Azərbaycan Voleybol Federasiyasının prezidenti Cavid Qurbanov ölkə çempionatının açılış mərasimindən sonra keçirdiyi brifinqdə jurnalistlərin suallarını cavablandırıb...

- Komandalarımız əsasən gənclərə üstünlük verirlər. 12 voleybolçumuz ölkə xaricində çıxış edir. Hamısı da ad qazanmış tanınmış voleybolçulardır. Polina Rəhimova, Yelizaveta Səmədova kimi qızlar dünya meydanlarında artıq öz sözlərini deyiblər. Əvvəllər əsasən qadınlar arasında çempionat olardı. İndi kişi komandalarımız da var. Həm Fövqəladə Hallar Nazirliyinə, həm Sərhəd Qoşunlarına, həm Azərbaycan Dövlət İqtisad Universiteti rəhbərliyinə və ümumiyyətlə, bütün aidiyyəti qurumlara təşəkkürümü bildirirəm. 

Qızların orta aylıq əməkhaqqı təxminən 2000 manata yaxındır. Voleyboldan gözəl nə var ki? Həm yaxşı əməkhaqqı verilir, həm sağlamlıqdır, həm dünyanı görmək imkanı olur. Ucqar rayonlardakı valideynlərə üzümü tutub deyirəm ki, qızlara imkan verin voleybol oynasınlar, inkişaf etsinlər. Voleybol həm də qızlara həyatlarını qurmaq üçün yaxşı şərait yaradır. Bəzi düşüncələri dəyişmək lazımdır. Gördüyünüz kimi, ucaboylu gənclərimiz var ki, onlara hər cür şərait yaradacağıq. Ölkə prezidentinin, həmçinin I vitse-prezidentimizin idmana qayğısı, xüsusi tapşırıqları var. Ümid edirik ki, bütün bunların nəticəsində komandalarımızın, gənclərimizin səsi daha yüksək yerlərdən gələcək, Avropa, dünya çempionatında oynayacaqlar, Olimpiya lisenziyalı turnirlərə qatılacaqlar.

- Fikir verdinizsə, söhbətin əvvəlində gənclərə üstünlük verildiyini bildirdim. Biz indi daha çox onların uyğunlaşmalarına çalışırıq.

- Bəli. Çalışacağıq Gəncədə də oyunlar keçirək. Qazaxda, Zaqatalada da bunun təşkilini istəyirik. Cənab Prezidentimizin dəstəyi ilə hər bir rayonda Olimpiya İdman Mərkəzləri tikilib. Hər cür şərait var. Biz də voleybolun daha çox ictimailəşməsinə, populyarlaşmasına çalışacağıq.

- Bu, təkcə mənim yox, hər kəsin işidir. Ona görə də üzümü universitetlərə, nazirliklərə tuturam. Biz də bacardığımız qədər dəstək verəcəyik. Qızlardan ibarət komandalarımız həmişə yüksək yerlər tutublar. Dörd dəfə Avropa çempionatında 4-cü yerə qədər yüksəliblər.

- Yəqin ki, yavaş-yavaş çoxalar. Bunun üçün zaman lazımdır. Məsələn, ABŞ-da komandalar ancaq universitetlərdə formalaşır. Orada əsas kriteriya pul sayılmır. Dövlətə xidməti ortaya qoyub, özlərini tanıtmağa çalışırlar. Biz də yavaş-yavaş bu pilləyə gələcəyik. Biznesmenlərimiz var, vergi qanununda da 20 faizə qədər güzəşt edilir. Yəqin ki, iş adamlarımız bunlardan istifadə edəcəklər.

- Hər bir vətəndaşın ilk məsuliyyəti dövləti, dövlətçiliyidir. Öncə Vətən, dövlət. Vətən olmasa, heç nə olmaz. Hər kimsə dövlətin himninə bayrağına hörmətlə yanaşacaqsa, biz də ona hörmət edəcəyik. Dövlətini sevən onun ana laylası olan himnini bilməlidir.