki, yaxşıdır. Narahatlığım var. Bu da təbiidir. Alışmadığımız bir şəraitdə, karantin dövründə nə edəcəyimi, hansı işlərimin ardınca gedəcəyimi qərarlaşdıra bilmirəm. Emalatxanda bir az problemlər var. Bu vaxtlar soyuq olur, işləyə bilmirəm. Çətin bir dövrdür. Sadəcə hər kəs kimi gözləyirəm ki, bu virusun sonu olacaqmı? Ümidvaram ki, ötüb keçəcək və həyat normal axarına düşəcək. Emalatxanada əlimə payızda işlədiyim balaca bir rəsm keçdi. O qədər də əhəmiyyət vermədiyim kiçik bir rəsm. Rəsmə baxdım və məni bir az heyrətləndirdi. Sanki bu günlərin narahatlığına, həyəcanına çəkilmiş bir illüstrasiyadır. Rəsm monotipiya deyilən texnikada işlənib. Bu maraqlı bir texnikadır, rənglərlə yalnız bir rəsm işləyirsən. Bu rəsm texnikasında sonda nə çıxacağı, nə olacağı məlum deyil. Belə bir obrazın ortaya çıxması maraqlıdır. Buna sənət öncəgörmələri demək olar. Belə bir öncəgörmə əvvəl başqa bir rəsmimlə də bağlı baş vermişdi. Bakı buxtasında vikinq gəmisini çəkmişdim. Bir müddət sonra  doğrudan da Norveçdən, İsveçdən belə bir qrup səyyah vikinq gəmisi ilə Azərbaycana gəldi. Falçılara, ekstrasenslərə, baxıcılara o qədər inanmasam da sənət öncəgörmələri, sənətkarların güclü fantaziyaları faktdır.

- “Əgər mən heç kimsə üçün maraqlı deyiləmsə - bu mənə maraqlıdır” fikirlərinin müəllifi kimi maraqlı adam olduğunu düşünürsənmi?

- Maraqlı şeylər, kitablar, əsərlər, sənətlər, yerlər, ölkələr və s. çoxdur. Lap çox. Məncə, daha çox maraqlı olanlar insanlardır. Üstəlik də yaradıcı insanlar. Mən təkcə yaradıcı sənət adamlarını nəzərdə tutmuram. Sadə peşə sahibi də öz işinə yaradıcı münasibət bəsləyirsə, öz işinin ustası, sənətkarıdır. Qayıdaq suala. Əgər kimsə nəyəsə maraqlı deyilsə, bunun mütləq bir səbəbi var. Mən kim üçünsə maraqlı deyiləmsə, bunun özü maraqlıdır. Həm də istəməzdim ki, hamı üçün maraqlı olum və mənim rəsmlərim, fikirlərim hər kəsə maraqlı olsun. Çünki insanların zövqləri, düşüncələri, dünyaya baxışları çox fərqlidir. Və bunlar da dəyişir. Bu da təbiidir. Hər şey dəyişir, inkişaf edir, bəzən yeni mahiyyət, məzmun qazanır. Mən rəssamam və məncə, çoxlu insan var ki, mənim rəsmlərimi sevir. Özü də dünyanın bir çox ölkəsində. Çindən tutmuş İngiltərəyə, Kanadaya, Amerika Birləşmiş Ştatlarına, Sinqapurdan tutmuş Rusiya, Ukrayna, Skandinaviya ölkələrinə qədər. Bir rəssam kimi sənətimə, yaradıcılığıma maraq göstərən insanlar da mənim üçün maraqlıdır. Onların marağı, münasibəti mənim üçün təkcə maraqlı deyil, həm də qiymətlidir. Bu maraq, münasibət yaradıcılığa bir təkan verir, yeni-yeni əsərlər, rəsmlər üzərində düşünməyə və çalışmağa sövq edir.
Ən maraqlı şeylərdən biri müəllifi olduğun rəsmlərlə qarşılaşmandır. Hansısa bir sərgidə, kolleksiyada, kiminsə evində. Belə xoş, məmnunluq doğuran hallarla daha çox Norveçdə rastlaşmışam. Kiminsə evinə qonaq çağırırdılar və gedib evin ən gözəl yerlərində asılmış rəsmlərini görəndə bir anlıq xoşbəxtlik, sevinc duyğusu səni bürüyür. Düşünürsən ki, sənin yaradıcılığın, axtarışların, hisslərin, həyəcanların boşuna getməyib. Rəsmlərin kiməsə zövq verir, onun könlünü oxşayır. Məsələ onda deyil həmin adam o rəsmə nə qədər pul ödəyib. Rəsm bahalıdır, yoxsa yox. Məsələ ondadır ki, sənin rəsmlərin yaradıcılığın kimlər üçünsə sevinc, zövq bəxş edir. Elə insanlar var ki, onlar sənət aşiqidirlər. Sənətin pərəstişkarıdırlar. Son dərəcə maraqlı, özünəməxsus, həm də çox yüksək səviyyəli poeziyaya malik mərhum şairimiz Vaqif Səmədoğlu belə insandı. O, mənim emalatxanama gələr, dolanıb baxardı, bir az söhbət edərdik və çıxıb gedərdi. Ona mane olmamağa çalışırdım. Hiss edirdim ki, emalatxana, onun havası, ruhu onun üçün maraqlıdır. Bir dəfə dedi ki, emalatxanaların xüsusi qoxuları var və o, bu qoxuları sevir. Mən maraqlı adamam, yoxsa yox? Yaxşı olardı buna başqaları fikir bildirsənlər. Məncə, hər bir insanın maraqlı tərəfləri var. Sadəcə insanı anlamaq lazımdır.

- Əsərlərində ifrat parlaqlıqdan qaçmaq meylləri çox güclüdür. Rəngləri duman təki yayırsan...

- Mən öz sənət yönümdən, istiqamətimdən, üslubumdan kifayət qədər danışmışam. Ola bilər ki, bəzi fikirlərim təkrar kimi görünə bilər. Ümumiyyətlə hər bir rəssamın, yaradıcı insanın müxtəlif dövrləri, müxtəlif silsilələri olur. Bilmirəm bu ilhamdırmı, sənət təşnəsidirmi, yaradıcılıq yüksəişidirmi... Heç nə düşünmədən ruhunda, düşüncəndə olan təlatümləri, həyəcanları reallaşdırmaq istəyirsən. İşləyirsən, çalışırsan. Bir müddət sonra hər şey ötüb keçir və görürsən ki, çox gözəl şeylər qalıb. Mən müxtəlif səpkilərdə işləməyi sevirəm. İncə, zərif tonlarla da çalışıram, parlaq dekorativ rənglərlə də, bəzən monoton rənglərlə də. Sadəcə cizgilərlə də. Bəzən eksperimentlər eləməyi xoşlayıram. Sənət adamı özü üçün çərçivələr qoymamalıdır. Düşündüklərini, arzusunda olduqlarını həyata keçirməlidir. Mənim sənətimə, yaradıcılığıma marağı olan insanlar çox yaxşı bilirlər ki, ilk öncə Qobustan qayaüstü rəsmləri ənənələrini müasir rəssamlığa gətirmişəm. Çoxları o zaman deyirdi ki, bu rəsmlər primitiv rəsmlərdir. Mən heç nəyə baxmayaraq işləyirdim, çalışırdım. Daha sonra müsahibələr verdim, məqalələr yazdım. Sübut etməyə çalışdım ki, arxaika primitivlik deyil, baxmayaraq ki, primitiv sənətin özü də çox maraqlıdır, ən azından hamımızın yaxşı tanıdığı Pirosmanin yaradıcılığı buna sübutdur. Mənim qayaüstü rəsmlər ənənələrindən bəhrələnməyim ilk öncə norveçli sənət maraqlıları arasında böyük diqqətə səbəb oldu. Norveçlilər rəsmlərimə çox böyük maraq göstərdilər. Bu rəsmlər Norveçdə dönə-dönə çap olundu, müsahibələr verdim. Bir çox rəsmim Norveçdə kolleksiyalara düşdü. Mənim Qobustan silsiləsindən iki rəsmim ABŞ da, bir kolleksiyada Pablo Pikasso və Rufino Tamayonun rəsmləri ilə bir sırada asılıb. Bunu mənə kolleksiyaçının özü söylədi. O mənim emalatxanamda olmuşdu və rəsmlərimi çox bəyənmişdi. Söhbətimiz zamanı məlum oldu ki, onun zəngin kolleksiyası var. Bu kolleksiyada Amerika avanqardının çox böyük nümayəndələrinin, Uorxollun, Pollokun, Rauşenberqin və digər məhşur sənətçilərinin əsərləri var. Ronald E.Moor adlı bu cənab şairdir. Mənim qamışdan düzəltdiyim qələmə böyük maraq göstərən cənab Moor elə bu qələmlə mənə öz nəfis çap olunmuş kitabını avtoqrafla hədiyyə etdi. Rəsmlərimin belə bir kolleksiyada olması, dünyada məhşur olan böyük sənətkarların əsərləri ilə bir sırada dayanması, şübhəsiz, xoşdur və bir rəssam olaraq, yaradıcı insan olaraq düzgün yolda olduğuna inam yaradır.
Bir maraqlı cəhəti də qeyd etmək istəyirəm. Pablo Pikasso böyük rəssamdır, dahidir. Mən onun yaradıcılığını diqqətlə öyrənmişəm. Qobustan silsiləsi üzərində çalışdığım dövrdə Pikassonun bu arxaik üsluba bənzər qrafik rəsmləri diqqətimi çəkdi. Pikasso arxaik tərzli, üslublu rəsmlərlə maraqlanmış və çoxlu rəsm çəkmişdi. Bu rəsmlərin bir hissəsi Qobustan rəsmlərinə bənzəyir. Mən bu rəsmləri sonra gördüm. Artıq Qobustan silsiləsi üzərində bir xeyli işləyəndən sonra. Həmin silsilədən olan rəsmlər dünyanın bir çox ölkəsinə gedib çıxandan, kolleksiyalarda öz yerini alandan sonra. Mən bunu Pikasso ilə Qobustanda görüşümüz adlandırdım. Maraqlıdır ki, Pikasso bu nöqtəyə gəlib çıxıb, amma nədənsə davam etdirməyib. Başqa maraqlı yollarla gedib. Başqa gözəlliklər, qəribəliklər yaradıb. Mən məsuliyyət və təvazökarlıq hissini unutmadan deyirəm. Bu yolu, təsviri sənətdə arxaik minimalizm yolunu davam etdirdim və çox maraqlı nəticlərə gəlib çıxdım. İndi mənim rastıma çıxır, bu üslubda rəsmlər çəkirlər, suvenirlər, müxtəlif məmulatlar hazırlayırlar. Amma onlar bu üslubun dərinliyini, mahiyyətini bilmir, çox üzdən gedirlər. Əsl sənətin dərinliyi və hüdudsuzluğu var. Bir çoxları hətta mənim kompozisiyalarımdan, rəsmlərimdən plagiatlıq da edir, bəzən obrazları olduğu kimi köçürürlər. Əvvəl-əvvəl bu məni əsəbləşdirirdi. Axı bu sadəcə oğurluqdur. Amma bu sonra o qədər çoxaldı ki, əhəmiyyət verməməyə başladım. İndi isə tamailə adi yanaşıram. Mənim yaradıcılığımdan, rəsmlərimdən plagiatlıq edənlər adlar aldılar, biznes etdilər. Bu sözlərimin də məsuliyyətinin arxasındayam və həmin adamlara da sübut edə bilərəm. Sənətlə məşğul olanlar yaxşı bilirlər ki, plagiatlıq sənətdə geniş yayılır. Müəllif hüquqlarını qorumaq cəhdləri də bir elə effekt vermir. Təkcə Qobustan silsiləsindən deyil, mənim başqa əsərlərimdən də çox zaman plagiatlıq edirlər. Yenə deyirəm: indi belə plagiatları adi bir şey kimi qəbul edir, demək olar ki, əhəmiyyət vermirəm. Əgər kimlərsə mənim sənətimdən  nələrisə götürərək adlar alırlarsa, özlərini reklam edirlərsə, xeyir götürə bilirlərsə, olsun. Mən onlardan təşəkkür-filan da gözləmirəm. Əsl həqiqəti bilənlər bilir, bilmək istəməyənlər də özlərini elə göstərirlər ki, guya bilmirlər. Amma elə onlar da bilirlər. Bilməyənləri də, Molla Nəsrəddin demiş, öyrətmək lazımdır ki, bilsinlər.

Hiss olunur ki, mənim rəsmlərimin fotoşəkillərinə diqqətlə baxmısan. Özü də bu baxış adi olmayıb. Zövq alaraq, duyaraq və nəticədə sevərək baxmısan. Rəngləri duman təki yaymaq kimi obazlı bir ifadə də bundan gəlib. Tamamilə haqlısan. Musiqidə, ədəbiyyatda, şeirdə, memarlıq və heykəltəraşlıqda, dizaynda, kinoda, ümumiyyətlə sənətdə eyni qanunlar, sənət qanunları işləyir. Rəssamlıq da istisna  deyil. Ton, harmoniya, ifadəlilik, obrazlar, plastika, kompozisiya demək olar hamısında eynidir. Sadəcə sənətin dili var və sənəti anlamaq üçün bu dili bilmək vacibdir. Əgər rəsmlərdə rənglərin duman effekti varsa, deməli, ton yerindədir. Musiqi dilində desək, xaric çıxmamışam. Mən sırf professional söhbət edərək  darıxdırıcı təsir buraxmaq istəmirəm. Tonda da işləməyi sevirəm, parlaq dekorativ rənglərlə də. Ən əsas məsələ odur ki, falş etməyəsən. Yəni saxtakarlq etməyəsən. Gözə kül üfürməyəsən. Çünki bu incəsənətdir və burada hər şey doğrudan da çox incədir.

- Sənin çəkdiyin narlar sanki gülümsəyir...
- ... (gülümsəyir).

- Laçın mövzusunda işlədiyin əsərlərində qəribə bir kədər var, amma bu məğlub kədər deyil.

- İşlədiyim, rəsmini çəkdiyim nə varsa, onu duymadan, hiss etmədən işləyə bilmərəm. Çünki rəssamlıq sadəcə bir şəkil çəkmək deyil. Şəkil çəkməyi hər kəsə öyrətmək mümkündür. Amma kimisə rəssam etmək qeyri-mümkündür. Sənət adamı olmaq böyük bir missiyadır. Bu missiyanı dərk etməli və onu yerinə yetirməlisən. Bimirəm insanın hansısa sənət dalınca getməsinə hansı faktorlar səbəb olur. Amma hər bir insanın həyat yolunda, sənət seçməsində uşaqlıq təssüratlarının güclü rolu olur. Çox zaman da bu təəssüratlar həlledici rol oynayır. Mən Laçında, dağların sinəsinə sığınmış bir kənddə doğulmuşam. Balaca bir kənddə. Kənd öz qədim yerindəydi. Güneyin yamacında biri-birinə söykənmiş evlər, bir-birinə dolaşmış kənd yolları, cığırlar, daş divarlar, qayalar... Bu mənim bitib tükənməyən nağılımdır. Bu nağıl indi reallıqda movcud deyil. İndi o nağıl mənimlədir və bir də mənim rəsmlərimdə. Bir dəfə uşaqlıq dostuma rast gəldim. Mənə müqəddəslik haqqında sual verdi. O, sadə bir zəhmət adamıdır və təhsilini davam etdirə bilməyib. Dedi pirlərə, ziyarətgahlara qarşı çıxanlar var, buna necə baxırsan? Deyirəm kəndimiz yadındadırmı? O kənd, o yerlər sənin üçün müqəddəsdirmi? Elə müqəddəsdir deyir. İndi o kənd yoxdur, ancaq xarabalıqları var, ora ziyarətə gedərsənmi? Elə gedərəm deyir. Hər şey, bax, beləcə bizim yaşadığımız hisslərdən və münasibətimizdən asılıdır. O kənd, doğma yurd, o yerlər mənim üçün də müqəddəsdir. Nə yazıq ki, müqəddəs məbədimiz dağılıb, müqəddəs yerlərimizi düşmən alıb. Mən varlığımda, ruhumda yaşayanları rəsmlərimdə göstərmək istəyirəm. Mənə elə gəlir ki, bütün rənglərım, çalarlarım, hətta cizgilərim də Laçından, kəndimizdəndir. Düzgün qeyd elədin, mənim Laçınla bağlı rəsmlərim qətiyyən bədbinlik, ağır əhval yaratmır. Heç özüm də bunu istəməzdim. Laçında naturadan çəkdiyim çoxlu rəsmlərim var. Burada - Bakıda da  Laçına həsr etdiyim rəsmlərim çoxdur. Amma indiyə qədər Laçına həsr etmək istədiyim sərgini aça bilmirəm. Laçına həsr etdiyim bir kitabı buraxa bilmirəm. Məni sıxan, darıxdıran, bax, budur. “Xatirə” adlı silsilə rəsmlərim var. Bu mənim kəndimizə, uşaqlıq xatırələrimə həsr olunmuş böyük bir silsilədir. Bu silsilədən nə qədər rəsmlər çəkmişəm. Dünyaya da yayılıb. Sayını deyə bilmərəm. Amma çox xoşdur ki, Azərbaycan Dövlət Rəsm Qalereyasındakı rəsmlərimdən biri də həmin silsilədən böyük bir rəsmdir.
(Haşiyə. 2017-ci ilin aprelində Bakı Muzey Mərkəzində Mədəniyyət və Turizm Nazirliyinin təşkil etdiyi “Siyasətdən kənar” müasir incəsənət sərgisi açılıb. Sərgi BMT-nin Sivilizasiyalar Alyansının 7-ci Qlobal Forumu çərçivəsində həyata keçirilib. Həmin sərgidə Azərbaycanın dünya şöhrətli, korifey sənətkarları ilə bərabər rəssam Yusif Mirzənin Dövlət Rəsm Qalereyasında saxlanılan “Xatirə” rəsmi də nümayiş etdirilib. Bu, rəssamın yaradıcılığının yüksək səviyyədə qiymətləndirilməsinin bir növ təsdiqi idi.)

- Səni norveçlilərə sevdirən əsərlərin çoxdur, tanınmış alim Tur Heyerdalın bir zaman Azərbaycana gəlişində Yusif Mirzə yaradıcılığı ilə xüsusi maraqlandığını da eşitmişəm. Ona da Laçını göstərə bildinmi?

- Laçına, kəndimizə həsr etdiyim bir çox rəsm dünyanın bir çox ölkəsində həm nümayış etdirilib, həm də çap olunub. Yadımda qalanlar ABŞ, Norveç, Finlandiya, Türkiyədir. Norveçdə dostlarım və sənətimi sevən insanlar çoxdur. Norveçlilərdə  Azərbaycana, xalqımıza, mədəniyyətimizə maraq çox güclüdür. Mən bu ölkədə səfərdə olmuşam, sərgilərim, çoxlu görüşlərim, müsahibələrim olub. Norveçlilər çox mehriban, səmimi, qonaqpərvər, son dərəcə düzgün, etibarlı, sədaqətli insanlardır. Məni evlərinə dəvət edir və sevə-sevə evlərindəki Azərbaycan guşələrini və buradakı rəsmlərimi göstərirdilər. Bu unudulmaz bir səfər idi. Mənə çox maraqlıydı: bu sevgi, bu hörmət nədən qaynaqlanır, haradan gəlir? Sonra dostlar mənə izah etdilər. Onlar sanki mənim rəsmlərimdə özlərinin qan yaddaşlarının izlərini, simvollarını, nişanələrini görürdülər, buna görə də xüsusi bir münasibət göstərirlər. Norveçlə çox yaxşı əlaqələrimiz vardı, təssüf ki, indi bu əlaqələr dayanıb. Skandinaviya dünyanın qeyri-adi, çox inkişaf etmiş, son dərəcə özünəməxsus bir yeridir. Norveçsə yer üzünün bir cənnətidir.
(...Və daha bir əlavə. Yusif Mirzənin Norveçlə hər zaman sıx əlaqələri olub. Onu bu ölkədə tanınmış və populyarlıq qazanan ilk azərbaycanlı rəssam da adlandırmaq olar. Rəssam Azərbaycanda fəaliyyət göstərən Norveç Humanitar Müəssisəsi ilə birlikdə müxtəlif humanitar istiqamətli layihələrin həyata keçirilməsində iştirak edib. Onlardan Norveçin SKRUK xoru ilə Azərbaycan musiqiçilərinin birgə işi olan musiqi layihəsini, Şəkidə Kiş kəndində qədim alban kilsəsinin tədqiqatını və bərpasını, Mərdəkan qəsəbəsində xəstə uşaqlar üçün 3 saylı internat məktəbində rəsm dərslərinin keçirilməsini, həmçinin 2007-ci ildə Norveçə yaradıcılıq səfərini və fərdi sərgilərinin təşkil olunmasını misal çəkmək olar. 2013-çü ildə professor Vibeke Roqqenin müəllifi olduğu, Norveç Xarici İşlər Nazirliyinin dəstəyi ilə çap edilən, Azərbaycan-Norveç əlaqələrinə həsr olunmuş “Thor Heyerdal for search Odin” kitabının tərtibatında rəssamın Yusif Mirzənin “Xəzərin qədim mahnısı’’ rəsmindən istifadə olunub.)

- Gəl indi də şair Yusif Mirzədən söz açaq...

- Esselərimin birində belə bir ifadə var: “Adım peyğəmbər adıdır. Amma heç vaxt peyğəmbərlik iddiasında olmamışam. Çünki mən rəssamam...” Şeiri, poeziyanı, ədəbiyyatı çox sevirəm. Sevdiyim şairlər, yazıçılar çoxdur. Yapon poeziyasının heyranıyam. Nazim Hikmətin yardaıcılığını, şeirlərini çox sevirəm. Yapon hoykularının mənə çox güclü təsiri olub. Hələ də bu təsirdən çıxa bilmirəm. Çoxlu yazılarım, şeirlərim var. Amma qətiyyən şairlik, yazıçılıq iddiasında deyiləm. Çünki mən rəssamam. Mənim şeirlərim də bir rəssamın şeirləridir. Rəssamların yazdıqları başqalarından fərqlənir. Şeirə və ədəbiyyata sevgi rəssamlıqda mənə çox kömək edir, ən azından poetik düşüncəyə kökləyir. Emalatxanada olmağı, rəsmlərlə, rənglərlə, cizgilərlə, formalarla birgə nəfəs almağı, onlarla ünsiyyətdə, təmasda olmağı, çalışmağı çox sevirəm. Beləcə saatlarla vaxt keçirə bilərəm. Bu mənim zövq aldığım, sevdiyim bir məşğuliyyətdir.

- Şeirlərini də eşidək...
- ...
DUA
Üzümü çərçivəyə,
            Təzəcə çəkdiyim
Kətana söykədim,
Sanki özüm də bilmədən ,
            Qəfildən, səbəbsiz
Dodaqlarımı ona
           Toxuduraraq,
                   yavaşca öpdüm.
 
hələ rəng dəyməmiş,
tanış, bakirə qoxusunu
           sinəmə çəkdim...
və dua etdim.
         ağappaq dünyadan
               mənə baxan
sənət ilahəsinə...
2 dekabr 2008

TƏNHALIĞIN QƏMLİ MAHNISI
Pablo Pikassoya
 
Oturmusan gecənnin içində,
​​​üzündə bir az işıq,
O da qarşı evin tinindəki
​​​​küçə fənərindən.
Başın  qəmli, məhzun,
​​​yenib köksünə.
Açıq pəncərədən görsənən
​göy üzündə ulduz belə yox.
Qaranlıqda dəniz də seçilməz.
Dünyanın dərdləri çoxdu, qardaşım.
Qalaq-qalaq, yığın –yığın.
Çözələnən deyil dərdlər.
Vay dədəm... vay...
Dərd üstə dərd gələr.
Ay doğmaz, bulud keçməz.
Meh əsməz, yarpaq titrəməz.
Tənhalığın ən qəmli mahnısıdı...
Oxuduğun mahnı,...
Bir kimsə dinləməz...
   Oktyabr 2008
 
LAÇINA QAR YAĞIR
Bir il içərisində dünyalarını dəyişmiş Atamın və Anamın əziz xatirələrinə
 
Eşidirsən...
​Laçına qar yağır,​
Ağappaq, bəmbəyaz
​​​Yumşaq.
Laçına qar yağır,
​​ağ  çiçəklər,
​​​ağ ləçəklər,
Ağ kəpənəklər
​uçur uçur havada,
Ehmalca, aram aram
​qonurlar torpağa.
Laçına qar yağır,
hər tərəf sakitlik,
Hər tərəf dümağ,
Hoçaz qayası,
​Mərkiz dağı
Boz duman içində.
​Laçına qar yağır,
Eşidirsən...
​Dinləyirsən...
​​Xatırlayırsan...
Niyə ağlayırsan...
​Niyə ağlayırsan...
Dekabr 2000-2003
 
- Müəllimlik fəaliyyətin səni emalatxanadan çox uzaq salmır ki?

- Eyni zamanda dərs deyirəm. Müəllimliklə məşğulam. Bu da sevdiyim və yaradıcı bir işdir. Müəllim işləməyin ən yaxşı tərəflərindən biri odur ki, daima öz üzərində çalışmalısan. Formada olmalısan. Uşaqlar çox həssasdırlar və incəsənəti gözəl anlayırlar. Ondan zövq alırlar. Gərək hər zaman hazırlıqlı olasan və şagirdlərin maraqlarına cavab verə biləsən. İncəsənətin təbliğ olunmasında, şagirdlərin estetik zövqünün yaranmasında, inkişafında, formalaşmasında ilkin və ibtidai təhsildə rəsm, musiqi, dram dərslərinin keçirilməsi çox əhəmiyyətlidir. Yaradıcı işi pedoqoji işlə əlaqələndirmək çox gözəl nəticə verir. Çox xoş və məmnunluq doğuran bir haldır ki, dərs dediyim məktəbin rəhbərliyi hər şeydən əvvəl məni bir rəssam və yaradıcı insan kimi qəbul edir və dərsləri yüksək səviyyədə qurmağıma   hər cür kömək edirlər. Bu diqqətə, hörmətə görə onlara da minnətdarlığımı bildirmək istəyirəm.

- Tanrı bizi Laçında görüşdürsün, Yusif Mirzə. Sağ ol...

- Təşəkkür edirəm ki, məni arayıb, tapdınız. Mənə elə gəlir ki, nə qədər danışsaq da yenə deməyə sözümüz çoxdur. Əgər bir rəssam kimi rəsmlərim, sənət yolum, fikirlərim kimlər üçünsə az da olsa maraqlıdırsa, buna çox şad olardım.

Söhbətləşdi: Oqtay Qorçu
Oxşar xəbərlər
20:41, Bu gün
"Samsung Pay" Rusiyanın “Mir” ödəniş kartları ilə işləməyi dayandırır
20:37, Bu gün
Çobanyastığı çayının bilmədiyimiz FAYDALARI
20:28, Bu gün
Aİ Şurasının rəsmiləri Azərbaycana səfər edəcəklər
20:25, Bu gün
Əli Nağıyev: Azərbaycanın təhlükəsizlik orqanlarının qarşısında yeni çağırışlar durur
20:15, Bu gün
Azərbaycan təhlükəsizlik orqanlarının 105 illiyi ilə bağlı təntənəli tədbir təşkil olunub
20:13, Bu gün
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib
20:11, Bu gün
Yıldız Tilbe: "Allah pensiyaya çıxanlara kömək olsun, başqa kömək edən yoxdur"
20:08, Bu gün
Çox şanslıdırlar: İki bürcü karyera yüksəlişi gözləyir
20:06, Bu gün
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
19:59, Bu gün
Sumqayıtda yolların təmirinə başlanılıb - FOTO/VİDEO
19:50, Bu gün
Əfqanıstanda güclü zəlzələ baş verib
19:50, Bu gün
Diplomsuz cərrahın qanunsuz əməliyyatları - Klinika nazirliyi necə aldatdı? - FOTO
19:46, Bu gün
Bu meyvələr xoşbəxtlik hormonunu artırır
19:44, Bu gün
Şahmar Hüseynova yeni vəzifə verildi
19:38, Bu gün
Toyuq ətinin yuyulmasının YARATDIĞI TƏHLÜKƏ  
19:28, Bu gün
Nazir üç universitetə yeni prorektorlar TƏYİN ETDİ - FOTO
19:27, Bu gün
Yevlaxda avtomobil yük maşınına çırpılıb, ölən var
19:18, Bu gün
Rusiya İstintaq Komitəsi: “Crocus City Hall”dakı terror Ukraynadan maliyyələşib
19:11, Bu gün
Qara dəliyin ən aydın görüntüsü çəkilib - FOTO
19:08, Bu gün
Azərbaycan və Türkiyə birgə “Qızıl qatar” adlı film çəkəcəklər
19:05, Bu gün
Nazir: “Şuşa İƏT Gənclər Paytaxtı - 2024” çərçivəsində müxtəlif tədbirlər keçiriləcək
19:03, Bu gün
İƏT Gənclər Forumunun prezidenti: Şuşa bütün türk dövlətləri üçün önəm daşıyır
18:59, Bu gün
“Şuşa İƏT Gənclər Paytaxtı - 2024”ün keçirilməsinə dair Öhdəlik Protokolu imzalanıb
18:55, Bu gün
Naxçıvanda mənşəyi bilinməyən saxta zeytun yağları satışdan çıxarılıb
18:43, Bu gün
Yarım milyon mənimsəyən baş həkim HƏBSDƏ ÖLDÜ
18:41, Bu gün
"Bavariya" baş məşqçisinə böyük məbləğdə təzminat ödəyəcək
18:40, Bu gün
Mahmud Abbas yeni hökumətin tərkibini təsdiqləyib
18:25, Bu gün
RİNN: Taksilərə qoyulmuş əksər tələblər qanunvericilikdə bu günə qədər var idi
18:20, Bu gün
Bunları yeyəndə əks cinsin gözünə çirkin görünürük  - Fransız alimlərindən ARAŞDIRMA
18:08, Bu gün
Sabah Qubanın qaz təchizatında fasilə yaranacaq
18:04, Bu gün
Rusiyada məktəbli qız tanımadığı qadına terror aktı törətməyi təklif etdi: Pul müqabilində - FOTO
17:55, Bu gün
"Bizi İsrail ilə ticarət etməkdə ittiham edənlər ölkəmizi nüfuzdan salmağa cəhd göstərir" - Türkiyənin ticarət naziri
17:50, Bu gün
Xarici jurnalist: “Qarabağa səfər mənə həqiqəti anlamağa imkan verib”
17:45, Bu gün
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb - FOTO
17:40, Bu gün
Bu tarixdən taksilərdə videokameralar quraşdırılacaq
17:35, Bu gün
Azərbaycanın Əməkdar artisti vəfat etdi - FOTO
17:32, Bu gün
Azərbaycan alimi Rahim Daşdiyevin Elm Gününə töhfəsi
17:30, Bu gün
BDU-nun bu fakültəsində 2024-2026-cı illərdə aparılacaq elmi tədqiqat işləri müzakirə olunub - FOTO
17:26, Bu gün
Azərbaycanda sərnişin avtobusları ilə bağlı YENİ QƏRAR
17:22, Bu gün
Bacısının plastik dırnağı 6 aylıq körpənin boğazında qaldı - FOTO
17:18, Bu gün
Azərbaycanda taksilərdə POS-terminallar quraşdırılacaq
17:14, Bu gün
“Xuli” ləqəbli narkoman: “İlk dəfə rəhmətlik dostumla patı çəkərək başladım” - VİDEO
17:10, Bu gün
Bu avtomobillərlə taksi fəaliyyəti göstərmək qadağan edildi
17:06, Bu gün
Taksilər yalnız bu rəngdə olacaq - QƏRAR
17:02, Bu gün
Çingiz Mehdiyevi arvadı ifşa edib - Seyşeldə şirkət, ABŞ və Azərbaycanda bahalı mülklər
16:58, Bu gün
Bakı ətrafında dəmir yolu ilə sərnişindaşımaya subsidiya veriləcək
16:54, Bu gün
Məktəb və musiqi kolleci niyə birləşdirildi? - VİDEO
16:50, Bu gün
Ağ və qırmızı rəng, məcburi POS-terminal: Taksi minik avtomobilinə dair tələblər müəyyənləşib - FOTO
16:47, Bu gün
BDU-nun kafedra müdiri AMEA-nın Fəxri Fərmanı ilə təltif olunub - FOTO
16:43, Bu gün
YAP Xətai rayon təşkilatının ərazi partiya təşkilatlarında görüşlər davam edir - FOTO
16:40, Bu gün
“Azerbaijan International Mining Company Limited” (AIMC) şirkəti aztəminatlı ailələrə Novruz sovqatı paylayıb - FOTO
16:35, Bu gün
Brüsseldə gözlənilən sammit: Ermənistan üçün “mühafizə kursu” - ŞƏRH
16:30, Bu gün
CAR prezidenti İlham Əliyevi təbrik etdi
16:25, Bu gün
Vətən müharibəsi qazisi: “Hamınız gələcəksiniz, bu torpaqlarda gəzəcəksiniz, istirahət edəcəksiniz” - VİDEO
16:23, Bu gün
Bakıda mənzildən meyit tapıldı
16:20, Bu gün
“Nigar Camal üzünü bir milyon dəyərində sığortalayıb, futbolçular da ayaqlarını sığorta etdirmək istəyir” - MARAQLI + FOTO
16:14, Bu gün
"Zorakılıq və xilas": "Crocus"dakı terror aktı dünyaya iki tamamilə müxtəlif İslamı göstərdi
16:11, Bu gün
Bayram günləri baş verən qəzalarla bağlı - Açıqlama
16:08, Bu gün
Əli Əsədov qərar imzaladı
16:05, Bu gün
“Crocus City Hall”un analoqunun tikintisi neçəyə başa gələcək?
16:03, Bu gün
Küçəni zibilləyənlərə qarşı nə tədbir görüləcək? - Gəncədə zibilxanaya çevrilən ərazi + VİDEO
15:59, Bu gün
Bakıda əl qumbarası və UZRQM partladıcısı aşkarlandı - VİDEO
15:56, Bu gün
İranda ağır yol-nəqliyyat hadisəsi baş verib, ölənlər var - FOTO
15:53, Bu gün
Fransa şəhərləri Makrona qarşı: Miqrantları “təmizləmə” siyasətinə etirazlar artır - ŞƏRH + FOTO
15:48, Bu gün
Azərbaycanda baş məşqçinin hakimi döyməsinin görüntüləri - VİDEO
15:44, Bu gün
COP29 karbohidrogenlər və yaşıl maliyyələşdirmə ilə bağlı iqlim gündəliyinə təsir edəcək
15:40, Bu gün
Fransa Cənubi Qafqazda müharibə qapılarını döyür - TƏHLİL
15:36, Bu gün
Bu bank AMB-nin tələblərini pozub
15:32, Bu gün
İranda qadın fəallara ümumilikdə 60 il həbs cəzası verildi - FOTO
15:28, Bu gün
Qurban Qurbanov hərəkətlərinə fikir verməyən futbolçunu CƏRİMƏLƏDİ
15:24, Bu gün
Vilayət Eyvazov Şamaxıda qəbul və sıra baxışı keçirdi - FOTO/VİDEO
15:20, Bu gün
Bakı sakininin telefon və çantasını talayan şəxs tutuldu - VİDEO
15:17, Bu gün
“Polad Bülbüloğlunu özüm qucağıma alıb səhnəyə çıxardım...”
15:15, Bu gün
Ana-bacılarını ortalığa qoyurlar - VİDEO
15:11, Bu gün
Qazaxıstanda çay daşdı: Sakinlər küçədə balıq tutdular - VİDEO
15:07, Bu gün
Burun dolğusunun “ölümcül” zərərləri: Kosmetoloqdan AÇIQLAMA
15:03, Bu gün
Elzanın meyxana barədə qalmaqallı sözlərinə Samirədən reaksiya: “Məcburdurlar...”
15:00, Bu gün
GRE General Test imtahanı keçirilib
14:58, Bu gün
Bakı Kənar Dairəvi yolunda qəza sıxlığa səbəb oldu
14:55, Bu gün
Azərbaycanda “Avtomobil yolları haqqında” qanun dəyişdi
14:53, Bu gün
“Qarabağ” sabah çempion ola bilər
14:51, Bu gün
Azərbaycanda olay: Gənc oğlan sahə rəisini güllələdi — TƏFƏRRÜAT
14:47, Bu gün
Qəzzada ölənlərin sayı 32 min 552-yə yüksəlib
14:45, Bu gün
İranda ötən tədris ilində yüzlərlə şagird məktəbi tərk edib - FOTO
14:42, Bu gün
Yeni Kaledoniyada Fransaya qarşı etiraz aksiyası: Azərbaycan bayrağı qaldırıldı - FOTO/VİDEO
14:37, Bu gün
Gənc oğlan məktəbli qızı evinə apardı: "O, yanıma keçəndə anası yatmışdı..." – ŞOK
14:35, Bu gün
Krokus terrorçularını gözləyən dəhşətli aqibət: Tabut kimi yer, ölümü arzulamaq...
14:33, Bu gün
ABŞ, Aİ və Ermənistanın müzakirə edəcəkləri hərbi pakt Rusiya, Türkiyə və Azərbaycana qarşı yönəlib - RƏY + FOTO
14:30, Bu gün
Elza qəzəbləndi: "Küçə sözlərinə əl atırlar" - VİDEO
14:28, Bu gün
Naxçıvanda nəqliyyat problemi necə həll ediləcək? - VİDEO
14:25, Bu gün
Ermənilərin Qazaxda müharibə hazırlığı: Əskiparada səngər qazırlar - VİDEO
14:20, Bu gün
Qaraciyəri qardaşına köçürülən Nərmin Kərimbəyova: “Səhhətimdə problemlər var” - VİDEO
14:15, Bu gün
Bakıda metrosunda “Wİ-Fİ" olacaqmı?
14:14, Bu gün
Bolqarıstanlı futbolçu: "Təəssüf ki, Azərbaycan üzərində qələbə hesabını qoruya bilmədik"
14:10, Bu gün
"Dövlət Təhlükəsizlik Xidməti olduqca mürəkkəb sınaqdan uğurla çıxmağı bacardı"
14:10, Bu gün
Paşinyan qaçıb bu ölkədə gizlənəcək: "Ölüm və həbs gözləyir" - ŞOK
14:05, Bu gün
Paşinyan hökuməti separatçıları küncə sıxışdırır: Bütün ofisləri bağlanacaq
14:01, Bu gün
“Azərişıq” Göyçayda yenidənqurma işlərinə başlayıb - VİDEO
13:59, Bu gün
“Ombudsmanın ermənilərlə görüşü dövlətimizin humanizminin təzahürüdür”
13:55, Bu gün
Le Pen Fransa hakimiyyətini fırıldaqçılıqda ittiham edib
GÜNLÜK
11:56, Bu gün
Şuşalılara müjdə - İlk köç bu tarixdə olacaq
27 Mar 2024 | 20:54
Abituriyentlərə ŞAD XƏBƏR: Keçid balları bu qədər aşağı DÜŞƏCƏK
27 Mar 2024 | 22:37
Pensiya, maaş və müavinətlər yenidən artırıla bilər
27 Mar 2024 | 21:28
Xoruldamaq bu xəstəliklərin XƏBƏRÇİSİDİR
27 Mar 2024 | 23:05
"Səsim batmışdı, elə bilirdilər lalam"
27 Mar 2024 | 20:47
Anadan şanslı doğulan bürclər
27 Mar 2024 | 21:16
Evində huşsuz tapılan məşhur türk aktyoru ilə bağlı YENİ AÇIQLAMA - FOTO
27 Mar 2024 | 20:51
Məşhur Azərbaycan filmlərində heyvanlara aktyorlardan çox qonorar verilirmiş - FOTO
27 Mar 2024 | 21:14
BDU əməkdaşları arasında “İlin alimi” müsabiqəsinin nəticələri açıqlanıb
27 Mar 2024 | 21:33
Şəhid bacısına yüksək vəzifə verildi
HƏFTƏLİK
25 Mar 2024 | 15:28
"Terrorçuların arxasında dayananların hədəfi icra başçısı yox, Azərbaycandır"
23 Mar 2024 | 09:08
78 yaşı tamam olan tanınmış yazıçı: “Dostlarım gedib, qalmışam uşaq-muşaq əlində” -VİDEO+MÜSAHİBƏ
27 Mar 2024 | 12:03
Millət vəkilindən qalmaqallı parklanma qiymətləri ilə bağlı AÇIQLAMA
24 Mar 2024 | 19:04
Əhməd Qəşəmoğlu çağırış etdi: "Rədd olun ekranlardan!"
27 Mar 2024 | 11:10
Məcburi köçkünlər yaşadıqları evləri nə zaman təhvil verəcək?
23 Mar 2024 | 12:34
“Bu terror aktının məhz Araz Ağalarovın obyektində törədilməsi məsələsinə gəldikdə...”
23 Mar 2024 | 08:54
“Putin göstərdi ki, siyasi məqsədlərinə çatmaq üçün nə qədər lazımdırsa, o qədər rusu öldürəcək...”
27 Mar 2024 | 10:05
“Putinin ətrafı Ukraynanın “Krokus”dakı terror aktında iştirakına inanmır...”- "Bloomberg” 
23 Mar 2024 | 00:18
Martın sonunda həyatı dəyişəcək 3 bürc
27 Mar 2024 | 11:21
Azərbaycanın Milli Qəhrəmanı DTX əməkdaşlarının peşə bayramını təbrik edib
AYLIQ
11:56, Bu gün
Şuşalılara müjdə - İlk köç bu tarixdə olacaq
27 Mar 2024 | 20:54
Abituriyentlərə ŞAD XƏBƏR: Keçid balları bu qədər aşağı DÜŞƏCƏK
27 Mar 2024 | 22:37
Pensiya, maaş və müavinətlər yenidən artırıla bilər
27 Mar 2024 | 21:28
Xoruldamaq bu xəstəliklərin XƏBƏRÇİSİDİR
27 Mar 2024 | 23:05
"Səsim batmışdı, elə bilirdilər lalam"
27 Mar 2024 | 20:47
Anadan şanslı doğulan bürclər
27 Mar 2024 | 21:16
Evində huşsuz tapılan məşhur türk aktyoru ilə bağlı YENİ AÇIQLAMA - FOTO
27 Mar 2024 | 20:51
Məşhur Azərbaycan filmlərində heyvanlara aktyorlardan çox qonorar verilirmiş - FOTO
27 Mar 2024 | 21:14
BDU əməkdaşları arasında “İlin alimi” müsabiqəsinin nəticələri açıqlanıb
27 Mar 2024 | 21:33
Şəhid bacısına yüksək vəzifə verildi